Aımaqtar • 20 Qańtar, 2022

Oraldyq ǵalymdar halyqaralyq grant utty

2078 ret kórsetildi

Jáńgir han atyndaǵy Batys Qazaqstan agrarlyq-tehnıkalyq ýnıversıtetiniń qos ǵalymy «Bolashaq» halyqaralyq stıpendııasynyń «Taǵylymdama» baǵdarlamasy grantyn utyp aldy, dep jazady Egemen.kz.

Endi olar óz mamandyǵy boıynsha Reseı men Belarýs elderindegi irgeli joǵary oqý oryndarynda taǵylymdamadan ótetin bolady.

Ýnıversıtettegi Synaý ortalyǵynyń ǵylymı qyzmetkeri, aýyl sharýashylyǵy ǵylymdarynyń magıstri Aınur Harjaý «Bolashaq» halyqaralyq stıpendııasynyń grantyn ıelendi. Jas ǵalym endi osy granttyq qoldaýdyń kómegimen K.A.Tımırıazev atyndaǵy Máskeý aýylsharýashylyq akademııasynda «Mal sharýashylyǵy ónimderin óndirý tehnologııasy» mamandyǵy boıynsha 6 aı kóleminde ǵylymı taǵylymdamadan ótedi.

465416

Halyqaralyq stıpendııanyń grantyna ıe bolǵan taǵy bir ǵalym – Indýstrıaldy-tehnologııalyq ınstıtýty dosentiniń mindetin atqarýshy, PhD doktory Erbol Erbaev. Erbol Tólegenuly Belorýssııa memlekettik agrarlyq-tehnıkalyq ýnıversıtetinde «Aýyl sharýashylyǵyn energııamen qamtamasyz etý» mamandyǵy boıynsha 6 aı taǵylymdamadan ótip, tájirıbesin tolyqtyrmaq.

Batys Qazaqstan oblysy.

Sońǵy jańalyqtar

Uqsas jańalyqtar