Prezıdent • 27 Sáýir, 2022

Memleket basshysy: Konstıtýsııalyq reforma – Táýelsizdik tarıhyndaǵy jańa beles

188 ret kórsetildi

Memleket basshysynyń qatysýymen Amanat partııasynyń kezekten tys XXIII sezi ótti.

Jańa Qazaqstan degenimiz – Ádiletti Qazaqstan

Qasym-Jomart Toqaev sezd delegattaryna memleket pen qo­ǵamdy túbegeıli jańartý úderisi bas­talǵanyn aıtty. Prezı­­dent­tiń pikirinshe, Amanat osy júıeli ózgeristerge belsendi at­saly­syp keledi. Sonymen qatar Mem­le­ket basshysy partııanyń qolǵa alyn­ǵan refor­malarǵa jan-jaq­­ty qoldaý kórsetip, «Halyq úni­ne qulaq asatyn memleket» tujy­­rym­damasyn tıimdi júzege asy­rýǵa qosyp jat­qan úlesine toqtaldy.

 – Amanat áleýmettik ádildik qaǵıdatyn ornyqtyrýǵa árdaıym basa mán beredi. Memlekettilikti nyǵaıtý jáne el birligin bekemdeý – uıymnyń aıryqsha mıs­sııasynyń biri. О́tken sezde partııaǵa rebrendıng jasaý qol­ǵa alyndy. Sondaı-aq ony ınstı­týsıonaldyq turǵydan jańartý jumysy bastaldy. Partııa bul mindetterdi oryndaýǵa dereý kirisip ketti. Naqty nátıje bar, ózge­risterdi qazirdiń ózinde kórip otyr­myz. Osy qarqyndy báseń­det­peı, jumysty odan ári jal­ǵas­tyrý kerek, – dedi Memleket basshysy.

Prezıdent naýryz aıynyń ortasynda Qazaqstan halqyna arna­ǵan Jol­daýynda saıası re­formalardyń aýqym­dy baǵdar­lamasyn usynǵanyn eske saldy. Sonymen qatar birden Konstı­týsııaǵa engiziletin ózgerister men tolyq­ty­rýlardyń jobasyn daıyndaý jóninde aýqymdy jumys bastalǵanyn, onsyz jos­par­lanǵan saıası reformalardy tıimdi júzege asyrý múmkin emes ekenin atap ótti.

– Konstıtýsııalyq refor­manyń maqsaty – elimizdi saıa­sı turǵydan odan ári jan-jaq­ty jańǵyrtýdyń berik irge­ta­syn qalaý. О́tken aptada Kons­tıtý­sııalyq Keńeske túzetý­ler jobasy joldandy. Onyń qabyldanýy memlekettik ınstıtýttardy qurýdyń jáne qyzmetiniń múl­de jańa úlgisin – Jańa Qazaq­standy qurýǵa múmkindik beredi. Azamattar tarapynan «Jańa Qazaqstan degenimiz ne?» degen saýal jıi qoıylyp júr. Meniń oıymsha, bul suraqqa qysqa da nusqa jaýap berýge bolady. Jańa Qazaqstan degenimiz – shyn máninde Ádiletti Qazaqstan. Azamattarǵa áleýmettik ádildik jetispeıtinin moıyndaıyqshy. Qarapaıym halyqtyń múddesi únemi elene bermeıdi, keıde, tipti ádiletsizdik memlekettik apparat ókilderi tarapynan da jasalyp jatady. Azamattardyń memlekettik mekemelerge senim­sizdigi osydan týyndaıdy. Son­dyqtan Amanat partııasynyń aldynda osy olqylyqtardyń ornyn toltyrý mindeti tur. Aza­mattyq qoǵam men bılik ara­synda dáneker bolý úshin sizder halyq ókilderimen etene jumys isteýlerińiz kerek, – dedi Qasym-Jomart Toqaev.

Sonymen qatar Konstıtýsııaǵa engizilgen ózgerister men tolyqtyrýlar eldiń búkil saıası arhıtektýrasyn keshendi túrde qaıta qaraýǵa, bılik tarmaqtary arasyndaǵy tejeý men tepe-teńdiktiń neǵurlym teńgerimdi júıesin qurýǵa baǵyttalǵanyn aıtty. Prezıdenttiń pikirinshe, biz sýperprezıdenttik basqarý túrinen túbegeıli bas tartamyz, Parlament pen máslıhattardyń ókilettigin kúsheıtemiz. Par­tııa­lyq-saıası júıeni jańǵyrtý – basym baǵyttyń biri.

