Tehnologııa • 21 Sáýir, 2022

Jeke kýálik alý prosesi avtomattandyrylady

97 ret kórsetildi

Sıfrlyq damý, ınnovasııalar jáne aeroǵarysh mınıstri Baǵdat Mýsın jáne Ishki ister mınıstri Marat Ahmetjanov mo­bıldi keńes barysyn­da Nur-Sultan qala­syn­daǵy HQKO men maman­dandyrylǵan HQKO-ny aralap, qyzmetterdi sıfr­landyrý prosesimen tanysty.

AvtoHQKO-da mınıstrler júr­gizýshi kýáligin alý jáne avto­kólikke memlekettik tirkeý nó­mir belgisin daıyndaýǵa tap­sy­rysty avtomattandyrý úrdi­simen tanysty.

Bıometrııa tehnologııasyn jáne jańa GPS-quralyn qol­danýdyń nátıjesinde sybaılas jemqorlyqtyń aldyn alyp, júrgizýshi kýáligin alý prosesiniń ashyqtyǵy qamtamasyz etildi.

№1 HQKO-da «Azamattarǵa arnalǵan úkimettiń» tóraǵasy Sú­ıenish Ábdildın jeke kýálik be­­retin avtomattandyrylǵan ter­­mınaldy kórsetti. Termınal bıo­­metrııalyq júıemen jab­dyq­tal­ǵan, sýretke túsirý fýnk­­sııasy bar, ınterfeısi de túsi­nikti. Sol ar­qyly kýálik­ti alýǵa ótinish berip, sý­retke túsip, qoltańbańyzdyń úl­gi­­sin qaldyryp, QR-kodpen mem­lekettik baj tóleýge bolady.

Sondaı-aq jeke kýálikti «Ult­tyq aqparattyq tehnologııa­lar» AQ mamandary jasaǵan egov.kz portaly arqyly alý múm­kin­digi de qarastyrylyp jatyr.

Mekemelerdiń basshylary shetelden Qazaqstanǵa uzaq ýaqytqa kelip jatqan IT-ma­mandar tıisti prosedýralar­dan ótetin AHQO Ekspat-ortaly­ǵy­na bardy. Onda JSN alý, Mobıldi azamattar bazasyna tirkelý, ESQ resimdeý, zańdy tulǵany tirkeý, bank shotyn ashý, turǵylyqty jerge ýaqytsha tir­keý, tipti qazaqstandyq SIM-karta satyp alý sııaqty qyzmet­ter kórsetiledi. Mundaı orta­lyq­tyń artyqshylyǵy sol – barlyq qyzmetti bir jerden alyp, ýaqyt únemdeýge bolady.

Polısııa departamentiniń Jedel basqarý ortalyǵynda Baǵ­dat Mýsın men Marat Ahmet­janov ishki ister organdaryndaǵy sıfrlandyrýdy damytý josparlaryn, IIM-niń perspektıvaly jobalaryn – «Ahýaldyq-saraptamalyq ortalyǵy» men «Sergek» mobıldi qosymshasyn» qarastyrdy.

IIM saraptama ortalyǵy qyl­mystyń aldyn alý maqsatyn­da krımınalogııalyq boljam qa­lyptastyrýmen aınaly­sady. Júrgizýshilerdi tártip­ke baǵyn­dyryp, jol erejesin buzý­dyń aldyn alýǵa baǵyttalǵan mobıl­di qosymsha – jol qozǵaly­syn avtomatty qadaǵalaý fýnksıonaly.

«Sıfrlandyrý qazaqstandyq­tardyń ómirin jeńildetip, mem­lekettik qyzmet kórsetý mer­­zimin qysqartyp, sapasyn art­ty­rady. Jýyrda qujattardy re­sim­deý ýaqyty aıtarlyqtaı qys­qa­ryp, prosesterdiń barly­ǵy ashyq jáne jarııaly bolyp, sybaılas jemqorlyq deń­geıin tómendetýge jol ashady. Biraq nátıje sapaly bolý úshin sıfrlandyrý barysynda bar­lyq memlekettik organdar jumy­la jumys isteý qajet. Biz IIM basshylyǵymen osy baǵyt­ta ózara ymyraǵa kelip, halyq­qa jaıly jáne qaýipsiz orta qalyptastyrý jobalaryn talqyladyq. Eń aldymen, sıfr­lyq qujattardy moıyndaýdan bas­taıtyn boldyq», dedi Sıfr­lyq damý, ınnovasııalar jáne aeroǵarysh mınıstri.

«Innovasııalardy engizý polısııa qyzmetin bıýrokratııa­dan aryltýǵa, sybaılas jemqor­lyq táýekelderin azaıtýǵa, son­­daı-aq ishki ister organdary ju­my­synyń ashyqtyǵyn qamta­ma­­syz etýge múmkindik beredi. Al­da aza­­­mattardyń qaýipsiz­digin qam­­­ta­­masyz etýge baǵyttal­ǵan kóp­­tegen joba bar, IIM olar­dy SDIAО́M jáne jergi­lik­­ti at­qarý­shy organdarmen ynty­maq­tas­tyqta iske asyratyn bolady», dedi Ishki ister mınıstri.

Keńes qorytyndysy boıynsha ishki ister organdaryn odan ári sıfrlandyrý jáne SDIAО́M jáne «Azamattarǵa arnalǵan úkimet» MK qatysýymen polısııa qyzmetine ınnovasııalar engizý boıynsha sheshimder qabyldandy.

 

Sońǵy jańalyqtar

Indet qaıta órshidi

Álem • Keshe

О́ńirde damý úrdisi bar

Aımaqtar • Keshe

Tańdaıdyń tarlany

Tarıh • Keshe

Joǵalǵan soldat

Tarıh • Keshe

Dombyrany dáriptedi

Rýhanııat • Keshe

Almatyda 36 gradýs ystyq bolady

Aýa raıy • Keshe

Búgin - Ulttyq dombyra kúni

Qazaqstan • Keshe

Uqsas jańalyqtar