Álem • 21 Aqpan, 2022

Somalıde bomba jarylyp, 13 adam qaza boldy

52 ret kórsetildi

Senbide terrorshy ózin ózi jaryp, sonyń kesirinen 13 turǵyn kóz jumdy. Somalı ortalyǵyndaǵy Beledýeın qalasyndaǵy jarylys restoranda bolǵan.

Jergilikti polısııanyń habarlaýynsha, taǵy da 20 adam jaraqattanǵan. Qaıtys bolǵandar qatarynda laýazymdy tulǵalar da bar. Polısııa jarylysty ózin ózi jarǵan sodyrdyń qasaqana uıymdastyrǵanyn rastap otyr.

Jarylys jaýapkershiligin «ál-Shabab» degen top alyp otyr. Olardyń negizgi nysanasy meıramhanaǵa kelgen shendiler men saıasatkerler bolǵan.

Kýágerler «Hassan Dııf» dep atalatyn meıramhana mańynda túski as ýaqytynda jarylys bolǵanyn aıtady. Kartaǵa nazar salsaq, atalǵan res­toran ashyq alańda ornalasqan. «Birneshe adamnyń múrdesin kórdim, naqty sanyn sanap úlgermedim. О́ıtkeni aýrýhanaǵa alyp barýǵa tyrysqandar kóp boldy. Oqıǵa orny abyr-sabyr bolyp ketti. Qaıtys bolǵandardyń arasynda alańda serýendep júrip, tamaqqa tapsyrys berýge soqqandar da boldy», deıdi qala turǵyny Mahad Osman.

Qalada alda josparlanǵan parlamenttik saılaý qarsańynda baqylaý kúsheıgen bolatyn. Oqıǵa sol kúsheıtilgen saqtyq sharalaryna qaramastan bolyp otyr. Oǵan qosa jarylys bolǵan Beledýeın qalasy el astanasy Mogadıshýdan 340 shaqyrym jerde ornalasqan.

Aýdandarǵa jaýapty polısııa qyzmetkerleri de japa shekken. Polısııanyń habarlaýynsha, eki qyzmetker jaralanǵan, bireýiniń jaǵdaıy aýyr.

Joǵaryda aty atalǵan «ál-Shabab» terrorıstik toby keıingi eki aptada taǵy eki shabýyl uıym­dastyrǵan. Toptyń «ál-Kaıdaǵa» qatysy bary, orta­lyqtan «ál-Kaıda» basshylary tapsyrma bere­tini málim boldy.

Jarylys saldarynan qaıtys bolǵandar ishinde jaqynda ótetin Parlament saıla­ýy­na qa­tysyp jatqan úmitkerdiń de bolǵany anyq­tal­dy. Saılaý 25 aqpanda aıaqtalýy tıis-tin. Endi sońǵy oqıǵa sebebinen saılaý taǵy da keıinge shegerilmek.

Sońǵy jańalyqtar

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar