Aımaqtar • 05 Sáýir, 2022

Daıyndyq tastúıin

16 ret kórsetildi

Kúnniń kúrt jylýy Qaraǵandy oblysynda sý tasqyny qaýpi bar aýmaqtar úshin alańdaýshylyqty kúsheıtip jiberdi. Ásirese, Qarqaraly jáne Shet aýdandaryndaǵy Jarly, Nura, Sherýbaı-Nura ózenderi arnalarynyń boıyndaǵy eldi mekenderdiń turǵyndary mazasyz kúnderdi bastan keshýde.

Taıaýda Qaraǵandy oblysynyń ákimi Jeńis Qasymbek pen oblystyq TJD bastyǵy Murat Qatpanov atalǵan aýdandardy sholyp shyqty. Jeti jyl buryn Qarqaraly aýdanyndaǵy Jarly ózeniniń boıynda ornalasqan Tegisshildik aýyly sý astynda qalyp, kúrdeli jaǵdaı qalyptasqan bolatyn. Sonymen qatar Jarly, Kóktas eldi mekenderine sý tasqynynan keler qaýip mol. Búginde apatty jaǵdaı qaıtalanbaý úshin Jarly ózeninde muz jarý jumystary júrgizilip, qorǵanys bilikteri kúsheıtilgen. Shet aýdanynda Qyzylqoı, Taldy jáne Sherýbaı-Nuran ózenderiniń toǵysynda ornalasqan Qyzylqoı aýyly jiti nazarda tur. Búginde aýyldyń ózen jaq beti bıiktigi bir metrlik, al keıbir jerlerde bir jarym metrlik bilikpen qorǵalǵan.

Jergilikti TJD basshysy Murat Qatpanov eldi mekenderdiń aınalasyndaǵy qorǵanys úıindileriniń jyl saıyn nyǵaıyp kele jatqanyn aıtady. Budan bólek, qazirgi ýaqytta sý ótkizý qubyrlary men sý burý arnalaryn belsendi túrde tazalaý jumystary jalǵasyp jatyr. Erigen qar sýynyń aýlalardy basyp qalý qaýpi de eskerilgen.

О́ńirlik kommýnıkasııalar qyzmetinde ótken onlaın-brıfıngte Qaraǵandy oblystyq TJD basshysy Murat Qatpanov aımaqtaǵy sý tasqynynyń aldyn alý jáne onyń saldaryn joıý jóninde júrgizilip jatqan jumystar týraly baıandady.

Ol 31 naýryz ben 4 sáýir aralyǵynda Tótenshe jaǵdaı departamentiniń oblystyq sý tasqynyna qarsy shtabyna aýla aýmaqtaryn sý basý qaýpi týraly 125 habarlama, sondaı-aq avtojoldardyń ústinen sý júrip ketý faktileri boıynsha 18 dabyl kelip túskenin málim etti.

– Aýlalardy sý basýdyń barlyq jaǵdaıy boıynsha sýdy sorý jáne burý, aryqtar men arnalardy tazartý, ınertti materıaldardy tógý jáne qaptar tóseý boıynsha jumystar júrgizildi. Sý tasqyny bastalǵannan beri 31 693 tekshe metr sý sorylyp, 1 700 metr aryq tazartyldy. Sý basý qaýpiniń 11 jaǵdaıy baqylaýda, onyń toǵyzy Qaraǵandyda jáne ekeýi Buqar jyraý aýdanynda oryn aldy, – dep atap ótti M.Qatpanov.

Qaraǵandy oblysynyń eldi mekenderinde jáne joldarynda sý tasqynyna baılanysty kúrdeli jaǵdaı ázirge qalyptasa qoımaǵan. Qutqarýshylar ýaqytpen sanaspaı jumys istep júr. Jalpy, sý tasqynyna qarsy kúres jumystaryna 250-den astam adam jáne 106 birlik tehnıka jumyldyryldy. Qazirgi tańda oblys joldaryndaǵy Búrkitti-Egindibulaq-Qoıandy jáne Temirtaý-Qyzylqaıyń (Chkalova-Bereznıakı) syndy eki ýchaske basty nazarǵa alynǵan. Al Qarqaraly aýdanyndaǵy Qoıandy aýylynan 12 shaqyrym jerde kólik qozǵalysy barlyq kólik túri úshin jabylypty. Sonymen qatar ózender men kólderde muz jarý jumystary belsendi túrde júrgizilýde. Mysaly, Nura, Esen, Jarly, Sabyr-Qoja, Jamankól ózenderinde jáne Qarasor kólinde 14 jarylys uıymdastyrylǵan. Budan bólek, óńirdegi iri sý qoımalarynan sý aǵyzý jumystary jalǵasýda.

Brıfıngke qatysqan Qaraǵandy oblysy ákiminiń orynbasary Vadım Basın qazirgi ýaqytta oblystyń barlyq aýdandaǵy sý tasqyny qaýpi bar 158 eldi mekenniń qatań baqylaýǵa alynǵanyn aıtty.

– Barlyq ata-analardan balalardyń úıden shyǵýyn, qar erip bitkenshe qaraýsyz júrýin shekteýdi suraımyn. Olardy sýdyń janynda oınaýyna qatań tyıym salý kerek. Qalada jáne barlyq eldi mekende kóptegen arna bar, olar ashyq jatqandyqtan sýǵa ketý qaýpi óte joǵary deńgeıde. Máselen, qazir olardyń bári sýǵa toly tur, – dep qaýipsizdik sharalarynyń qatań saqtalýyn eske saldy V.Basın.

Jalpy, qutqarýshylar aldaǵy kúnderi, naqtyraq aıtqanda, 4-11 sáýir aralyǵynda oblystyń barlyq aýmaǵynda kún jylyp, al 6-7 sáýirde jańbyr jaýatynyn habarlady. Osyǵan oraı, olar turǵyndarǵa meılinshe saq bolyp jáne olardy óz aýmaqtarynda sý tasqynynyń aldyn alý sharalaryna belsene atsalysýǵa shaqyrdy. Eń birinshi kezekte aryqtar men aýla­lar­dy qardan tazartý kerek ekendigin basa aıtty jaýapty mamandar.

 

Qaraǵandy oblysy

Sońǵy jańalyqtar

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar