Memlekettik ortalyq mýzeıde Qazaqstannyń «Kórkem eńbek» páni muǵalimderiniń qatysýymen respýblıkalyq «Babalar úni» kórmesi ashyldy. Dástúrli joba jyl saıyn úzdik ustazdardy rýhanı alańǵa jınap, ózara tájirıbe almasýǵa jol ashyp keledi.
«Babalar amanaty» jobasynyń maqsaty elimizdiń búkil aımaqtaryndaǵy kórkem eńbek páni muǵalimderin bir arnada toǵystyrý. Sol arqyly óskeleń urpaqtyń tálim-tárbıesi men bilim negizin ushtastyrý hám árqıly janrdaǵy týyndylardyń qyr-syryn tarıh taǵylymyna tereń boılata otyryp kórermenge jetkizý.
Bıyl «Babalar amanaty» Ulttyq jobasynyń qurylǵanyna úsh jyl toldy. Jobaǵa Sýretshiler odaǵy, Respýblıka dızaınerleriniń Eýrazııalyq odaǵy, Qolóner odaǵy jáne shyǵarmashylyqpen aınalysatyn elimizdiń Kórkem eńbek muǵalimderi kiredi. Olar Túrkııa, Grekııa jáne Ortalyq Azııa elderi arasynda ótetin halyqaralyq kórmelerge úzbeı qatysyp keledi.
Joba jetekshisi – Qanaǵat Kodekov. «Babalar amanaty» – halyqaralyq kásibı sýretshileri men talantty Kórkem eńbek muǵalimderiniń úzdik shyǵarmalar jınaǵynyń avtory «Úzdik pedagog-2021» baıqaýynyń jeńimpazy atanǵan bolatyn. Sondaı-aq onyń qoltańbasynan Ál-Farabıdiń 1150 jyldyǵyna, Abaı Qunanbaıulynyń 175 jyldyǵyna, Muqaǵalı Maqataevtyń 90 jyldyǵyna, el Táýelsizdiginiń 30 jyldyǵyna arnalǵan shyǵarmalar jınaqtary jaryq kórdi.
– Kórkem eńbek pánderin oqytatyn respýblıkanyń barlyq óńirlerinen kelgen 800-den astam ustaz, shyǵarmashyl pedagog «Babalar amanaty» jobasynda respýblıkalyq jáne halyqaralyq deńgeıde pedagogıkalyq ónerdi nasıhattaý maqsatynda birikti. Joba músheleri elimizde ótip jatqan mádenıet kúnderine belsendi qatysyp, kórmeler ótkizedi. Qazirgi ýaqytta elimizdiń pedagogıkalyq qoǵamdastyǵy óskeleń urpaqty ulttyq beıneleý óneriniń qupııalary men qyr-syryna úıretý úshin tynymsyz eńbek etýde, óner arqyly olardy qazirgi zamanǵy kórkemdik baǵyttarmen tanystyrady, estetıkalyq tárbıeni, sulýlyqty durys túsinýdi qalyptastyrady. Qazaqstannyń ulttyq ónerin nasıhattaý isinde shyǵarmashyl pedagogterdiń orny erek, – deıdi Qanaǵat Kodekov.
Bıylǵy kórmege Qaraǵandy, Atyraý, Aqtaý, Shymkent, Mańǵystaý, Pavlodar, Semeı, О́skemen jáne taǵy basqa da aımaqtardan halqymyzdyń ulttyq mádenıetin, tarıhyn, salt-dástúrin, Qazaqstan tabıǵatynyń sulýlyǵyn beıneleıtin 40-tan astam týyndy usynylǵan. Almatylyq kórermender men qala qonaqtary atalǵan óner jármeńkesin 2022 jyldyń 23 aqpanyna deıin tamashalaı alady.
ALMATY
ShQO-da joǵalǵan er adamnyń máıiti tabyldy
Qoǵam • Búgin, 11:10
Qazaqstanda zeınetaqynyń ortasha mólsheri qansha?
Qarjy • Búgin, 11:02
Kásipqoı boks: Sultan Záýirbektiń kelesi qarsylasy anyqtaldy
Boks • Búgin, 10:55
Aqtóbelikter Shavkat Rahmonovqa at mingizdi
Sport • Búgin, 10:42
Ronaldý ulttyq qurama sapynda 100 gol soqqan alǵashqy fýtbolıst atandy
Fýtbol • Búgin, 10:38
Elena Rybakına Maıamı masters týrnıriniń úshinshi aınalymyna ótti
Sport • Búgin, 10:24
Uqsas jańalyqtar