Memleket basshysy partııalar men saılaý týraly zańnamalardy lıberalızasııalaý qoǵamnyń rólin kúsheıtedi dep sanaıdy. Bul bıliktiń barlyq deńgeıinde qabyldanatyn sheshimderine qatysty. Prezıdenttiń paıymynsha, azamattardyń daýysy úshin báseke kúsheıip, saıası úderisterdiń qarqyny men mazmuny ózgeredi.

– Jalpy alǵanda, partııalyq alańda seń qozǵalǵanyn kórip otyrmyz. Adal partııasynyń Ama­nat partııasymen qosylý jónin­degi bastamasy – bastal­ǵan ózgeristerdiń jarqyn kórinisi. Adal partııasynyń jetek­shileri men múshelerine osy mańyzdy sheshimderi úshin rıza­shylyǵymdy bildiremin. Jańa Qazaqstandy quramyz desek, elge janashyr qoǵamdyq-saıası kúshterdiń bári jumylýy kerek. Bul rette partııalardyń ózara til tabysyp, saıası júıeni damytýy asa mańyzdy. Sondyqtan Adal partııasynyń bastamasyn qoldap, onymen birikken jón dep sanaımyn. Adal – óz jaqtastary bar, qalyptasqan partııa. Saıası báseke artyp kele jatqan qazirgi kezeńde munyń aıryqsha máni zor, – dedi Qasym-Jomart Toqaev.

Jıynda Memleket basshysy jaýapty ári asa mańyzdy kezeńge qadam basqanymyzǵa toqtaldy. Prezıdenttiń aı­týynsha, kons­tıtýsııalyq reforma – táýel­sizdik tarıhyndaǵy jańa beles. Munyń bári ýaqyt talabynan jáne qoǵam suranysynan týyndap otyr.

– Men buǵan deıin partııa tóraǵasy laýazymynan bosap, uıym qatarynan shyǵatynymdy aıttym. Osy uıǵarymdy júzege asyratyn kez keldi. Búginnen bastap Amanat partııasynyń tóraǵasy retinde ókilettigimdi toqtatyp, partııadan shyǵý týraly sheshim qabyldadym. Bul qadamnyń sımvoldyq máni bar. Osy oraıda Prezıdent saı­laýynda maǵan senim artyp, qoldaǵandaryńyz úshin bar­shańyzǵa alǵysymdy aıtamyn. Sondaı-aq jaýapty sátte partııa tizginin senip tapsyrǵandaryńyz úshin rızashylyǵymdy bil­diremin. Biz birlesip, kóp jumys atqardyq. Degenmen ýaqyt bir ornynda turmaıdy. Qazir talaı nárse ózgerýde. Aldymyzda aýqymdy mindetter bar. Búginde elimizdegi barlyq salany túbegeıli monopolııadan aryltý asa mańyzdy. Osy úderisten saıası júıe de syrt qalmaýy kerek. Memleket basshysy eshbir partııaǵa basymdyq bermegeni jón, ıaǵnı saıası turǵydan beıtarap bolýy qajet. Bul – meniń aıqyn ustanymym, – dedi Qasym-Jomart Kemeluly.

Prezıdenttiń pikirinshe, mundaı qaǵıda saılaýǵa qaty­satyn barlyq kúshke teń múm­kindik týǵyzady. Saıası júıede ádildiktiń ornaýyna jol ashady. Partııa atqarýshy bılikke táýeldi bolmasa, oǵan halyqtyń senimi nyǵaıyp, bedeli artady.

– Qazir uıym Májiliste jáne máslıhattarda edáýir basym­dyqqa ıe bolyp otyr. Sondyqtan Úkimet pen ákimdikterdiń jumy­syna qatań baqylaý jasaı alady. Prezıdent partııa qatar­ynan shyqqanymen, uıymnyń strategııalyq baǵdary ózgermeıdi dep oılaımyn. Amanat elimizdiń saıa­sı ómirinde erekshe orny bar uıym retinde qala beretini anyq. Saıasattaǵy sabaqtastyq saqta­lyp, partııa el ıgiligi úshin jasap jat­qan jumystaryn jalǵastyra be­redi, – dedi Memleket basshysy.

Qasym-Jomart Toqaev par­tııa­nyń tóraǵasy laýazymyna Parlament Májilisiniń Tóraǵasy Erlan Qoshanovty usynyp, oǵan uıymdastyrý qabileti joǵary, tájirıbeli ári bilikti azamat dep baǵa berdi.

Sezd delegattary Pre­zı­denttiń usynysyn qoldap, Erlan Qoshanovtyń kandıdatýrasyna biraýyzdan daýys berdi.

Memleket basshysy búgingi ózgerister Amanat partııasynyń zaman talabyna saı jańara túsýine jol ashatynyna senim bildirdi.  

Demokratııaly, ashyq jáne teńgerimdi saıası júıe

Senat Tóraǵasy Máýlen Áshim­­baev Amanat partııasy el­dik múd­de jolyndaǵy taǵy bir ma­ńyz­dy kezeńge qadam basqanyn atap ótti.

– Adal partııasynyń aty da, zaty da ózgergen Amanat partııasyna qosylýy – mańyzdy kezeń. Jalpy, Amanat partııasynyń tarıhynda mundaı tájirıbelerdiń bolǵany belgili. Ár kezeńde partııa túrli baǵyttaǵy basqa saıası kúshtermen birigip otyrdy. Bizdiń partııanyń sentrıstik ustanymy ony barsha qazaqstandyqtyń múddesin qorǵaıtyn saıası uıym retinde tanytty. Mundaı pozısııa túrli kúshterdiń birigýi úshin tıimdi platforma da qalyptastyrdy. Adal partııasymen qosylý bizdiń áleýetimizdi odan ári arttyryp, partııa qataryna jańa belsendi azamattardy jumyldyrýǵa jol ashatyny sózsiz. Adal partııasy shaǵyn jáne orta bıznespen bel­sendi jumys istep keldi. Mun­daı tájirıbe Amanat partııasy úshin de mańyzdy. Sondyqtan biz bul baǵytta birlesip, biraz ju­mys atqaratynymyzǵa eshqan­daı kúmán joq. Al Adal partııa­synyń múshelerine Amanat-pen qosylý ózderiniń baǵdar­lamalyq maqsattary men ıdeıa­laryn ilgeriletý úshin bizdiń par­tııa­myzdyń aýqymdy adamı, aqpa­rattyq jáne basqa da resýrstaryn paıdalanýǵa múmkindik beredi. Osy rette Adal partııasynyń Ama­nat-qa qosylý týraly sheshimdi tolyǵymen qoldaımyn jáne barsha delegattardy bul qadamdy qoldaýǵa shaqyramyn, – dedi Senat spıkeri.

Máýlen Áshimbaev partııa­lar­dyń qosylýy eki uıym úshin de jańa múmkindikterge jol ashaty­nyna senimdi. Osyǵan oraı ol par­tııanyń aýqymy keńeıgen kezdegi qyzmeti týraly oıyn ortaǵa saldy.

– Eń aldymen, Jańa Qazaq­standa partııa jumysyna jańa ádister men tásilder kerek. Sońǵy jyldarda Qazaqstan Memleket basshysy, partııa Tóraǵasy Qasym-Jomart Kemeluly Toqaevtyń bastamasymen demokratııaly, ashyq jáne teńgerimdi saıası júıe qurý jolynda batyl qadamdar jasady. Búginde qoǵamdyq-saıası qatynastardyń barlyq saıası qurylymy men paradıgmasy qaıta qalyptasýda. Sonymen birge bizdiń qoǵam, adamdarymyz, olardyń kózqarastary, qundylyqtary men ustanymdary jedel ózgerýde. Osyndaı sátte partııamyzdyń da elimizdiń saıası ómirindegi rólin qaıta qarap, zerdeleýdiń mańyzy zor. Partııamyz atyna zaty saı bolýǵa tıis. Biz ózgerip, zamanaýı talaptarǵa beıimdelýimiz kerek, – dedi M.Áshimbaev.

Senat spıkeri Konstıtýsııalyq reformadan keıin jetekshi par­tııanyń burynǵydaı ákimshilik te­tikteri men resýrstary bolmaı­tynyn, sondyqtan olardy tıimdi saıa­sı jáne tehnologııalyq tásil­der­men almastyrý qajet ekenin atap ótti.

– Ýaqyt óte kele basqa da ja­ńa saıası partııalar qurylady. Biz sondaı joǵary deńgeıdegi básekege daıyn bolyp, ózimizdiń lıderlik pozısııamyzdy dáleldeı bilýimiz kerek. Qazir qoǵamda bizdiń partııa týraly túrli pikirler aıtylyp júrgeni jasyryn emes. Ondaı kóz­qarasty ózgertý úshin qoǵamnyń talap-tilegine qulaq asyp, jedel ún qatýymyz qajet. Ásirese halyqty alańdatqan naqty problemalardy sheshýge basymdyq bergen jón. Bul partııanyń pozısııasyn kúsheıtip, azamattardyń qoldaýyn arttyrady. Biz naýqanshyldyqtan, bıýrokratııadan, formalızm men qaǵazbastylyqtan túbegeıli arylýymyz kerek. Partııa jumysyn naqty nátıjege baǵdarlaı otyryp, qaıta qurý mańyzdy. Ol partııanyń bastaýysh uıymdarynan bastap ortalyq organdaryna deıingi barlyq deńgeıdi qamtýǵa tıis, – dedi M.Áshimbaev.

Partııanyń ıdeologııalyq kún tártibin anyqtaýdyń da mańyzy sóz boldy. M.Áshimbaev óz sózinde qazir demokratııalyq, ádil jáne áleýmettik memleket qurýǵa tarıhı múmkindik týyp turǵanyn  basa aıtty.

– Álem tarıhy kórsetkendeı, mundaı múmkindikter jıi berile bermeıdi. Sonymen qatar múm­kin­dikter terezesi jabylyp qalýy múmkin. Sondyqtan Jańa Qazaq­standa Amanat Memleket basshysynyń reformalary men jańǵyrtý jolyn ilgeriletýde jáne iske asyrýda basty ról atqara alar edi. Partııa elimizdegi progressıvti áleýmettik-ekonomıkalyq jáne saıası ózgeristerdiń negizi ári qoz­ǵaýshy kúshi bolýǵa tıis. Bul – par­tııanyń osy tarıhı kezeńdegi mıssııasy. Bul mıssııa bizdiń aldaǵy jumysymyzdy maǵynaly ári mazmundy etpek. Partııanyń ıdeologııalyq kún tártibiniń taǵy bir negizgi elementi áleýmettik ádi­lettilikti qamtamasyz etý bola alady. Bul el Prezıdentiniń saılaýaldy tuǵyrnamasymen tikeleı baılanysty. Qańtardaǵy qaıǵyly oqıǵa áleýmettik narazylyq ádi­lettilik qaǵıdattary jumys iste­meı­­tin jerde paıda bolatynyn anyq kórsetti. О́kinishke qaraı, biz­de mun­daı máseleler boldy. Sy­baı­las jemqorlyq, qos standart kez­desti. Shyn máninde, bul biz­diń da­mýymyzdy tyǵyryqqa ti­rep, mem­lekettiliktiń ózine qaýip tón­dire bastady, – dedi Senat tór­aǵasy.

Parlamenttiń Joǵary pala­ta­synyń tóraǵasy qazir halyq bı­likten áleýmettik ádilettilik kútetinin aıtty. Bul rette ol Ama­nat partııasy eldegi ádilettilik qun­dylyqtaryn nasıhattaıtyn jáne qorǵaıtyn negizgi kúsh bolýy kerek dep atap ótti.

– Azamattardyń ótkir máse­lelerin sheship, halyqtyń osal toptaryna naqty kómektese otyryp, sybaılas jemqorlyq pen bıýrokratııamen kúresip, ádildik qaǵıdatyn iske asyrýǵa járdemdesemiz. Bul úshin partııanyń quraldary jet­kilikti. Onyń qatarynda ókildi or­gan­dardaǵy fraksııalar, túrli komıs­sııalar, partııalyq úkimet pen partııalyq BAQ bar, – dedi M.Áshimbaev.

 Jastar qanatynyń qyzmetin qaıta qaraý usynyldy

Amanat partııasynyń jastar­men júıeli jumys júrgizip kelgeni belgili. Senat spıkeri búgingi tańda bul qyzmetti qaıta qurýdy usyndy.

