Koronavırýs • 03 Aqpan, 2022

Jetisý áli «qyzyl aımaqta»

48 ret kórsetildi

Juq­paly indettiń taralýy Jetisý jerinde de azaımaı otyr. О́tken táýlik araly­ǵyn­da óńirde 273 adamnan koronavırýs ınfeksııasy anyqtaldy. Oblys áli de «qy­zyl aımaqta».

Indettiń taralýy adamy kóp ortalyq­tarda jıi baıqalǵan. Mysalǵa, bir táýlikte aýyr­ǵandardyń sany Taldyqorǵan qala­synda 78 jaǵdaıǵa jetse, Almaty qalasy ma­ńyndaǵy Talǵar aýdanynda – 30, Qara­saı aýdanynda – 21, Ile aýdanynda – 18, Eńbekshiqazaq aýdanynda 16 naýqasqa deıin kóbeıip otyr. Sondaı-aq Uıǵyr aýdanynda – 15, Qaratal jáne Sarqan aýdandarynda – 14, Kóksý aýdanynda – 13, Panfılov jáne Jambyl aýdan­darynda – 12 jaǵdaıdan, Tekeli qalasynda – 11, Eskeldi aýdanynda – 8, Balqash aýdanynda – 5, Kerbulaq aýdanynda jáne Qapshaǵaı qalasynda 3 naýqasqa medısınalyq kómek kórsetilipti.

Jalpy, óńirde 1 146 adam stasıonarlyq em qabyldaýda, al 17 naýqas jansaqtaý bóliminde jatyr. Onyń ishinde bir táý­lik­te aýrýhanalarǵa 135 adam túsken. Aýrý­hanalardaǵy tósektik oryndar sany
2 780 bolsa, qazir 41,2 paıyzǵa tolǵan. Munan bólek oblys dárgerleri bir táýlikte 278 naýqasty emdep shyǵarǵan eken.

Aımaqta koronavırýsqa qarsy vaksına alýshylar sany da ósip keledi. Ekpeniń 1-komponentin alǵandar sany 939 657 adamǵa jetti. Al ekinshi ret egilgenderdiń qatarynda 865 566 turǵyn bar eken. Al 150 myń adam revaksınalaýdan ótken kórinedi.

 

Almaty oblysy

 

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar