Qoǵam • 16 Aqpan, 2022

Daryndylar dara shyqty

88 ret kórsetildi

Kókshe jerinde ótken XVII respýblıkalyq «Zerde» baıqaýynda 2-7-synyp oqýshylarynyń zertteý jobalary men shyǵarmashylyq jumystary synǵa tús­ken bolatyn. Konkýrs qory­tyndysynda Qaraǵandy oblysynan qatysqan 18 jas zertteýshi joǵary nátı­jelerge qol jetkizdi.

Naqtyraq aıtar bolsaq, Arqa tósiniń daryndy órenderi eki altyn, bes kúmis, úsh qola júldege jáne úsh gramotaǵa ıelik etti.

Bilim jáne ǵylym mınıs­trliginiń «Daryn» respýblıkalyq ǵylymı-praktıkalyq ortalyǵy uıymdastyrǵan baıqaýdyń qa­zylar alqasy uzyn sany 62 ko­man­danyń, 423 oqýshynyń eń­begin, sondaı-aq  361 juptyq jáne 299 jeke jumysty saraptaý­dan ótkizip, tıisti baǵasyn berdi.

Atalǵan konkýrsta Qara­ǵan­dydaǵy №101 mektep-lı­seı­diń 4-synyp oqýshysy Mereı Jumadildına I dárejeli dıp­lomǵa ıe boldy. Jas zertteýshiniń tálimgeri Ryskúl Manastyń aıtýynsha, Mereı baıqaýda «Úsh myń jyldyq tarıhy bar Saryarqa» atty jobamen baq synaǵan.

– Qazirgi Qazaqstan arheologııasy tarıhyndaǵy aıtýly jańalyqtyń biri – Ortalyq Qazaqstan aýmaǵynan tabylǵan pıramıda. Arheologtar bul ejelgi qorymdy qola dáýirdiń «Beǵazy-Dándibaı» mádenıetine jatqyzady. Ǵalymdardyń pa­ıym­daýynsha, úsh myń jyldyq qorym sol zamandaǵy handardyń birine arnalyp salynǵan. Pıra­mıdanyń qurylysy da erekshe. Joba barysynda Mereı «Qa­rajartas» qorymynyń syrtqy qurylysy týraly aıtyp berdi, – deıdi R.Manas.

Sondaı-aq Mereı Juma­dil­dına Saryarqa pıramıdasyn Mysyrdaǵy pıramıdalarmen salystyryp, túrli beıne reportajdar jasaǵan.

 

Qaraǵandy oblysy

Sońǵy jańalyqtar

Indet qaıta órshidi

Álem • Keshe

О́ńirde damý úrdisi bar

Aımaqtar • Keshe

Tańdaıdyń tarlany

Tarıh • Keshe

Joǵalǵan soldat

Tarıh • Keshe

Dombyrany dáriptedi

Rýhanııat • Keshe

Almatyda 36 gradýs ystyq bolady

Aýa raıy • Keshe

Búgin - Ulttyq dombyra kúni

Qazaqstan • Keshe

Uqsas jańalyqtar