Ekonomıka • 28 Qańtar, 2022

Ýtıl alymy ýaqytsha toqtatyldy

746 ret kórsetildi

«Jasyl Damý» AQ ákimshisi kádege jaratý tólemin ýaqytsha qabyldamaıdy, dep habarlaıdy Egemen.kz aksıonerlik qoǵamnyń baspasóz qyzmetine silteme jasap.

«Jasyl Damý» qazirgi ýaqytta «О́KM Operatory» JShS-ǵa qatysty quzyrly organdar tekserý júrgizip jatqanyn habarlady.

«О́ndirýshilerdiń keńeıtilgen mindettemelerin basqarý fýnksııasyn burynǵy operatordan «Jasyl Damý» AQ basshylyǵyna berý prosesi aıaqtalmady», delingen habarlamada.

Osyǵan baılanysty, mynadaı qyzmetter ýaqytsha toqtatylǵan:

  • kádege jaratý tólemderin qabyldaý;
  • VETS/VESSSHT qabyldaý;
  • eski jabdyqty kádege jaratýǵa jetkizgeni úshin ótemaqy tóleý;
  • qaldyqtardy jınaýshylardy, tasymaldaýshylardy jáne óńdeýshilerdi sýbsıdııalaý;
  • Ekologııalyq kodekste kózdelgen basqa da túrler.

Aksıonerlik qoǵam barlyq uıymdastyrýshylyq-quqyqtyq prosester aıaqtalǵannan keıin, serverlik baǵdarlamalyq qamtamasyz etýge tolyq ruqsat alǵannan keıin «Jasyl Damý» AQ barlyq mindettemelerin oryndaıtynyn málimdedi.

«Bizge qatysy joq sebepterge baılanysty qazir muny isteý múmkin emes. Biz azamattardan jaǵdaıǵa túsinikpen qaraýdy jáne qyzmettiń qaıta jandanýyn kútýdi suraımyz. Aqparattyq júıeler boıynsha jumystyń bastalǵany keıinirek habarlanady», dedi kompanııa ókilderi.

Sońǵy jańalyqtar

Uqsas jańalyqtar