Prezıdent ókilettigin shekteý qalaı júzege asady?

Ádilet mınıstri Prezı­dent­tiń ókilettigin qaıta qaraýǵa jáne onyń Memleket basshysy laýazymynda bolýyna baılanys­ty qyzmetine engiziletin shekteýler jaıynda atap ótti.

Eń aldymen, zańdar men zań­dyq kúshi bar jarlyqtar shyǵa­rý jónindegi ókilettikter alyp tastalǵany aıtyldy. Pre­zı­denttiń zań shyǵarý salasyndaǵy jekelegen ókilettikteri shek­te­letin bolady. Q.Mýsınniń aıtýynsha, Prezıdenttiń Úkimet aktileriniń kúshin joıý jáne qoldanylýyn toqtata turý quqyǵy joıyldy. Odan bólek memlekettik baǵdarlamalar jáne memlekettik organdar men uıym­dardy qarjylandyrý júıesin bekitý mindeti de Úkimetke beril­di. Buryn Prezıdenttiń sheshi­mimen oryndalyp kelgen aý­dan jáne aýyl ákimderin qyz­metke taǵaıyndaý nemese saı­laý tártibi de ózgerdi. Bul re­formalar Parlamenttiń, Úkimet­tiń, jergilikti atqarýshy organ­dardyń rólin kúsheıtýge baǵyt­talǵany habarlandy.

«Joldaýda Prezıdent óziniń ókilettigin atqarý kezeńinde partııaǵa músheligin toqtata turý­ǵa mindetti ekenin zań júzin­de rásimdeý usynyldy. Mun­daı tyıym Ortalyq saılaý komıs­sııasynyń, Esep komıtetiniń jáne Konstıtýsııalyq keńestiń tór­aǵalary men múshelerine, ákimder men olardyń orynba­sar­laryna da qatysty bolatynyn atap ótken jón. Bul jańalyq bar­lyq memlekettik apparattyń jumysyna oń áserin tıgizip, saıası básekelestikti art­tyrýǵa yqpal etedi jáne barlyq partııalardyń damýy úshin teń jaǵdaı jasaıdy», dedi Ádilet mınıstri Q.Mýsın.

Qasym-Jomart Toqaev ha­lyqqa Joldaýynda Mem­le­ket basshysynyń jaqyn týys­tary­nyń memlekettik jáne kvazımem­le­kettik qurylymdarda basshy laýazymdarǵa ornalasýyna Kons­­­tı­týsııa deńgeıinde tyıym sa­lý jóninde usynys jarııalady.

Ádilet mınıstri zańnamaǵa sáıkes jaqyn týystarǵa kimder jatatynyn atap ótti. «Zańnamada jaqyn týystarǵa ata-analar, balalar, asyrap alýshylar, asyrap alynǵandar, ata-anasy bir nemese ata-anasy bólek aǵa-inileri men apa-sińlileri, atasy, ájesi, nemereleri jatady. Sonymen qatar sybaılas jemqorlyqqa qarsy is-qımyl týraly zańnamada jekjattar, ıaǵnı erli-zaıyptylardyń jaqyn týystary úshin shekteýler belgilengen», dedi Q.Mýsın.

Senat depýtattaryn taǵa­ıyn­daý máselesine kelsek, Mem­leket basshysy Parlament Se­na­tyndaǵy prezıdenttik kvo­tany 15 depýtattan 10 depý­tatqa deıin qysqartýdy usyn­dy, olardyń beseýin Qazaqstan hal­qy Assambleıasy usynatyn bo­lady. Osylaısha Prezıdent Par­lamenttiń joǵarǵy palatasyna 5 depýtatty, al Qazaqstan halqy Assambleıasy 5 depýtatty anyqtaıtyn bolady. Assambleıa depýtattardy burynǵydaı saılaý arqyly anyqtamaıdy.

Prezıdenttiń Joǵary Sot keńesiniń quramyna qatysty ókilettikteri de ózgeredi. «Kons­tıtýsııada belgilengen qoldanys­taǵy tártipke sáıkes, Prezı­dent Joǵary Sot keńesi­niń quramyn jasaqtap, Konstı­tý­sııalyq keńestiń tóraǵasyn taǵaıyndaıdy. Endi Konstı­týsııalyq keńes pen Joǵary Sot keńesiniń tóraǵalary qyzmetine kandıdatýralardy kelisý quqyǵyn Parlament Senatynyń depýtattaryna berý usynyldy. Joǵary Sot keńesiniń quramy zańmen aıqyndalatyn bolady», dep atap ótti Ádilet mınıstri.

Memleket basshysy sondaı-aq jergilikti jerlerde ákimder men máslıhattarǵa sheshim qabyldaý kezinde kóbirek derbestik berý máselesin kótergeni belgili. «Prezıdenttiń oblys jáne respýblıkalyq mańyzy bar qalalar ákimderiniń aktilerin toqtatyp, kúshin joıý jónindegi quqyǵyn, sondaı-aq aýdan jáne aýyl ákimderin jumystan bosatý quqyǵyn alyp tastaýǵa baılanysty ózgerister josparlanyp otyr. Prezıdenttiń mundaı ókilettikteri joıylady», dedi Ádilet mınıstri Q.Mýsın baspasóz jıyny barysynda.

Bul rette jarııalanǵan bas­tamalardy júzege asyrý úshin «Qazaqstan Respýblıkasynyń Prezıdenti týraly» Konstı­tý­sııalyq zańyna jáne basqa da bir­qatar zańǵa ózgerister engizi­letini aıtyldy. Tıisti zań jobalary Parlamenttiń qaraýyna tamyzǵa deıin engiziledi, al olardy jyl sońyna deıin qabyldaý josparlanyp otyr.