Aımaqtar • 19 Qańtar, 2022

Erlik eskerýsiz qalmaıdy

36 ret kórsetildi

Prezıdent Qasym-Jomart Toqaevtyń Jarlyǵymen elimizdegi jappaı tártipsizdik kezinde qaza tapqan quqyq qorǵaý salasynyń qyzmetkerleri men áskerıler memlekettik nagradalarmen marapattalǵan bolatyn. Opat bolǵan erler qaıtalanbas erligimen máńgi el esinde. Olardyń qatarynda Taraz qalalyq polısııa basqarmasy 1-bóliminiń ýchaskelik ınspektory, polısııa kapıtany Rahat Slanbekov te bar.

Ulttyq Ulannyń 5513 ás­kerı bóliminde qaraly qań­tar oqıǵasynda qaza tapqan Rahat Slanbekovti eske alý sharasy ótti. Jıynǵa batyr­dyń otbasy men týǵan-týys­tary qatysty. Memleket basshy­synyń tapsyrmasyna oraı, oblys ákimi B.Saparbaev II dárejeli «Aıbyn» ordenin batyrdyń anasyna tabys etti. Sonymen qatar marqumnyń otbasyna úsh bólmeli páter berildi. B.Saparbaev óz só­zin­de Memleket basshysy el ty­nyshtyǵyn kúzetý jolynda, qaskóılerge qarsy kúreste opat bolǵan batyrlardy túrli memlekettik nagradalarmen marapattap, marqumdardyń otbasylaryna qajetti kómekter kórsetýdi tapsyrǵanyn atap ótti. «Búlikshilerdiń qolynan qaza tapqan Rahattyń erligi men órligi óziniń áriptesterine, keıingi jas urpaqqa úlgi-ónege. Ol qyzmettik mindetin abyroıly, adal atqara otyryp, óziniń naǵyz patrıot, eljandy er azamat ekenin dáleldep ketti. Eldiń amandyǵy, beıbit turǵyndardyń tynyshtyǵy jolynda ózin qurban etti. Rahat sekildi batyr ulandardyń esimin eli eshqashan umytpaıdy», dedi oblys ákimi.

Al Rahat Slanbekovtiń anasy Ulbosyn Japarova Otan úshin opat bolǵan ulynyń erligi eskerýsiz qalmaı, memlekettik nagradamen marapattalǵanyna yqylasyn bildirip, eldiń aman­dyǵyna tilektestigin jetkizdi. Marqumnyń artynda jary men bes balasy qalǵan.

 

Jambyl oblysy

Sońǵy jańalyqtar

Kaspıı teńizine úsh adam batyp ketken

Aımaqtar • Búgin, 21:18

Tekeli laı kóshkininen tazartylyp jatyr

Aımaqtar • Búgin, 19:53

Bıyl Almatyda myń jas baspanaly bolady

Aımaqtar • Búgin, 17:44

AQSh-ta shirkeýge shabýyl jasaldy

Oqıǵa • Búgin, 17:15

Batys Qazaqstanda jastar shtaby quryldy

Aımaqtar • Búgin, 16:23

Dollar qymbattady

Qarjy • Búgin, 15:55

Uqsas jańalyqtar