Medısına • 17 Aqpan, 2022

Densaýlyq mekemelerine aryz-shaǵym kóp

74 ret kórsetildi

Qaraǵandy oblysynda baspana salýdyń bastyrmalata júrgizilip jatqanyn buryn da aıtqanbyz. Bul jaǵynan qurylys salasyna kinárat arta almaısyń. Al medısına salasynda másele degen jetip-artylady. Máselen, ondaǵy sapasyz qyzmet, basshylyq tarapynyń qalyptasqan jaǵdaıǵa qatysty nemquraıdy kózqarasy turǵyndardyń oryndy ókpe-renishin týdyryp otyr. Sol sııaqty óńirdegi jolaýshylar tasymalynda da tolǵaǵy jetken másele bastan asady. Mine, osy máselelerdi sheshý úshin iske jan bitiretin jańashyl qadamdar kerek bolyp tur.

Pandemııa Qaraǵandy obly­syn­daǵy medısınanyń jetistigi men kemshiligin ashyp kórsetti. Jetis­ti­gi dep dárigerler qaýymynyń jan­kesh­ti eńbegin aıtsaq, kem­shilikke osy saladaǵy sheneýnik­ter­diń iske kel­gen­degi tońmoıyndyǵyn jat­qyzýǵa bo­latyn shyǵar...

Medısınadaǵy problemalar jáne salanyń bolashaqtaǵy damýy jaıynda áńgime kóterilgen onlaın-jıynda oblys ákimi Jeńis Qasymbektiń den­saý­lyq saqtaý basqarmasynyń basshysy Gamal Toqsambaevty qatań synǵa alǵany da tegin emes. О́ńir basshysy bul saladaǵy saldyr-salaqtyqtyń, sharýa­ǵa degen qyr­syzdyqtyń dárigerlerdiń eren eń­begin, tókken terin jýyp-shaıyp ketetinine qynjylys bildirdi. Má­selen, búginde turǵyndar tarapy­nan medısına mekemelerindegi qyz­met kórsetýdiń sapasyzdyǵyn, tamaq­ta­nýdyń tym qarabaıyrlyǵyn aıtyp dabyl qaqqan aryz-shaǵymdar kóptep túsip jatyr. Al Toqsambaev bas­qaratyn vedomstvo bolsa, bul jaǵdaı­lar­ǵa nemquraıdy qaraıtyn sııaqty.

– Pandemııa kezinde aldyńǵy shepte júrgen dárigerler ýaqytpen sanaspaı eńbek etip jatyr. Al medısınadaǵy she­neý­nikter bolsa, problemalardy kórmeıdi nemese oǵan kóz juma qaraıdy. Sizder turǵyndardyń jaz­ǵa­nyn oqymaısyzdar degen pikir bar. Bul máselede tártip ornatyńyzdar, merdigerlermen jumys isteńizder, monıtorıng, taldaý jasańyzdar, pasıentter arasynda saýaldama júr­gi­zińiz­der, – dep shegelep aıtqan óńir bas­shysy.

Densaýlyq saqtaý basqarmasynyń basshysy Gamal Toqsambaevtyń bul syndy moıyndamasqa amaly joq. Osy oraıda ol pasıentterdi qoldaý qyzmetterin qaıta uıymdastyrý jos­pary ázirlengenin alǵa tartty. Ol qyzmet­terdi qadaǵalaý quramyna qo­ǵam ókilderi men máslıhat depýtattary enetin baqylaý keńesine bekitilip berilmek eken.

Qazirgi tańda oblysta ana men bala ólimi máselesi ótkir kúıinde tur. Má­­selen, byltyr jeti birdeı júk­ti áıel koronavırýs ınfeksııasy­nan qaıtys bolǵan. Basqarma basshy­sy munyń sebebin bosandyrý qyz­meti mamandarynyń tapshylyǵy men bilik­ti­liginiń tómendiginen kó­re­di. Sondaı-aq ol bosandyrý bó­lim­sheleriniń jetkiliksiz turǵyda jaraq­tan­dy­ry­l­ýy da bul máselege sebepker eke­nin a­ı­tady.

Degenmen, oblysta medısınanyń túıindi máseleleriniń birtindep sheshim taýyp kele jatqany da ras. Aldaǵy ýaqytta iri medısınalyq uıymdar zamanaýı tehnıkamen jabdyqtalady. Rezıdentýrada dıplomnan keıingi bilim alatyn mamandar sany artyp ke­ledi: bıyl «Ana men balany qor­ǵaý» baǵyty boıynsha 26 rezıdent shyǵarylmaq.

Kadr tapshylyǵyna kelgende, atal­ǵan olqylyqty joıýdyń birden-bir joly – jas mamandardy baspanamen qam­tamasyz etý. Bul turǵyda oblysta ilgeri jyljý bar. Mysaly, 2021 jyly jas mamandar 199 jaıly baspanaǵa ıe bolsa, bıyl olarǵa kem degende 200 páter beriledi.

Budan bólek densaýlyq saqtaý salasynda ınfraqurylymdy jetildirý asa mańyzdy mindetterdiń biri. Bıyl 200 tósektik oblystyq kópbeıindi balalar aýrýhanasynyń qurylysy aıaqtalmaq. Oblystyq onkologııalyq dıspanserdiń operasııalyq-reanı­ma­sııalyq blogy da paıdalanýǵa beri­le­di. Munyń ózi jasalatyn otalar sanyn jylyna bir myńǵa arttyrýǵa múmkindik beredi. Qadamdyq qol­je­tim­dilik negizinde bes emhana ashý josparda bar. Sonymen birge «Qa­zaqmys» korporasııasymen arada Sát­baev qalasynda konsýltasııalyq-dıagnostıkalyq ortalyq salý týraly kelisim de kúshine engen. Bul baǵyttaǵy ıgi jobalardan aýyldyq jerler de tys qalmaıdy. Mysaly, bıyl taǵy tórt feldsherlik-akýsherlik pýnkt salý josparda bar.

 

Qaraǵandy oblysy

Sońǵy jańalyqtar

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar