Qoǵam • 15 Sáýir, 2022

Ekinshi respýblıka – memlekettik úlginiń jańarýy

74 ret kórsetildi

Elordada Amanat par­tııa­synyń Qo­ǵam­dyq saıasat ınstıtýty jany­nan iske qosylǵan Talqylau dıalog alańy­nyń ekinshi otyrysy ótti. Áleýmettik jelide daýys berý arqyly tańdalǵan talqylaý taqyryby el Prezıdenti aıtqan memleketti transformasııalaý jónindegi ıdeologema – «Ekinshi respýblıkaǵa» arnaldy.

Áleýmettik jelilerde tikeleı efırde ótken ashyq pikirtalas barysynda sarapshylar, qoǵam qaıratkerleri, Májilis depýtattary Memleket basshysy usynǵan reformalarǵa qatysty óz pikirlerin ortaǵa saldy.

Otyrysqa qatysqan Memlekettik hatshy Erlan Qarın bul termın bılik ınstıtýttary arasynda tepe-teńdikti saqtaıtyn memlekettik basqarý modeliniń ózgerýin sıpattaıtynyn atap ótti. «Jańa Qazaqstan – mańyzdy qoǵamdyq transformasııany júzege asyratyn keń aýqymdy ıdeologema bolsa, «Ekinshi respýblıka» – memlekettik modeldi ózgertý. Birinshi jaǵdaıda ózgeris qundylyqtar deńgeıinde oryn alady, al ekinshi jaǵdaıda bul ınstıtýsıonaldyq, quqyqtyq deńgeıde júzege asatyn ózgeristerdi bildiredi. Prezıdenttiń 16 naýryzdaǵy halyqqa Joldaýynda jarııa etken naqty jańa saıası bastamalaryn júzege asyrý bastalyp ketkenin eskersek, «Ekinshi respýblıkaǵa» jaqyn arada kóshemiz dep aıtýǵa bolady», dedi Erlan Qarın.

Memlekettik hatshy Prezıdenttiń jańa bastamalary búkil saıası júıeni jańǵyrtyp, qaıta bastaýdy bildiretinin atap ótti. Jańa zańdar qabyldanyp, Konstıtýsııaǵa ózgerister engizilgennen keıin is júzinde osy jyldyń ózinde Qazaqstan memlekettik basqarýdyń jańa modeline kóshe bastaıdy. Ol tejemelik ári tepe-teńdik júıesin ınstıtýsıonaldyq turǵydan nyǵaıtyp, jańa saıası mádenıettiń qalyptasýyna yqpal etedi.

Amanat partııasynyń atqarýshy hatshysy Ashat Oralov elimizde saıası júıeni transformasııalaý partııany jańǵyrtýdan bastalǵanyn alǵa tartty. «Zańnamany lıberalızasııalaýdy, jańa partııalardy tirkeý resimderiniń jeńildetilýin eskersek, elimizdiń partııalyq-saıası alańyna jańa uıymdardyń keletinin túsinemiz. Bul – bizdiń partııa úshin óziniń aldaǵy ýaqytta kóshbasshy bolýǵa umtylysyn jáne básekelestikke daıyn ekenin dáleldeý múmkindigi. Syndarly dıalog quryp, Qazaqstandy damytý boıynsha naqty ıdeıalar men usynystar ázirlenetin bul alańdaǵy kezdesýler Amanat partııasynyń saıası mádenıetti arttyrýǵa yqpal etetinin kórsetedi», dedi Ashat Oralov.

«Alternatıva» ózekti zertteýler ortalyǵynyń dırektory Andreı Chebotarevtyń aıtýynsha, «Ekinshi respýb­lıka» ár kez saılaý jolymen qalyptasatyn memlekettik bılik júıesin aıqyndap keldi. «Biz Qasym-Jomart Toqaevtyń prezıdenttik kezeńinde saılaý júıesi qanshalyqty qarqyndy reformalanyp jatqanyn kórip otyrmyz. Aldymen aýyl ákimderin saılaý ınstıtýty engizildi. Keıin aýdan ákimderi saılanady. Saılaý prosesine majorıtarly júıeniń elementterin qaıtarý jumysy júrip jatyr. Bul da – jańashyldyqtyń, jaqsylyqtyń nyshany. Bul – tek ıdeologııanyń nemese uǵymdardyń ózgerýi ǵana emes, anyǵynda bul alǵa jyljýdyń, damýdyń kórinisi», dep tolyqtyrdy A.Chebotarev.

Májilis depýtaty Aıdos Sarym búgin qazaqstandyqtar Konstıtýsııa ǵana emes, memlekettik basqarý júıesi de ózgerip jatqan tarıhı kezeńde ómir súrip jatqanyn atap ótti. «Biz memlekettiliktiń burynǵy formatynan bas tartpaımyz. Alaıda oǵan qaıtyp oralmaıtynymyzdy da túsingenimiz jón. Jasyratyny joq, el azamattarynyń basym kópshiligi ózge memleketterdiń, qaısybir ýtopııalardyń sezimimen ómir súredi. Qazir óz keńistigimizge oralyp, óz kún tártibimizben ómir súrýdi úırený mańyzdy», dedi depýtat.

Kezdesý barysynda Eýrazııalyq ıntegrasııa ınstıtýtynyń dırektory Orazǵalı Selteev, Eýropalyq quqyq jáne adam quqyqtary ınstıtýtynyń dırektory Marat Báshimov te taqyryp tóńireginde oılaryn ortaǵa saldy. Zaldaǵy qatysýshylar ǵana emes, onlaın qosylǵan kórermen de suraq qoıyp, pikirtalasqa atsalysty.

Talqylau dıalog alańyn qurý bastamasy partııanyń 1 naýryzda ótken kezekten tys sezinde partııalyq transformasııa baǵdarlamasy tarmaqtarynyń biri retinde kóterilgen edi. Aldaǵy ýaqytta bul otyrystar túrli formatta ótip, onda pikirtalas, podkast, debat túrinde uıymdastyrylady. Alańda sarapshylar, depýtattar, memlekettik organdar men úkimettik emes uıymdar ókilderi azamattardy tolǵandyratyn ózekti máselelerdi sheshý jóninde usynystar ázirleý úshin turaqty túrde kezdesip otyrady.

Sońǵy jańalyqtar

Semeı qalasynyń gerbi bekitildi

Aımaqtar • Búgin, 07:47

«Qaıyrymdylyq» taqyrybyndaǵy marka

Qazaqstan • Búgin, 07:45

Bas júlde buıyrmady

Sport • Búgin, 07:42

Josparyn jarııa etti

Sport • Búgin, 07:40

Sıfrlandyrý – ózekti másele

Úkimet • Búgin, 00:49

BUU-nyń Jahandyq shartyna qosyldy

Ekonomıka • Búgin, 00:34

Jeti túrli sóz

Ádebıet • Keshe

Antyna adal azamat

Qazaqstan • Keshe

Júrektiń jumsaq kúlkisi

Ádebıet • Keshe

О́ńirlerde aýa sapasy nashar

Ekologııa • Keshe

Elorda kúnine tartý

Teatr • Keshe

Jalǵyz qoldy sheber

О́ner • Keshe

Ereımen jerindegi ejelgi nysandar

Rýhanııat • Keshe

Uqsas jańalyqtar