Aımaqtar • 11 Sáýir, 2022

Oıylǵa sý kelip jatyr

358 ret kórsetildi

Munaıly óńir jurtshylyǵy Jaıyq, Qıǵash, Oıyl ózenderinde sýdyń mol bolǵanyn qalaıdy. Alaıda adamnyń qalaýy únemi oryndala bermeıdi. Birneshe jyl qatarynan Jaıyq pen Oıyldyń arnasyna jetkilikti sý jetpegen edi.

Jurt Jaıyq pen Oıyl óze­niniń múshkil ahýalyna alań­dap otyrǵanda, shaǵyn ózen qataryndaǵy – Noǵaıty tosyn minez tanytty. Aqtóbe oblysynan bastaý alatyn bul ózen Qyzylqoǵa aýdanyndaǵy Saǵyz aýyly arqyly aǵyp, Qońyrsaı ózenine quıylady. Oblystyq tótenshe jaǵdaılar departamenti baspasóz qyz­metiniń málimetinshe, 29 naýryzda 23.00-de Saǵyz aýy­lynyń turǵynynan Noǵaıty ózeninde sý tasý qaýpi tóngeni týraly habar túsken. Al 30 naýryzda saǵat 22.00 shamasynda ózen tasyp, sý deńgeıi 3 metrge jetken. Osyǵan baılanysty Qyzylqoǵa aýdanynyń ákimi Nursultan Bısembıevtiń jetekshiligimen qurylǵan arnaıy shtab Saǵyz aýylyna keldi.

Aýdan ákimdiginiń baspasóz qyzmeti málim etkendeı, Saǵyz aýylyndaǵy 20-dan astam úıdi sý basý qaýpi týyndaǵan edi. Qaýipsizdik úshin sý basýy múmkin úılerdiń turǵyndary №9 orta mektep pen kolledjge evakýasııalandy. Jergilikti ákimdiktiń tıisti jumystardy jedel qolǵa alyp, turǵyn úılerdi sý basý qaýpi joıyl­dy. О́zen jaǵasyn bekitý ju­mystaryna 20-ǵa jýyq tehnıka tartylyp, ákimdik qyz­metkerleri, aýyl turǵyndary, ózge de mekemeler ókilderi men eriktilerden quralǵan 200-den astam adam jumyldy. Saǵyz aýyl­y turǵyndarynyń aıtýyn­sha, Noǵaıty ózeni bıylǵy aq­pannan beri úsh ret tasyǵan.

Sońǵy tórt-bes kúnnen beri Oıyl ózenine sý kelip jatyr. Boljamdy sý kólemi 32-48 mln tekshe metrdi quraýy múmkin. Qazir Eraly sý torabynyń tórt qaqpasy ashylǵan.

«Bıylǵy 1 sáýirde «Qazsýshar» RMK Qyzylqoǵa bólimshesiniń bastyǵy Saılaýbek Temirǵalıevpen birge jaǵdaıdy baǵalap, sheshim qabyldaý maq­satynda Eraly sý toraby, Oıyl ózeniniń aýmaǵy kúndelikti ba­qylaýǵa alyndy. Mııaly aýylyn­da 1,5 shaqyrym, Jangeldın aýylyn­da 2 shaqyrym, Jasqaırat aýylynda 1,4 shaqyrym, Aqqora aýylynyń tusynda 600 metr bógetti tegisteý, qalpyna kel­tirý jumystary júrgizilip ja­tyr. Bul jumysqa 11 tehnıka tartyldy. Aýyldardyń tur­ǵyndary, eriktiler men jas­tar bóget turǵyzý úshin 1 myń­nan astam qapshyqqa qum toltyrdy. «Qaınarmunaıgaz», «SaǵyzPetroleým» kásiporyn­dary qosymsha tehnıkalar bóldi», dep habarlady aýdandyq ákimdiktiń baspasóz qyzmeti.

 

Atyraý oblysy

Sońǵy jańalyqtar

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar