Aımaqtar • 12 Sáýir, 2022

Dalalyq ózender tasyp jatyr

38 ret kórsetildi

Búginde Aqtóbe qalasyn basqan qyzyl sýdyń ekpini qaıtqandaı boldy. Sáýirdiń alǵashqy kúnderi qala irgesindegi Pechanka, Elek, Sazdy ózenderiniń kúrt kóterilýinen baý-baqsha ujymyna qarasty birneshe turǵyn úıdi sý basqan edi.

Ázirge belgilisi, sol kúnderi 136 úıdi sý shaıyp, úsh úı qulap qaldy. Úılerin sý basqan tur­ǵyndar qalanyń úsh mektebine ornalastyryldy. Qazir №47 mektepte – 96, №26 mektepte – 40, №50 mektepte 20 adam ýaqytsha panalap otyr. Sý tasqynynan zardap shekken turǵyndarǵa kómek berý maqsatynda komıssııa qurylyp, Aqtóbe qalalyq máslıhaty depýtattary men qalalyq ákimdik qyzmetkerlerinen quralǵan top sý basqan ár úıdi aralap, shyǵyn kólemin eseptep jatyr. Ázirge sý tasqynynan kelgen zııan kólemi anyqtalǵan joq.

Sý basqan úılerdiń kópshiligi turýǵa jaramsyz, ortan belden laı balshyq basqan, úı ishi ylǵal, turǵyndardyń turmystyq tehnıkalary men jıhaz-múlikteri jaramsyz bolyp qalǵan. Soǵan qaramastan mektepti ýaqytsha panalaǵan turǵyndar kúndiz úı­lerine baryp, úılerin tazartýǵa kiristi. Olarǵa volonterler kó­mekke keldi.

Osy kúnderi Aqtóbe qalasy­nyń irgesindegi Aqtóbe, Sazdy, Qarǵaly sý qoımalary sýǵa  toldy. Tórt jyldan beri qýań­shylyqqa ushyraǵan óńir úshin bul jaqsy jańalyq. Qazirgi ýaqytta arnasynan asqan Sazdy qoımasynyń sýy Sazdy ózenine birtindep jiberildi. О́tken apta­nyń sońynda bastaýy­n Muǵal­jar qyrattarynan alatyn Oıyl, Saǵyz, Jem, Or, Yr­ǵyz ózenderi tası bastady. Oıyl ózeni arnasynan shyǵyp, ja­ǵa­syndaǵy Ekpetal men Qara­tal aýylyna qaýip tóndirdi. Tó­tenshe jaǵdaılar departamenti qyz­metkerleri Ekpetal aýylynyń sý basý qaýpi tóngen 74 turǵynyn aýdan ortalyǵyna kóshirdi. Qazir Ekpetal eldi mekeninde qaýip bá­seńdep, aǵyny qatty Oıyl sýy Atyraý oblysynyń Qyzylqoǵa aýdanyna jetip, ol jaqta sý tasyp jatyr. Osylaısha tórt jyldan beri arnasy ábden kepken Oıyl ózeniniń arnasy sýǵa tolyp, tabıǵat sharýa adamyna qolaıly jaǵdaı týǵyzdy. Sol sııaqty Yrǵyz, Jem, Saǵyz, Temir ózenderi de tasydy. Yrǵyz aýda­nynyń turǵyndary byltyr qýańshylyqtan qatty zardap shegip, jańbyr bolmaǵandyqtan, shóp shyqpaı, shilde týa shóp kúıip ketken bolatyn. Endi Yrǵyzdyń sýy Aqshı eldi mekeniniń tusyna kelip bógetke tireldi. Biraq tas­qyn sý ári qaraı jaıylmaǵa jibe­rilmegendikten, Nura, Jaı­sań­baı, Quıylys jaǵyna sý barmaı jatyr. Yrǵyzdyń arǵy ja­ǵyndaǵy Qutıkól, Jaısańbaı aýyldarynyń turǵyndary sýdy qanshama jyldan beri kútip otyr. Ol jaqtyń turǵyndary sýdy bó­geýge bolmaıdy, ári qaraı ji­berý kerek dep shaǵym aıtyp jatyr.

Jyl saıyn Torǵaı tasysa, sý beri qaraı Nuraǵa quıylatyn. Torǵaı sál keshirek tasıdy. Alaıda Yrǵyz ben Torǵaıdyń arnasy qosylatyn Quıylysqa sý kelmegeli de birneshe jyl. Búginde ol jaqta sý kelmegendikten, sha­ǵyn kólder tartylyp, Yrǵyz ózeniniń Torǵaımen qosylatyn salalary ábden keýip qaldy. Onyń ústine, Torǵaıdan da sý kóp bógeledi. Aýyl turǵyndary ol jaqqa qaraı sý toqtaýsyz ji­berilsin degen pikirde. Eger ta­bıǵattyń bergen syıy – tasqyn sýdy ózen arnalarynda ustap qalsaq, bıylǵy jazda maldyń azyǵy men egiske ylǵal mol bo­lady. Bıylǵy sý tasqyny dala­­lyq ózen arnalaryndaǵy eski bógetterdi jańartýdyń qajet­tigin kún tártibine qoıdy.

r

 

Aqtóbe oblysy

Sońǵy jańalyqtar

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar