Medısına • 09 Aqpan, 2022

Dári-dármekpen demegender

37 ret kórsetildi

Qaraǵandy oblysy boıynsha qańtar aıynda antıpıretıkalyq jáne vırýsqa qarsy dári-dármekke degen suranys kúrt artqan edi. Tipti aıdyń ekinshi onkúndiginde «jaman tumaý» juqtyrǵan 3 myńǵa jýyq adam tirkeldi. Munyń ózi óńirde koronavırýs ınfeksııasynyń kúsh ala túskenin kórsetken edi.

Degenmen qazirgi ýaqytta jaǵdaı birshama turaqtaldy, indet­tiń beti qaıtty. Medı­sı­nalyq preparattarǵa baıla­nys­ty dúrligý joq. Bul týra­syn­da Qaraǵandy oblysy bo­ıyn­sha medısınalyq jáne far­masevtıkalyq baqylaý depar­tamentiniń basshysy Olga Smırnova senimdi túrde málim­de­di. Mamannyń aıtýynsha, bú­ginde shtattyq rejimde 555 jeke dárihana, 26 qoıma, 46 áleý­met­tik dárihana jáne 9 jyljymaly pýnkt jumys istep tur. Me­dısınalyq preparat ja­ǵy­nan da eshqandaı másele joq. O.Smırnova aıtqandaı, oblysta pandemııa bastalǵannan beri kún saıyn dárilik zattar men medısınalyq buıymdarǵa monıtorıng júrgizilip keledi. Iаǵnı bul – epıdemııalyq ahýal tolyqtaı baqylaýda degen sóz.

Joǵaryda aıtylǵan sóz­der­­diń rastyǵyn Qaraǵan­dy­daǵy farmasevtıka qoı­ma­larynyń bas­shylary da qýat­taıdy. Mysaly, me­­dı­­sı­na­lyq preparat­tardy kó­terme baǵa boıynsha satýmen aınalysatyn «MAK-IL» dárihana qoımasynyń dırektory Ivan Ilıýshkın qandaı da bir dári-dármek joq bolyp jatsa, onyń ornyna álgi preparattyń balamasyn satyp alýǵa keńes beredi.

– Biz Qaraǵandy, oǵan seriktes qalalar men Jezqazǵandaǵy 200 dárihanaǵa dári-dármek jetkizý qyzmetimen aınalysamyz. Kúnine 100-120 tapsyrys túsedi. Qazir jurttyń antıbıotıkterge jáne antıpıretıkterge degen qajettilik deńgeıiniń tómendeı túskenin kórip otyrmyz. Muny dárihanalardaǵy kezek sany boıynsha anyqtaýǵa bolady. Qazir kezek degenińiz joq. Eger «Teraflıý» tappasańyzdar, «Taılolfen hot» satyp alyńyz­dar nemese parasetamol men askorbın qyshqylyn alyńyz – báriniń de áseri birdeı bolady, – deıdi ol.

«Medservıs Plıýs» QBK fılıa­ly­nyń basshysy Erik Sma­ıyl­bekov te vırýsqa qarsy dá­ri-dár­mekti satýdyń shyr­qaý shyńy qańtar aıynyń 20-25-i kúnderi ara­lyǵynda bolǵanyn, al qazir jaǵdaıdyń tynyshtalǵanyn aıtady.

Qazirgi tańda jaýapty mamandar oblystaǵy barlyq emhana koronavırýs ınfeksııasyna qar­sy dári-dármekpen tolyqtaı qa­m­tamasyz etilgenine ke­pil­­dik berip otyr. Budan bólek sol medısınalyq mekemeler­ge dıspanserlik toptaǵy naýqas­tar­dy qamtamasyz etý úshin úsh aı buryn qajetti dári-dármek beriledi eken. Eger dárilerdiń ýaqtyly berilmeýi týraly máse­le týyndasa, turǵyndar naý­qas­tardy qoldaý qyzmetine neme­se densaýlyq saqtaý bas­qar­masynyń call-ortalyǵyna, sondaı-aq MFBD-nyń senim tele­­fonyna habarlasa alady.

Taǵy bir aıta ketetin jaıt, taıaýda Qaraǵandylyq dárilik zattar men medısınalyq bu­ıym­­­­dardy óndirýshiler men ó­tki­­­­zý­shi­ler jasóspirimder, jas­­­tar jáne júkti áıelder ara­­synda vaksınalaýdy jarnamalaý boıynsha aksııa jarııa­la­dy. Bul sharaǵa Qaraǵandy far­ma­sevtıkalyq kesheni, «Far­­masııa-2010», «Med­ser­vıs», «Stofarm», «MAK-IL» bas­­tamashy boldy. Olar sóz­den iske kóship, óz ónim­de­rin egil­gen­der­ge taratý úshin vaksı­na­laý pýnktterine tegin bere bas­tady.

Bul ıgi ıdeıany oblystyń bas­qa da farmasevtıkalyq uıym­­da­rynyń qoldaǵanyn aıt­qan lázim. Mysaly, qalalyq alǵashqy medısınalyq-sanı­tarlyq kómek ortalyǵy baza­syndaǵy vaksınalaý pýnk­tine qaraǵandylyq «GrosFarm» dezın­feksııalyq qu­ral­­da­ry­nyń óndirýshisi teri an­tı­sep­tık­terin, al «Inkar» far­ma­sev­­tıkalyq kompa­nııa­sy­nyń bó­limshesi medı­sı­na­lyq mas­ka­lardy, antıseptıkter men me­dı­sınalyq maqsattaǵy bu­ıym­dardy jetkizdi.

Sonymen qatar vaksına sal­dyrǵandardy qoldaý jáne kó­ter­­meleý maqsatynda «MAK-IL» dárihana qoımasy sý quıýǵa ar­nal­ǵan ydystar daıyndap qoı­sa, «Medservıs Plıýs» kompa­nı­ıasy dárýmender, gematogen, lolıpoptar jáne bet­per­de­lerdi ekpe alatyn beketterge taratýdy bastap ketti.

Jalpy, Qaraǵandy oblysynda vaksınalaý jáne revaksınalaý jumystary keń aýqymda júrgizilip jatyr.

 

Qaraǵandy oblysy

Sońǵy jańalyqtar

6 shildege arnalǵan aýa raıy boljamy

Aýa raıy • Búgin, 09:43

Shabyt shaqyratyn shahar

Elorda • Búgin, 08:23

Aqjaınaq astana

Elorda • Búgin, 08:22

Ozyq óndiris ornynda boldy

Aımaqtar • Búgin, 08:20

Ult saýlyǵyn ulyqtaǵan megapolıs

Elorda • Búgin, 08:18

Baǵdaryń qalaı, bas qala?

Elorda • Búgin, 08:17

«Astana Operamen» dos bolaıyq

Teatr • Búgin, 08:15

Dımash pen Djekson

О́ner • Búgin, 08:10

Utqanymyz shamaly bolyp tur

Qoǵam • Búgin, 08:05

Irikteýdiń ekinshi kezeńine ótti

Sport • Búgin, 08:02

Egizder festıvali

Qoǵam • Búgin, 08:00

Elordanyń damý dańǵyly

Elorda • Keshe

«Nur-Sultan kitaphanasy»

Elorda • Keshe

Qattalǵan tarıh qazynasy

Elorda • Keshe

Ahańnyń adaldyǵy

Ahmet Baıtursynuly • Keshe

Qaraly kezeń kartınasy

Qazaqstan • Keshe

Parıjge syımaǵan Pol

О́ner • Keshe

Qarttar úıindegi vals

Qoǵam • Keshe

Uqsas jańalyqtar