Qazaqstan • 20 Qańtar, 2022

Sot segiz myńnan astam is qaraǵan

43 ret kórsetildi

Ortalyq kommýnıkasııalar qyzmetinde ótken brıfıngte Bas prokýrordyń aǵa kómekshisi Azamat Sarǵazın elimizde zańdylyq pen quqyqtyq tártipti qamtamasyz etý úshin naqty is-sharalar qabyldanǵanyn málimdedi.

Spıkerdiń aıtýynsha, Bas prokýratýra men jergilikti prokýrorlar elimizdiń ár óńirinde bolǵan mıtıngiler men jappaı tártipsizdiktiń alǵashqy kúnnen bastap jınalǵandarǵa zańnama talaptaryn oryndaý qajettiligi
týraly birneshe ret túsindirgen. «Biz alańǵa jınalǵan halyqty zańsyz áreketterden saqtandyrdyq. Sebebi zań buzýshylyq bolǵan jaǵdaıda quqyq qorǵaý organdary kinálilerdi qylmystyq nemese ákimshilik jaýaptylyqqa tartý úshin sharalar qabyldaýǵa mindetti», dedi ol.

Memleket basshysy da halyqqa úndeý jasap, parasattylyq ta­ny­týǵa jáne arandatýshylyqqa ermeýge shaqyrdy. О́kinishke qaraı, keı azamattar ortaq talap pen tártipke moıynsunǵan joq. «Bastapqyda beıbit jınalys­tar ótkizýdiń zańmen belgi­len­gen tártibi buzyldy. Osy­ǵan qara­mastan, narazylyq aksııalary beıbit sıpatta bolǵan­dyq­tan buzýshylarǵa sharalar qol­da­nylǵan joq. Qaraqshylar jaǵdaı­dy paıdalanyp, qylmys jasaı bastady: kúsh pen qarý qoldandy, buǵan basqalardy sha­qyrdy, ǵımarattar men kólik­terdi basyp alyp, órtedi, adamdar­dy óltirdi. Osydan keıin qoǵam­dyq tártipti qamtamasyz etý jáne qyl­mystyń jolyn kesý maq­satynda tártip buzýshylar usta­lyp, polısııaǵa jetkizildi. Is-áre­ket­­teriniń sıpaty men saldaryna qaraı olar ákimshilik jaýap­­ty­lyqqa nemese qylmystyq jazaǵa tar­tylýda», dep málimdedi A.Sarǵazın.

Bas prokýratýra ókili bul rette árbir quqyq buzýshynyń is-áreketi obektıvti jáne muqııat tekserilip, jaýaptylyq sharalary jasalǵan quqyq buzýshylyqtyń sıpaty men kináliniń jeke basy eskerile otyryp qabyldanatynyn málimdedi.

Memleket basshysy Bas pro­kýratýraǵa osy kúnderi ártúr­li quqyq buzýshylyqtar úshin ustalǵan adamdardyń kiná dáre­jesin anyqtap, aýyrlatatyn mán-jaılar bolmaǵan jaǵdaıda jazany jeńildetýdi tapsyrdy. Osyǵan oraı eldegi jappaı tártipsizdik pen lańkestik oqıǵanyń statıstıkasy men sıpatyna toqtalǵan A.Sarǵazın sottardyń qazirgi tańda 8 354 ákimshilik is qaraǵanyn da aıtyp ótti.

«3 337 quqyq buzýshyǵa qamaqqa alý nemese aıyppul túrinde jaza qoldanylmaı, eskertý ǵana jasaldy. Al 1 653 is boıynsha sot aıyp­pul saldy. Qazirgi tańda myńnan astam adam qamaqta. Olar­dyń ákimshilik jazasyn jeńil­detý maqsatynda prokýrorlar apellıasııalyq sotqa
1 758 óti­nish hat engizdi. Qazirgi tańda pro­kýrorlardyń ótinish hattary boıynsha 676 adam qamaqtan bo­satylyp, 344 adamnyń aıyppuly eskertýge aýystyryldy. Pro­kýrorlardyń jazany jeńil­detýge jáne aıyppuldy eskertýge aýys­tyrýǵa baǵyttalǵan 738 ótinish hat qaralý ústinde. Budan bólek taǵy 358 ákimshilik is materıal­dardy sotqa jiberilmeı toqtatyldy. Sonymen qatar aýyr jáne asa aýyr qylmystar boıynsha 695 sotqa deıingi tergep-tekserýler bastaldy. Onyń ishinde: 44-i – terrorızm aktisi, 15-i – kisi óltirý, 6 is nasıhattaý faktileri jáne bılikti basyp alýǵa shaqyrý boıynsha. Kúdikti retinde 780 adam ustalyp, onyń 695-in sot qamaqqa aldy», dedi Bas prokýratýra ókili.

Azamat Serǵazın barlyq is boıynsha prokýrorlar aza­mat­tardyń quqyqtarynyń saqtalýyn qamtamasyz etetinin atap ótti. Qyl­mystyq isterdiń aıyptalýshylaryna, onyń ishinde ustalǵandarǵa ýaqtyly zań kómegi kórsetilýde. Sóziniń sońynda ol azamattardy arandatýshylyqqa urynyp qalmaı, resmı aqparat kózderine ǵana senýge jáne qu­qyqtyq tár­tipti saqtaýǵa shaqyrdy.

Sońǵy jańalyqtar

Uqsas jańalyqtar