– Qańtardaǵy oqıǵa, ásirese Almatyda, turaqty jumysy, sapaly bilimi, ómirge degen naqty jospary joq jastardyń ótkir máselelerin ashyq kórsetti. Mundaı jastardy ártúrli des­trýktıvti kúshter men toptar ońaı qoldana alatyny baıqaldy. Jas Otan jastardyń áleýmettenýine kómektecip, olar úshin áleýmettik lıft usynýǵa tıis. Is-sharalardy tek óz belsendilerińizdiń arasynda nemese ýnıversıtetterde ótkizýdiń qajeti joq. Problemaly jastar toptaryn tartyp, olarmen belsendi jumys isteý kerek. Partııanyń jastar qanaty olardyń jumysqa ornalasýyna, tulǵalyq qalyptasýyna, durys qundylyqtar men baǵdar tabýyna septigin tıgizer edi. Jas­tar­dyń jumyssyzdyǵymen, kedeı­likpen jáne tártipsizdikpen kúre­sýdiń tıimdi quraly – eń aldy­men, sapaly bilim. Amanat par­tııa­sy birqatar bilim berý baǵdar­la­ma­synyń, jobalar men zańdardyń bastamashysy bola alar edi, – dep atap ótti Senat tóraǵasy.

Máýlen Áshimbaev sondaı-aq óz sózinde partııanyń óńirlerdegi jumysyna toqtaldy.

– Partııa qyzmetiniń taǵy bir mańyzdy baǵyty – jergilikti jer­lerde reformalardyń júzege asyrylýyn baqylaý. Amanat-tyń jergilikti jerlerdegi naq­ty ózgeristerge yqpal etetin meha­nızmderi men múmkindikteri bar. Fılıaldarǵa derbestik pen jet­kilikti resýrstyq qoldaý kórsetý mańyzdy. Bastapqy uıymdardy nyǵaıtý oryndy. Máslıhattardaǵy partııalyq fraksııalar resýrsyn belsendirek paıdalanǵan jón. Olardyń belsendiligi men bas­tamalaryn yntalandyrý kerek. Qazir elimiz úshin de, partııamyz úshin de – óte mańyzdy kezeń. Aldymyzda aýqymdy maqsat-mindetter tur. Osyndaı jaýapty kezeńde judyryqtaı jumylyp, elimizge qyzmet etýimiz qajet. Pre­zıdentimiz jarııalaǵan oń ózge­rister men reformalardyń iske asýyna, Jańa Qazaqstannyń qalyp­tasýyna qomaqty úles qosý – árqaı­sysymyzdyń basty minde­timiz. Osylaısha, Qazaqstannyń demo­kratııaly, ádiletti jáne ór­ken­degen memleket bolyp qalyp­tasýyna ózimizdiń úlken úlesi­mizdi qosamyz dep senemin, – dedi Senat spıkeri Máýlen Áshimbaev.

 Halyqpen baılanysty arttyrý maqsaty tur

Amanat partııasynyń atqa­rýshy hatshysy Ashat Oralov partııany transformasııalaý bo­ıynsha baǵdarlamanyń oryndalý barysy jaıly baıandady.

– Birinshiden, partııa qa­taryn nyǵaıtý jáne halyqpen baılanysty kúsheıtý maqsatynda Almaty, Shymkent, Túrkistan Semeı qalalary men Abaı, Saýran aýdandaryna bardyq. Saparlar barysynda 2 700 adamdy qamtıtyn túrli is-shara ótkizildi. Oǵan partııa aktıvi, bastaýysh partııa uıymdarynyń belsendileri, halyq saılaǵan aýyl ákimderi, densaýlyq saqtaý, bilim berý, mádenıet, shaǵyn jáne orta bıznes ókilderi, sarapshylar, jastar men blogerler tartyldy. Mobıldi qoǵamdyq qabyldaý bólmeleri jumystaryn bastady. Alty oblystyń (Aqmola, Qaraǵandy, Pavlodar, Qyzylorda, Soltústik Qazaqstan jáne Túrkistan) 196 aýylyna saparlar uıymdastyrylyp, qoǵamdyq qabyldaýǵa 2,1 myńnan astam azamat keldi, 400-den astam másele oń sheshimin tapty, qalǵandary partııanyń qadaǵalaýyna alyndy. Maýsym aıynyń sońyna deıin óńirlerdegi shalǵaıdaǵy 500-ge jýyq aýylǵa barýdy josparlap otyrmyz. Ortalyqsyzdandyrý aıasynda jarnalardyń 20%-y bastaýysh partııa uıymdaryna qaıtaryla bastady. Osy bastamany júzege asyrý nátıjesinde bas­taýysh partııa uıymdary 300-den astam is-shara ótkize alady, – dedi A.Oralov.

