Qoǵam • 28 Aqpan, 2022

Zhas Project: Joba nátıjesi qýantarlyq

238 ret kórsetildi

Elordada «Jastar korpýsyn damytý jobasyn júzege asyrý qorytyndylary» boıynsha dóńgelek ústel otyrysy uıymdas­tyryldy. Jıynǵa Bilim jáne ǵylym, Aqparat jáne qoǵamdyq damý, Eńbek jáne halyqty áleýmettik qorǵaý mınıstrlikteriniń, ÚEU, jastar uıymdarynyń ókilderi, Dúnıejúzilik bank qyzmetkerleri jáne depýtattar qatysty.

Qazaqstanda Jastar korpýsyn damytý jobasyna 10 myńǵa jýyq jas qatysty. Olar 3 myń granttyq jobany júzege asyrdy. Jobany basqarý jónindegi toptyń úılestirýshisi Gúlmıra Eskendirovanyń aıtýynsha, Jastar korpýsyn damytý jobasyn Bilim jáne ǵylym mınıstrligi men Dúnıejúzilik bank 2016 jyly qolǵa alyp, 2021 jyly aıaqtady.

«Joba úsh komponentten tur­dy. Olardyń ishindegi eń irisi – Zhas Project granttyq baǵdar­la­ma­sy. Ekinshi komponent jas­tardy damytýǵa jaýapty vedom­stvo – Bilim jáne ǵylym mı­nıstrligin, Aqparat jáne qo­ǵam­dyq damý mınıstrligin ıns­tı­tý­sıonaldyq damytýǵa baǵyt­tal­dy. Mınıstrlikterdiń jas­tar saıa­satyndaǵy ınstıtýsıo­naldy­lyǵyn sheshý jáne nyǵaıtý, jas qyzmetkerlerdiń áleýetin arttyrý úshin túrli maqsat qoıyldy. Jobany iske asyrý barysynda granttyq baǵdarlamaǵa 10 myńǵa jýyq jas qatysyp, olar 3 myńǵa jýyq granttyq jobany júzege asyrdy. Ekinshi komponent aıasynda jastar saıasaty boıynsha strategııalyq qujattardy durys zertteýge, ázirleýge baǵyttalǵan 6 tapsyrma oryndaldy», dedi G.Eskendirova.

Spıker atap ótkendeı, jastar toppen jumys istep jáne toptyń árbir múshesi 6 aı boıy 40-60 myń teńge kóleminde stıpendııa alyp otyrǵan. Granttyq qarjylandyrý ózderiniń áleýmettik ıdeıalaryn usynǵandarǵa berilgen. Áleýmettik jobalar túrli ıdeıalarǵa baǵyt­talǵan. Jastar sport klýbtaryn, tigin sehtaryn, aıaq kıim salondaryn, nan ónimderiniń shaǵyn óndiristerin ashqan.

«Biz olardyń aldyna ıdeıany bızneske aınaldyrý mindetin qoıǵan joqpyz. Bul úshin kóptegen basqa baǵdarlama bar. Bizdiń jobamyz bıznesti bastaý úshin daǵdylary joq jastarǵa baǵyttalǵan. Iаǵnı olarǵa óz daǵdylaryn shyńdaýǵa múmkindik berdik, olar jobalyq basqarýdy úırendi, mentorlarmen jumys istedi. О́kinishke qaraı, qazir jobany qarjylandyrý aıaqtaldy. Bul bastamany Aqparat jáne qoǵamdyq damý mınıstrligine beremiz. Mınıstrlik te jobany jalǵastyrýdy josparlap, qarastyryp jatqanyn estidik», dedi Gúlmıra Eskendirova.

Bilim jáne ǵylym vıse-mı­nıstri Qýanysh Erǵalıevtiń aıtýynsha, Zhas Project jobasy mem­lekettik jastar saıasatynyń qajettilikterin qanaǵattandyryp qana qoımaı, onyń damýyna, jas­tarmen jumys isteýde jáne tá­silder men sharalardyń paıda bolýyna yqpal etti.

«Osy 5 jyl ishinde Zhas Project elimizde keńinen tanyldy jáne bul kezdeısoq emes dep oılaımyn. Bul joba ómirlik mańyzdy daǵ­dylardy meńgergen jastarǵa ǵana áser etip qoıǵan joq. Jastar ózderiniń áleýmettik jobalaryn júzege asyrýdy úırendi, bul tutas qoǵamymyzǵa oń yqpalyn tıgizedi. Atalǵan jobaǵa 10 myńǵa jýyq jas qatysty jáne 9 myńy oqýdy tabysty aıaqtady. 4 jyl ishin­de eki myńnan astam áleýmettik jo­ba júzege asyryldy, onyń 20 paıyzy aýyldyq jerlerde, 20 paıyzy bilim berý maqsatynda boldy. Jobalardyń 10 paıyzy mádenıetti damytýǵa baǵyttalsa, keıbiri áleýmettik salaǵa arnaldy. Sonymen birge aýyldyq jerlerde óte mańyzdy tildik kýrs­tar, kompıýterlik klýbtar iske qosyldy, et jáne sút óndirisi, tamaq ónerkásibi quryldy, sulýlyq salondary, tigin salondary da ashyldy, munyń bári jastarǵa óz jobalaryn júzege asyrýǵa jáne bıznesin jalǵastyrýǵa múmkindik berdi», dedi vıse-mınıstr.

Sondaı-aq bul jobalar qoǵam­das­tyq úshin, jergilikti jerlerde jumys isteıtin memlekettik organdar úshin de paıdaly boldy.

«Zhas Project memlekettiń keıbir strategııalyq mindetterin sheshý úshin birneshe tapsyrmany iske asyrdy. Olar jastardy jáne olardyń volonterlik qyz­metke qatysýyn damytýǵa, qo­ǵam­dastyqtyń ómiri úshin jaýap­kershilikke jáne mektepti aıaq­tap, mamandyq tańdaý kezinde durys sheshim qabyldaýdy úıre­týge baǵyttaldy. Atap aıtqan­da, joba barysynda NEET sana­tyndaǵy jastarmen jumys jó­nindegi nusqaýlyqtar, jastardy damytý ındeksi, volonterlik qyzmetti damytý strategııasy, ká­siptik baǵdarlaý júıesin damytý jónindegi ádistemelik usynym­dar jáne basqa da qujattar ázir­lengen bolatyn. Bıyl biz jalpy bilim beretin mektepterdiń oqý baǵdarlamalaryna ómirlik mańyzy bar daǵdylardy úıretý kýrstaryn engizip jatyrmyz. Osy oraıda joba aıasynda ázirlengen daǵdylar baǵdarlamasyn qarastyrýdamyz. Osy jyldar ishinde joba memle­kettik jastar saıasatynyń qajet­tilikterin qanaǵattandyryp qana qoımaı, onyń damýyna, jastarmen jumys isteýde jáne tásilder men sharalardyń paıda bolýyna yqpal etti dep aıta alamyz», dedi Qýanysh Erǵalıev.

Sońǵy jańalyqtar

Aqtaýda 109 jedel jelisi iske qosyldy

Aımaqtar • Búgin, 09:51

Vaksına saldyrǵandar sany artty

Koronavırýs • Búgin, 09:18

Qazaqstanda 158 adam koronavırýs juqtyrdy

Koronavırýs • Búgin, 09:03

«Aqtóbe» kósh bastady

Fýtbol • Búgin, 08:42

Vaýt van Art birinshi orynda keledi

Sport • Búgin, 08:39

Tórtinshi aınalymǵa shyqty

Tennıs • Búgin, 08:38

Jastar jasyndaı jarqyldady

Sport • Búgin, 08:35

Til máselesi talqylandy

Qazaqstan • Búgin, 08:33

Dıplomatııalyq qyzmettiń 30 belesi

Qazaqstan • Búgin, 08:13

Indet qaıta órshidi

Álem • Keshe

О́ńirde damý úrdisi bar

Aımaqtar • Keshe

Tańdaıdyń tarlany

Tarıh • Keshe

Joǵalǵan soldat

Tarıh • Keshe

Uqsas jańalyqtar