«Búgin biz Assambleıa jastarymen, jastar uıymdarynyń jáne birlestikteriniń ókilderimen olardyń jumysyndaǵy ózekti máselelerdi talqylaý úshin kezdesip otyrmyz. Qazirgi tańda jastar uıymy qabyldaǵan sharalardyń tıimdiligi men nátıjeli bolýy jastar bastamasyn damytýdyń ólshemine aınalyp otyr. О́tken aıda bolǵan oqıǵalar jastardyń quqyqtyq jáne qarjylyq saýattylyǵyn, áleýetin arttyrý qajet ekenin kórsetti», dedi Marat Ázilhanov.
Tımýr Jumyrbaev «Assambleıa jastary» uıymynyń basty baǵyty jóninde aıtyp berdi. «Uıymnyń maqsaty – jastardy qoǵamdyq kelisim negizinde toptastyrý, jastardyń bastamalaryn damytý jáne áleýmettik turǵyda qoldaý. Búginde biz aldymyzǵa jastarǵa naqty kómek berý jóninde maqsat qoıyp otyrmyz. Búginde 14 oblys pen respýblıkalyq mańyzy bar úsh qalada ókildigimiz bar. Ýaqyt óte kele monoqalalarǵa, aýyldy eldi mekenderge shyǵamyz. Qazir shaǵyn qalalarda jastarmen jumys jaqsy jolǵa qoıylǵan», dedi ol.
