Aımaqtar • 18 Aqpan, 2022

Otandyq 12 avtobýsty satyp aldy

58 ret kórsetildi

Arqa tósindegi alpaýyt kásiporyn «ArselorMıttal Temirtaý» eńbek ujymdarynyń talaptaryna qulaq asa bastady. Oqyrmanǵa túsinikti bolý úshin aıta keteıik, byltyr qarasha aıynda bolǵan apattan keıin kenshiler kompanııaǵa qarasty avtoparktiń jańartylýyn másele retinde kótergen bolatyn.

Endi mine, kásiporynnyń kómir departamenti Saran qalasynda jasalatyn Yutong markaly avto­býstyń 12 birligin satyp aldy. Bul kólikter kenshilerdi shahtalarǵa tasymaldaýǵa arnalady.

Atalǵan avtobýstardy satyp alý «ArselorMıttal Temirtaý» AQ men Qaz Tehna JShS arasynda 2021 jyly kompanııanyń jumysshylar aldyndaǵy mindet­temelerin júzege asyrý aıasyndaǵy keli­simniń nátıjesinde múmkin boldy. Al kelisimsharttyń jalpy somasy 700 mln teńgeni quraǵan.

Bir quptarlyǵy, avtobýs zaýyty óz óniminiń sapasyna joǵary mán beredi. Sol sebepti kásiporyn qazirgi ýaqytta satylymǵa shyǵa­rylǵan avtobýstardyń jo­laý­shylar men júrgizýshige jaı­lylyǵyn, jalpy ónimniń sapa deńgeıin qatań synaqtan ótkizip, jan-jaqty tekserý júrgizip jatyr.

Zaýyt ókilderiniń aıtýynsha, atalǵan avtobýstar bizdegi aýa raıynyń jaǵdaıyna beıimdelgen, salonnyń ishi avtonomdyq jylytý júıesimen jabdyqtalǵan. Sonan keıin kólikterdiń «Eýro 5» stan­dar­­tyna sáıkes bolýy da ónimge de­gen suranysty arttyra túseri sóz­siz.

Jańadan satyp alynǵan avtobýstar týraly kompanııaǵa qarasty avtopark qyzmetkerleri jyly lebiz bildirip otyr. Mysaly, Shah­tınsk fılıaly tehnologııalyq kólik basqarmasynyń bastyǵy Sergeı Zınchenko avtobýstardyń óte jaıly, yńǵaıly jáne júrdek ekenin aıtady.

– Bizdiń basty maqsatymyz – jigitterdi jumysyna jáne jumys­tan úıine sharshatpaı jetkizý. Ken­shilerdiń jumysy aýyr. Sol sebepti, olar jol ústinde de jaq­sylap ty­nyǵýy kerek. Jańa tehnıkaǵa degen kózqarasamyz erekshe bolmaq. Uqyp­tap ustaıtyn bolamyz, uzaq qyzmet etkeni ózimizge de jaqsy, – deıdi ol.

«ArselorMıttal Temirtaý» kom­panııasy satyp alǵan jaıly avtobýstardyń 52 jolaýshy oryndyǵy bar. Ishi-syrty sheteldik kólikterden birde-bir kem emes dep senimmen aıtýǵa bolady.

Qazirgi ýaqytta atalǵan kólik­­terdiń beseýi kompanııaǵa qarasty kómir departamentiniń avto­parkine jetkizilgen. Bul jerde kólikter marshrýtqa shyǵar al­dyndaǵy arnaıy ázirlikten ótedi. Jańa avto­býstarǵa júr­gizýshi etip kim kóringendi otyr­ǵyza sal­maıdy. Búginde buryn­dary ju­­mysynda eshqandaı esker­tý bol­maǵan, jol qozǵalysy men tehnıka qaýipsizdigin buzyp kórmegen júrgizýshiler arasynda tańdaý júrgizilip jatqan kórinedi.

 

Qaraǵandy oblysy

Sońǵy jańalyqtar

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar