Bilim • 03 Aqpan, 2022

Jetinshi synyp oqýshysy saıt jasady

106 ret kórsetildi

Jetisý óńirinde bilim men ǵylymǵa qumar oqýshylar ósip keledi. Buǵan óskeleń urpaqtyń qolynan shyqqan paıdaly ónertabystardyń kóptep jarııa bolýy dálel. Solardyń biri – Aqsý aýdanyndaǵy J.Sydyqov atyndaǵy orta mekteptiń 7 «b» synyp oqýshysy Tımýr Birijanov.

Zamanaýı tehnıkanyń tilin bilýdi maqsat etken Tımýr ja­qynda óz mektebiniń jeke saıtyn jasaýdy qolǵa alǵan eken. Az kúnde oǵan qol jetkizipti. Oqýshy mekteptiń saıtyn qa­zaq, orys jáne aǵylshyn tilde­rinde jasap shyǵarǵan. Bul saıtta «Bizdiń mektep», «Baı­lanystar», «Galereıa» sııaq­ty bólimder bar. Saıttan oqýshylar men ustazdar mektep­tiń tynys-tirshiligimen tanysa alady.

– Bul saıttyń paıdasyna keler bolsaq, mektepke jańadan keletin oqýshylar bolsa, mektep týraly tolyq aqparat alýǵa múmkindik bar. Bolashaqta onlaın kitaphana qurý josparda bar. Mekteptiń saıtyna QR kod arqyly kirýdi oılastyryp qoıdym. Sonymen qatar saıtqa oqýshylar men ustazdarǵa ar­nalǵan chat qurýdy bastadym, – deıdi jas ónertapqysh.

Aıtpaqshy, J.Sydyqov atyn­daǵy orta mekteptiń 7-synyp oqýshysy Tımýr Biri­janov byltyrǵy oqý jy­­­lynda aýdandyq «Meniń Otanyma – meniń bastamam» shy­ǵarmashylyq jobalar baı­­qaýyna qatysyp, onyń «Me­dıa jobalar» baǵyty bo­ıyn­sha júldeli I oryn alyp­­ty. Sondaı-aq oblystyq «Me­niń Otanyma – meniń bastamam» shyǵarmashylyq jobalar baı­qaýynyń «Medıa jobalar» baǵyty boıynsha da júldeli II oryn ıegeri atanǵan.

– Tımýr – bizdiń mekteptegi daryndy oqýshynyń biri. Ol mektep saıtyn qurastyryp jasaýda. Sonymen qosa sanı­tar­lyq avıasııa salasynda qoldaný úshin tikushaq make­tin qurastyrdy. Osy jobasy­men byltyr «Uly ónertap­qyshtyqqa alǵashqy qadam» ınnovasııalyq ıdeıalardyń oblystyq baıqaýynan «Avıa­sııa salasyndaǵy jobalar» atalymy boıynsha júl­deli 1-oryn ıegeri atanyp, res­pýb­lıkalyq baıqaýǵa joldama aldy. Tımýrdyń alar asý­lary, shyǵar belesteri kóp eke­nine senemiz, – deıdi jas óner­tapqyshtyń jetekshisi, mekteptiń ınformatıka pániniń muǵalimi Gúljan Qulynbaeva.

 

Almaty oblysy

 

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar