Koronavırýs • 19 Qańtar, 2022

Vırýs oshaǵy – qoǵamdyq oryn

336 ret kórsetildi

«Qyzyl aımaqtaǵy» Atyraý oblysynda koronavırýs ınfeksııa­syn juqtyrǵandar sany kún saıyn kóbeıip barady. Oblystyq sanıtarlyq-epıdemıologııalyq baqylaý departamentiniń bas mamany Gúldana Bısembaıdyń málimetinshe, Atyraýda koronavırýs ınfeksııasyn juqtyrýdyń alǵashqy deregi 2020 jylǵy 28 naýryzda tirkelgen. Sodan beri qaýipti vırýsty 55 myńnan astam adam juqtyrypty.

– Koronavırýs ınfeksııasyn juqtyrýdyń negizgi osha­ǵy retinde qoǵamdyq oryndar anyqtalyp otyr. Sońǵy aptadaǵy taldaý kórsetkendeı, naýqastardyń 64,4 paıyzy indetke adamdar kóp jınalatyn oryndarda shaldyqqan. Al 2,5 paıyzy qoǵamdyq kólikte, qalǵany naýqastarmen jaqyn qarym-qatynas jasaý arqyly juqtyrdy, – deıdi Gúldana Bı­sembaı.

Qaýipti vırýs ásirese, Atyraý qalasy men Jylyoı aýdanynda ornalasqan «Teńiz» ken ornynda ýshyǵyp tur. Aty jaman indettiń «qaqpanyna» ilingen naýqastar legi jeti aýdanda da baıqalyp otyr. Tipti koronavırýs ınfeksııasyn oblys ákimi Mahambet Dosmuhambetov pen onyń birinshi orynbasary Serik Aıdarbekov juqtyryp aldy. Oblys ákiminiń baspasóz qyzmeti taratqan aqpa­ratqa súıensek, olardyń Covid-19 ınfeksııasyn anyqtaýǵa tap­syrǵan PTR synamasy oń nátıje kórsetipti. Sol sebepten, ákim men birinshi orynbasary 12 qańtarda qashyq­tan jumys isteýge kóshken.

Oblystyq densaýlyq saqtaý basqarmasy basshysynyń orynbasary Qaısar Abdalıevtiń aıtýyna qaraǵanda, epıdemııalyq ahýal kúrdelenip otyr. Osyǵan baılanysty óńirde qosymsha ınfeksııalyq 1 760 tósektik oryn ashýǵa týra kelgen.

– Infeksııalyq stasıonar­lardaǵy qosymsha tósektik oryn tek Atyraý qalasynda emes, «Teńiz» ken orny men jeti aýdanda da kóbeıtildi. Qazir 29 mobıldi brıgada jumys isteıdi. Dári-dármek qory jetkilikti, – dep málim etti Qaısar Abdalıev.

О́ńirde jyl basynan Pfizer vaksınasynyń eki komponentine arnalǵan 126 myń 520 dozasy jetkizilgen. Osy kezge deıin bul vaksınany 3 626 adam sal­dyrǵan. Onyń ishinde bala emizip otyrǵan 1 789 ana men 191 júkti áıel bar. Sondaı-aq 12-18 jas aralyǵyndaǵy 1 646 jasóspirim atalǵan vaksınany ektirgen.

Munaıly óńirdegi epıdemııa­lyq ahýaldyń nasharlaǵany oblystyq sanıtarlyq-epıde­mıologııalyq baqylaý depar­ta­men­tiniń mamandaryn alańda­typ otyr. Sol sebepten, bas sa­nıtar dárigerdiń mindetin atqarýshy A.Bekeshevanyń qaý­ly­symen karantındik shekteý sharalary kúsheıtildi. Ashyq jobasyna qatysatynyna qara­mas­tan konsert zaldary men fılarmonııalardyń, teatrlar men sırkterdiń qyzmetine, di­nı birlestikter nysandarynda juma namazy men ózge de dinı is-sharany ótkizýge tyıym salyndy. Mundaı tyıym túngi klýbtar men qoǵamdyq tamaq­taný nysandaryndaǵy án aıtý jáne bıge, karaoke qyzmetine de qoldanylady. Sondaı-aq ot­basylyq banketter, úılený toı­lary, mereıtoılar, úıde ótkizi­letin eske alý turǵysyndaǵy basqosýlardy, ashyq aýada, úı-jaılardyń ishinde buqaralyq is-sharalardy ótkizýge shekteý qoıyldy.

 

Atyraý oblysy

Sońǵy jańalyqtar

Suıytylǵan gaz baǵasy óspeıdi

Qoǵam • Búgin, 18:21

Aldaǵy kúnderi aýa raıy qandaı bolady

Aýa raıy • Búgin, 18:00

Dollar arzandady

Qarjy • Búgin, 16:22

Shymkentte de LRT salynýy múmkin

Aımaqtar • Búgin, 12:50

Uqsas jańalyqtar