Álem • 18 Aqpan, 2022

Fransııa Malıdegi áskerin qaıtarady

77 ret kórsetildi

Fransııa halyqaralyq terrorızmge qarsy «Takýba» operasııasyna qatysýshy odaqtastarymen birlesip Malıdegi áskerdi qaıtaratynyn habarlady. Buǵan aımaq basshylarymen týyndaǵan kelispeýshilikter sebep, deıdi Fransııa úkimeti.

Jaqynda Fransııa prezıdenti Emmanýel Makron Elıseı saraıynda Eýropa men Afrıka elderiniń basshylaryn qabyldady. Kezdesý qorytyndysy boıynsha, Malıdegi jıi aýysatyn basshylyqtyń Eý­ro­pa áskerine kedergi jasap otyr­ǵa­ny málim boldy. Jedel jáne qu­qyq­tyq sharttar áskerı opera­sııa­­ny tıimdi jalǵastyrýǵa keder­gi kel­tirip otyrǵandyqtan, terrorızmmen kúresti toqtatýǵa ýaǵdalasty.

Elıseı saraıynda jarııalan­ǵan málimdemede «Jıi aýysatyn jergilikti bıliktiń tosqaýyl­dary sebebinen «Barhan» men «Takýba» operasııalaryna qatysýshy Kanada men eýropalyq memleketter saıası, jedel, quqyqtyq sharttar boıynsha Malıdegi jaǵdaıdy túzeý múmkin bolmaı tur. Sondyqtan ásker men áskerı tehnıkany shyǵarýdyń birlesken jolyn izdeýdi bastaımyz dep sheshim qabyldadyq» delingen.

Alaıda fransýz áskeri men odaqtastary Sahel aımaǵyndaǵy sodyrlarmen kúresti jalǵastyra bermek. Atalǵan aýdandaǵy is-qımyldyń ári qaraıǵy jospary bıyl maýsymda anyqtalmaq. Qazir­diń ózinde Fransııa úki­metinde 2023 jylǵa qaraı Sahel­degi ásker sanyn 5 myńnan 2,5-3 myńǵa deıin qysqartý týraly másele talqylanýda. Al «Takýba» operasııasyna 600-900-deı fransýz jaýyngeri qatysyp jatyr. Olardyń qatarynda medısına qyzmetkerleri men logıstıkamen aınalysatyn mamandar da bar. Elıseı saraıynyń habarlaýynsha, ásker shyǵarylǵanymen, Batys Afrıka memleketterin qoldaý aıasy keńeıtilmek.

Eýropa odaǵy «Jahandyq portal» baǵdarlamasy aıasynda Afrıka elderine 20 mlrd eýro­dan astam qarajat bólý múm­kin­digin qarastyrýdy bas­tap ketti. Atalǵan baǵdarlama aı­maqta Qytaı áseriniń aldyn alýǵa baǵyttalǵan. Eýropa komıs­sııasy da Afrıka elderindegi ınfra­qurylymdy jaqsartýǵa 150 mlrd eýro bóletinin málimdedi.

Fransııa Syrtqy ister mı­nıstri Jan-Iv Le Drıan ásker­di qaıtarý sııaqty áreketke Re­seıden jaldanǵan áskerdiń kelýi máj­búrlegenin jetkizdi. Mı­nıstr­diń aıtýynsha, aımaqqa «Vag­ner toby» dep atalatyn jeke áskerı kompanııanyń ókil­deri kelgen.

Alaıda Emmanýel Makron men Vladımır Pýtın sóıleskende Reseı úkimetiniń Malıde jumys istep jatqan kompanııalarǵa qatysy joq ekenin málimdedi.

Fransııada ótken kelissózde Eýropa odaǵyna múshe elderdiń barlyǵy birdeı ortaq qararǵa kelispedi. Keıbir memleketter mıs­sııa tolyqtaı oryndal­maǵa­nyn, aımaqtaǵy másele sheshil­megenin aıtyp, qaıta qarastyrý nusqasyn usyndy. Máselen, Ispanııa Syrtqy ister mınıstri Joze Manýel Albares aımaqta Eýropanyń qoldaýyna táýeldi máseleler áli de baryn aıtty. Osy rette operasııaǵa Ispanııa áskeri eń kóp jaýynger attandyrǵanyn eske salyp ótken jón.

Malı bıliginiń tosqaýyldary aımaqta ál-Kaıda, DAISh syndy terrorıstik toptyń qanat jaıýyna ákelgen kórinedi. Mınıstrler úkimettiń sátsiz sheshimderi radıkaldy toptarǵa vakýým jasap berip jatqanyn habarlady. Buǵan Malıden bólek Býrkına Faso men Gvıneıada da áskerı áreketterdiń kóbeıýi dálel.

Ispanııa Syrtqy ister mınıstri «Ispanııa Eýropa oda­ǵy­­na daýysyn estirtýge ty­ry­­sady. Bizdi Malıge alyp kel­gen turaq­syzdyq pen jıhadızm aı­maqta áli de bar ekenine senim­­dimiz. Sondyqtan mıssııany toq­tatý orynsyz bolyp tur» dedi.

Tarıhı sheginis jasar bol­saq, Malıde qaqtyǵystardyń órshýi­ne baılanysty 2013 jyly Eýropa odaǵyna múshe elder óz áskerin jiberý sheshimin qa­byl­daǵan-dy. Sodan beri 9 jyl boıy birqatar eýropalyq ásker aımaqtaǵy terrorızmdi joıý­ǵa belsendi aralasyp keledi. Eýropa elderiniń prezıdentteri opera­sııany toqtatý arqyly Aýǵan­standaǵydaı haostyń aldyn alýǵa múmkindik beredi degen oıda.

Sońǵy jańalyqtar

«Aqtóbe» kósh bastady

Fýtbol • Búgin, 08:42

Vaýt van Art birinshi orynda keledi

Sport • Búgin, 08:39

Tórtinshi aınalymǵa shyqty

Tennıs • Búgin, 08:38

Jastar jasyndaı jarqyldady

Sport • Búgin, 08:35

Til máselesi talqylandy

Qazaqstan • Búgin, 08:33

Dıplomatııalyq qyzmettiń 30 belesi

Qazaqstan • Búgin, 08:13

Indet qaıta órshidi

Álem • Keshe

О́ńirde damý úrdisi bar

Aımaqtar • Keshe

Tańdaıdyń tarlany

Tarıh • Keshe

Joǵalǵan soldat

Tarıh • Keshe

Dombyrany dáriptedi

Rýhanııat • Keshe

Almatyda 36 gradýs ystyq bolady

Aýa raıy • Keshe

Uqsas jańalyqtar