Ekonomıka • 26 Qańtar, 2022

Byltyr 198,4 myń otbasy ataýly áleýmettik kómek aldy

55 ret kórsetildi

Osy maqsatqa bıýdjetten 68,5 mlrd teńge bólinip, 2022 jylǵy 1 qańtardaǵy jaǵdaı boıynsha 198,4 myń otbasyndaǵy 990,5 myń adam ataýly áleýmettik kómek alǵan, dep jazady Egemen.kz.

AÁK otbasynyń árbir múshesine jan basyna shaqqandaǵy ortasha tabysy óńirlik eń tómengi kúnkóris deńgeıiniń 70%-ynan tómen azamattarǵa taǵaıyndalady.

Budan basqa, AÁK kórsetýdiń jańa tetigin iske asyrý sheńberinde elimizdiń barlyq óńirinde tabysy az otbasylardyń mektep jasyna deıingi balalaryn kepildik berilgen áleýmettik toptamamen qamtamasyz etý boıynsha jumys júrgizilýde.

Eńbek jáne halyqty áleýmettik qorǵaý mınıstrligi baspasóz qyzmetiniń málimetinshe, 2022 jylǵy 1 qańtarda AÁK alýshylar qataryndaǵy 1 jastan 6 jasqa deıingi 259,4 myń balaǵa azyq-túlik jáne turmystyq hımııa jıyntyǵy túrinde áleýmettik toptama taǵaıyndaldy.

Esterińizge sala keteıik, AÁK alýshylarǵa TJ tártibi men karantındik shekteý sharalarynyń qoldanylýyna baılanysty 2020 jylǵy II, III jáne IV toqsandarda, sondaı-aq 2021 jylǵy I, II toqsandarda, 2022 jylǵy I toqsanda kómek taǵaıyndaý uzartyldy.

Qazirgi ýaqytta qazaqstandyqtar AÁK taǵaıyndaýǵa ótinishti turǵylyqty jeri boıynsha jumyspen qamtý ortalyǵynda, sondaı-aq egov.kz elektrondyq úkimet portaly arqyly bere alady.

Sońǵy jańalyqtar

Uqsas jańalyqtar