Ol sondaı-aq Májilis pen más­lıhattardaǵy fraksııa qyz­metin jandandyrý maqsatynda qoǵam­dyq keńester sany 40%-ǵa ońtaı­landyrylǵanyn atap ótti.

– Qoǵamdyq pikir kóshbas­shy­laryn tarta otyryp, quramdar jańartyldy. Jalpy, áıelderdiń úlesi 39%-ǵa deıin, al jastardyń úlesi 30%-ǵa deıin ulǵaıdy. Son­daı-aq Úkimetpen jáne partııa­nyń Májilistegi fraksııasymen birlesip saılaý aldyndaǵy baǵdar­lamanyń oryndalýyna tolyq tekserý júrgizildi jáne jaqyn arada osy másele boıynsha atqa­rýshy organdardyń esebin tyń­daý josparlanyp otyr. Osyn­daı jumystar barlyq óńirde par­tııanyń aýmaqtyq fılıaldarynyń belsendi qatysýymen júrgizilýde, – dedi A.Oralov.

Odan bólek «Ashyq partııa» tujyrymdamasy boıynsha Talqylau dıalog alańy iske qosyl­ǵany belgili boldy.

– Qazirdiń ózinde BAQ-tyń qa­ty­sýymen eki otyrys jáne qa­zaq­standyqtardy tolǵandyratyn ózekti taqyryptarǵa áleýmettik jelilerde tikeleı translıasııa ótkizildi. Halyqpen keri baılanysty nyǵaıtý maqsatynda partııalyq baspasóz ortalyǵy ashyldy. Jaqyn arada partııanyń mobıldi qosymshasy qoljetimdi bolady, ol jerde partııanyń jumysy týraly aqparatty jedel túrde alýǵa, saýalnamalarǵa qatysýǵa jáne óz ıdeıalary men usynystaryn tikeleı jiberýge múmkindik bolady. Halyqtyń suranysyn eskere otyryp, partııa ekologııalyq mádenıetti jáne qorshaǵan ortany qorǵaý máse­le­lerinde azamattardyń belsendi ómir ustanymyn nyǵaıtýǵa baǵyt­talǵan TazaLike jobasyn Ońtús­tikten bastadyq. Sonymen birge partııanyń janynda qurylǵan Eko­logııalyq keńeste osy salada­ǵy ózekti, ásirese qoǵamdy tolǵan­dy­ratyn ótkir máseleler kóteri­letin bolady, – dedi Ashat Oralov.

Partııanyń atqarýshy hatshysy qoǵamnyń suranysyn jáne Jańa Qazaqstannyń kún tártibin eskere otyryp, partııanyń Saıası tuǵyrnamasy, «Baqýatty qoǵam: onjyldyqtyń 10 maqsaty» jáne Sybaılas jemqorlyqqa qarsy is-qımyl baǵdarlamasy sekildi negizgi baǵdarlamalyq qujattardy jańartýǵa kiriskenin atap ótti.

– Baǵdarlamalar saıasattaný­shylarmen, sarapshylar qaýym­dastyǵymen jáne jergilikti partııa múshelerimen keńinen talqylanýda. Alaıda talqylaý barysynda kelip túsken sarapshylardyń piki­rin eskere otyryp, úsh baǵdar­la­malyq qujatty biriktirip, par­tııa­nyń Biryńǵaı jańa Saıası tuǵyrnamasyn ázirleýdi usy­namyz, – dedi A.Oralov. 

Úlken syn, jaýapkershilik jáne amanat

Jıyn barysynda Amanat partııasynyń jańadan saılanǵan tóraǵasy Erlan Qoshanov sóz alyp, Memleket basshysy men partııa múshelerine rızashylyǵyn bildirip, alda úlken synaq kútip turǵanyn málimdedi.

– Asa qurmetti Qasym-Jomart Kemeluly, osynaý tarıhı kezeńde partııanyń jetekshiligin maǵan senip tapsyrǵanyńyz jáne júktegenińiz úshin ózińizge jáne osy sheshimdi qoldaǵan partııalas áriptesterime zor alǵysymdy bildiremin. Men bul sheshimdi úlken syn, jaýapkershilik jáne amanat dep túsinemin. Amanat partııasy – bul Prezıdentimizdiń qoǵamdyq tiregi. Amanat partııa­sy – bul reformalar partııasy jáne Jańa Qazaqstannyń ja­sampazdyǵy. Qurmetti partııalas­tar, bizdi úlken synaqtar, úlken naýqandar kútip tur. Elimiz ben Prezıdentimizdiń bizge artqan senimin, amanatyn bárimiz birigip aby­roımen atqaraıyq, – dedi Erlan Qoshanov.

