Qazaqstan • 25 Sáýir, 2022

Qorǵanys jaıly qujattar

37 ret kórsetildi

Elordadaǵy Ulttyq mýzeıde Qazaqstan Respýblıkasy Qarýly Kúshteriniń qurylǵanyna 30 jyl tolýyna oraı «Qýatty armııa – qýatty Qazaqstan» atty kórmeniń ashylýy ótti.

Mártebeli jıyndy ashyp, sóz sóılegen Qorǵanys mınıstriniń orynbasary Sultan Kamaladınov, atalǵan is-sharanyń maqsaty – bıyl dataly kezeńge ıek artyp otyrǵan Qazaqstan Respýblıkasy Qarýly Kúshteriniń qurylý jáne damý tarıhy týraly tyń derekterdi nasıhattaý, sondaı-aq eldiń áskerı qaýipsizdigin nyǵaıtýdaǵy áskerı-saıası basshylyqtyń rólin kórsetý ekenin atap ótti.

Kórme sóresine qoıylǵan eksponattar qatarynda, Qazaqstan Respýblıkasy Qarýly Kúshterin qurý jáne tuńǵysh Qorǵanys mı­nıstrin taǵaıyndaý týraly Jarlyq pen oǵan qol qoıý kezin beıneleıtin ınstallıasııalyq músin, sonymen qatar M.B.Grekov atyndaǵy ás­kerı sýretshiler stýdııasy sýretshileriniń týyn­dy­lary qoıylyp, eń bastysy búgingi Qa­zaq­stan áskeriniń áleýeti kórermen nazaryna usynylady.

Is-shara barysynda, Prezıdent Muraǵatynyń avtorlyq ujymy men Qorǵanys Mınıstrligi ázirlegen «Qazaqstan Respýblıkasynyń Qarýly kúshteri. 1991-2001: qujattar men materıaldar jınaǵy» atty kitaptyń tusaýy kesilip, tanys­tyrylymy jasaldy.

Mádenı shara barysynda, Ulttyq áskerı-patrıottyq ortalyqtyń ansambli, Ortalyq áskerı orkestri ártisteri, «Jas sarbaz» balalar stýdııasynyń tárbıelenýshileri, sondaı-aq Qur­met qaraýyly rotasy óz ónerlerin kópshilikke usyndy.

 

Sońǵy jańalyqtar

Suıytylǵan gaz baǵasy óspeıdi

Qoǵam • 01 Shilde, 2022

Uqsas jańalyqtar