Koronavırýs • 19 Qańtar, 2022

Kovıdtiń jaýy – karantın

39 ret kórsetildi

Osy aptanyń basynan Qaraǵandy oblysynda koronavırýs ınfeksııasymen syrqattanýshylyqtyń ósýine jáne óńirdiń «qyzyl aımaqqa» enýine baılanysty sanıtarlyq-karantındik rejim kúsheıtildi. Bul týrasynda óńirlik kommýnıkasııalar qyzmeti alańynda ótken brıfıngte oblystyń bas memlekettik sanıtarlyq dárigeri Iýrıı Zalygın málimdedi.

Qaýlyda qarastyrylǵan jańa shekteýlerge saı, oblys­t­a ashyq aýada da, úı ishinde de jappaı is-sharalar ótkizýge tyıym salyndy. Otbasylyq jáne basqa da sharalardy úıde de uıymdastyrýǵa bolmaıdy. Tek eske alý rásimderine ruqsat beriledi. Olardy Ashyq jobasyna qatysatyn nysandarda shaqyrylǵandardyń sany 30 adamnan aspaǵan jaǵdaıda ǵana ótkizýge bolady.

Karaoke-barlarda ánder men bılerge tyıym salyndy. Mekemeler tek qoǵamdyq tamaq­taný qyzmetterin ǵana usyna alady. Qoǵamdyq tamaq­taný oryndarynda bir ústel basynda tórt adamnan artyq otyrmaýy tıis. Jáne olardyń arasynda keminde bir jarym metr qashyqtyq bolýy kerek.

Kınoteatrlarǵa zal ishi 30%-dan artyq toltyrylmaǵan jaǵ­daıda Ashyq qosymshasymen jumys isteýge ruqsat etiledi. Onyń ózinde «jasyl» mártebesi barlar ǵana kıno kóre alady.

Iý.Zalygın barlyq aýyldyq mektepter men qalalar jáne aýdan ortalyqtaryndaǵy oqýshy­lar sany 600-ge deıin bolatyn mektepterde oqytý shtattyq pishimde júrgiziletinin aıtty. Oqýshylar sany 600 jáne odan kóp bolsa, qala mektepteri men aýdan ortalyqtarynyń mektepteri qashyqtan oqytý nysanyna kóshedi. Eskerte ketetin bir jaıt, bul jaǵdaıda 1-2-synyptar oflaın reji­minde oqýdy jalǵastyra bere­di. Al kezekshi synyptar 3-5-sy­nyp oqýshylary úshin uıym­dastyrylady.

Eskerte ketetin bir jaıt, aýmaǵy 100 sharshy metrden as­tam saýda-oıyn-saýyq orta­lyq­tary men azyq-túlik emes saýda úılerine, sondaı-aq aýda­­­ny 6 myń sharshy metrden asatyn azyq-túlik jeli­lerine ki­rýge tek «jasyl» már­tebesi bar adamdarǵa ǵana ruq­sat eti­le­di. Bul sporttyq-saýyq­ty­rý or­­ta­­lyqtaryna, fıtnes-or­ta­lyq­tarǵa, mon­shalarǵa, saýna­larǵa, basseınderge de qatysty.

 

Qaraǵandy oblysy

Sońǵy jańalyqtar

Sal-seriniń sońy

Qazaqstan • Búgin, 21:30

Jazda lager jetispeıdi

Qoǵam • Búgin, 21:27

GGG – CANELO: Er kezegi úshke deıin...

Kásipqoı boks • Búgin, 21:19

Alash ardaqtysyn túrki álemi ulyqtady

Ahmet Baıtursynuly • Búgin, 21:09

Shabandoz taqym qysyp oqıtyn jyr

Ádebıet • Búgin, 21:08

Bizdiń Saıyn

Ádebıet • Búgin, 21:06

Shavqat jeńiske jetti

Sport • Búgin, 21:05

Maǵjannyń qarasózderi

Ádebıet • Búgin, 21:05

Saf aýadaǵy serýen

Egemen Qazaqstan • Búgin, 21:02

Uqsas jańalyqtar