Aımaqtar • 03 Aqpan, 2022

«Jetisýdan sóılep turmyz...» Aımaqtaǵy radıo alǵashqy habaryn taratty

76 ret kórsetildi

Qazaqtyń aqparat ke­ńis­tigi taǵy bir radıo­ar­namen tolyqty. En­di áýe tolqynynda «Jetisý» radıosy óz habarlaryn tarata bas­taıdy. Aımaqtaǵy jedel aqparat jet­kizetin alǵashqy radıo Almaty oblysyndaǵy sheka­ra­lyq aımaq­tar­ǵa, ınternet baılanysy shek­­teýli aýyldarǵa qolje­timdi bolmaq.

– Radıonyń negizgi ba­ǵyty – aqparattyq-tanym­dyq. Qazaqtyń ulttyq, rýhanı dúnıelerin kóbirek na­sıhattaýǵa basymdyq be­ri­ledi. Tańǵy aqparat­tyq-saýyqtyq habar, túrli sala­da­ǵy mamandarmen suh­bat, kóńilge oı salar tanym­dyq baǵdarlamalar, ásem án, áýezdi kúı, mańyzdy ári qyzyqty jańalyqtar legi... turǵyndar bárin en­di «Jetisý» radıosynan tyń­daıdy degen senimdemiz. Baǵ­darlamalardyń ishin­de «Bir ánniń tarıhy», «Qaırat­ker», «Bilte shamnyń jary­ǵy», «Oıtolǵaq», «Shapaǵat», «Ǵıb­rat» sııaqty ǵıbraty mol habarlar tyńdarman kó­ńi­linen shyǵady degen úmit bar. Eldegi mańyzdy oqı­ǵalar kúnine birneshe már­te «Jańalyqtar» ar­qy­ly jurtqa jetedi, – deıdi «Je­tisý» radıosynyń bas redaktory Esbolat Aıda­bosyn.

Radıo ujymyna belgi­li jýrnalıstermen qatar ámbe­bap tehnıka mamandary jınalypty. Olardyń qa­tarynda Aınur Tóleý, Muhıt Toqtasyn, Saltanat Jek­sembek, Arshyn Aıdyn­bekuly syndy redak­torlar eńbek etedi. Al mýzykalyq ár­leý, qadaǵalaý Maqsat Arystanbaev pen dybys re­jısseri Safa Serǵazy­nyń moınynda eken. Shyǵar­mashylyq quram aldaǵy ýaqytta taǵy da jańa maman­dar­men tolyǵa bermek..

– Biraz jyl buryn mar­qum Beısen Quranbek, Dosan Qyzaıbekuly úsheýmiz qatar otyryp, sol kezdegi oblys ákimi Amandyq Batalovqa shekara mańyndaǵy aýdan­dardyń qytaı tilinde habar tyńdap otyrǵanyn, óńir­ge radıo jıiligi asa ke­rek ekenin jetkizip edik. Ma­qul degen kelisim aldyq. Sodan beride tom-tom qaǵaz jına­dyq, eki-úsh baıqaýda iri radıolar aldymyzdy orap, súrindik. Byltyr mınıs­trlik konkýrsyn utyp, túrli ınstansııalardyń keli­si­­min aldyq. Esbolat pen Aınur top jınap, ra­dıo­habardyń qyr-syryn meń­gerýge kiristi. Endi, mine, bar aýyrtpalyqty art­qa tas­tap, áýe tolqynyna shy­ǵar sátke keldik. О́tkende tildeskende aımaqtyń jańa ákimi Qanat Bozymbaev ta aımaqqa aqparat berý asa mańyzdy ekenin aıtyp edi. Qudaı qalasa, Jetisýdyń eń qıyrdaǵy aýyldary qazaqsha án-kúı, habaryn tyńdaıtyn bolady. Eń áýeli Taldyqorǵan qalasy, Kóksý, Eskeldi aýdandary tyńdarman bolmaq. Odan keıin qytaılyq radıodan mezi bolǵan Jarkent, Alakól óńiri kezekte tur. Raıymbek aýdanynyń shekara mańyndaǵy aýyldaryna da qondyrǵy ornatylady. Balqashtyń sonaý qıyrdaǵy Quıǵan aýyly da eldiń tynys-tirshiligin bilip otyrady, – deıdi «Jetisý» telearnasynyń dırektory Serik Ábikenuly.

Aıtpaqshy, «Jetisý» ra­dıosyn oblys tyńdar­man­dary táýlik boıyna ár óńir­de ártúrli jıilikte tyń­daı alady. Máselen, Tal­dyqorǵan qalasynda –107.2, Jarkent-106.5, Tekeli –104.8, Úsharal-104.3, Lep­si –103.8, Balqash aýdany, Bala­topar eldi mekeninde –102.1, Quıǵan – 101.7, Ra­ıymbek aýda­nyndaǵy Qyzyl­ush, ­Ja­la­ńash aýylda­rynda 100 jıi­liginen qosy­lýǵa bolady.

 

Almaty oblysy

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar