Tutynýshynyń tamyryn tap basqan

Bul maqsat jolynda atalǵan kásiporyn «Damý» qorynyń qoldaýyna súıengen. Kompanııanyń kommersııalyq dırektory Klımentıı Mýn basynda kásipti et óńdeıtin shaǵyn óndiristen bastaǵandaryn eske alady. Osydan úsh jyl buryn iske kiriskende, kásiporynnyń bar bolǵany 4 qyzmetkeri bolypty. Al bul kúnde kompanııa kerege keńitip, ondaǵy jumysshylar sany 30 adamnan asqan. Olar aı saıyn ortashalap aıtqanda, 150 myń teńgeden aılyq alady.

– О́ndiris úshin kóshpendiler ómir súr­gen baǵzy zamannan bastap búginge deıin qalyp­tasqan ulttyq dámdi taǵamdardyń eń jaqsy reseptilerin tańdadyq, – deıdi K.Mýn.

Aıta ketetin bir jaıt, kompanııa soıý­ǵa arnalǵan maldy ózine tıesili fer­ma­lar­da baǵyp, ósiredi. Munyń ózi shyǵa­ry­latyn ónimniń joǵary sapaǵa ıe bolýyn qam­ta­masyz etetini sózsiz. Buǵan qosa, kompa­nııa­nyń barlyq ónimderine Halal sertıfıkattary bar.

Búginde negizgi erejeni saqtaı otyryp, assortımentti kóbeıtý maqsatynda ju­mys istep jatqan kompanııa óndiristi keńeı­tý úshin «Damý» qorynyń qoldaýymen «First Heartland Jysan Bank» AQ arqyly qar­jylaný múmkindigine ıe bolǵan. Sony­men birge «Bıznestiń jol kartasy-2025» memle­kettik baǵdarlamasy aıasynda paıyz­dyq mólsherleme jyldyq 6%-ǵa deıin tómen­detilipti.

– Jetispeıtin kepil somasyna «Damý» qory óz kepildigin berdi. Sonyń nátıjesinde biz unnan jasalǵan jartylaı daıyn ónimder shyǵaratyn sehty iske qosa aldyq, – deıdi K.Mýn.

Un demekshi, kompanııanyń jylyna 193 tonnaǵa deıin unnan jasalǵan jartylaı fab­rıkattar shyǵarýǵa kúshi jetedi. Olar­dyń assortımentine ónimniń 23 ataýy kiredi. Budan bólek, 40 tonnaǵa deıin et delı­katesteri óndiriledi. Osy ónimderdiń basym bóligin kásiporyn ózine tıesili úsh satý bólimi arqyly tutynýshylarǵa usynyp júr.

Kompanııanyń aldaǵy jospary da aýqym­­dy. Ujym basshylary elimizdiń basqa óńir­­lerinde de óndiris oryndaryn ashqysy ke­le­di. Bul úshin, árıne, myqty demeý kerek. Mysaly, Qazaqstannyń damý bankinen qosymsha qoldaý bolsa, Qazaqstan boıynsha árqaısysynyń kem degende 50 jumysshysy bar shaǵyn kásiporyndar ashýǵa bolady eken.

– Sonymen qatar biz óz ónimderimizdi taıaý jáne alys shetel naryqtaryna shyǵa­rýǵa daıynbyz. О́ıtkeni suranys bar. My­saly, qaraǵandylyqtar bizdiń ónimdi shetel­ge shyqqan kezde qonaqsyı retinde jıi satyp alady. Bizde barlyq qujattar men sertıfıkattar bar, – dep oryndy maqtanady kom­panııanyń kommersııalyq dırektory K.Mýn.

Búginde qanatyn keńge jaıǵan «Qaz Delikates SÚ» kompanııasy óz ónimderin Qaraǵandydaǵy sýpermarketterge, qarttar úılerine jáne oblystyń basqa da saýda núk­telerine jetkizedi. Sapaly qyzmetke, tabı­ǵı ónimge et jegendi jaqsy kóretin aǵaıyn dán rıza.

Qaraǵandy oblysy