Jıynda Adal partııasynyń atynan Eldar Jumaǵazıev sóz alyp, partııanyń elimizdiń jetek­shi saıası kúshine qosylý týraly sheshimin tarqatyp aıtyp berdi.

– Bıyl 16 naýryzda Prezıdent «Jańa Qazaqstan: Jańarý men jańǵyrý joly» atty Qazaqstan halqyna Joldaýyn jarııalady. Sol kúni Adal partııasynyń bir top Saıası keńesiniń músheleri jınalyp, búgingi kúrdeli geosaıası daǵdarysty, onyń Qazaqstan halqyna keri áserin eskere otyryp, Prezıdentimizdiń barlyq saıası reformalaryn sapaly júzege asyrý úshin Amanat partııasyna qosylýdy durys dep sheshti. Aımaqtarda da oblystyq konferensııalar ótip, atalǵan usynys talqylanyp, qoldaý tapty. Aqyrynda, Adal saıası partııasynyń cezinde delegattar bul sheshimdi bekitti. Adal partııasy elimizdiń jetekshi saıası kúshine qosylyp, saılaýaldy ýádelerin óz deńgeıinde oryndaıtynyn erekshe atap ótkim keledi. Dál qazir tirliktiń de, berekeniń de kózi – birlikte. Adal partııasynyń tyń ıdeıalary men zamanaýı tehnologııalyq sheshimderi Amanat partııasyna salmaqty qoldaý bolady dep senemin. Aıta ketsek, Adal partııasy tıimdi sheshim qabyldaý úshin aqparatty sıfr­ly formatta jınaýǵa, júıeleýge jáne memlekettik organ­darǵa usynýǵa múmkindik bere­tin IT-qo­symshanyń sıfrly plat­formasyn jasaqtady. Bul jobany Amanat-tyń «Ashyq partııa» tujy­rymdamasyn iske asyrý aıasyn­da qoldanýǵa bolady dep esep­teımin, – dedi Eldar Juma­ǵazıev.

E.Jumaǵazıev Adal partııasy aýyl ákimderin saılaý jónindegi bastamany qoldap, saılaýǵa túskenin, 15 aýyldyq okrýgte, parlamenttik «Aq jol», Qazaqstan halyq partııasynan ozyp, jeńiske jetkenin basa aıtty.

– Ár aýyldy baqylap, naqty problemalaryn anyqtap, olardyń sheshý joldaryn toǵystyrǵan «Aýyl – tabys kózi» atty baǵdarlama jasaqtadyq. Sonymen qatar byltyr júzege asqan rebrendıng Adal partııasynyń jumysyn qaıta jandandyrdy, bizdiń qatarymyzǵa jańa, tanymal tulǵalar qosyldy. Partııa músheleri men jaqtastarynyń sany – shamamen 300 myń adam. Bul kórsetkishti arttyrýǵa bolady. О́ıtkeni bizdiń qatarymyzda eldiń bolashaǵyna beıjaı qaramaıtyn qoǵamnyń progressıvti bóligi – kásipkerler, jastar men aýyl turǵyndary bar. Qyzmetimizde basymdyq qazaqstandyqtardyń ómir súrý sapasyn qamtamasyz etýge berildi, halyqtyń tabysyn arttyrý, adamı kapıtaldy damytý, óńirlerdi damytý, jastar úshin jaǵdaı jasaý. Parlamentte ókili joq Adal partııasy úlken jumys atqardy. Alaıda partııa qyzmetinde qoıylǵan maqsattardy iske asyrý úshin damýdyń sapaly jańa satysyna kóshý qajet bolatyn kezeń týdy. Bul – ýaqyt talaby, – dedi E.Jumaǵazıev.

Partııa seziniń kún tárti­bindegi ekinshi másele boıynsha Amanat-tyń saıası keńesine ózgeris engizý máselesi qaraldy.

– Partııanyń joǵary ókil­dik organynyń saıası keńes qura­myna ózgerister engizý týraly má­seleni qaraýdy usynamyn. Par­tııa jarǵysynyń №9.1 pýnk­ti boıynsha, saıası keńeske ózgeris engizý máselesi partııa
se­ziniń aıryqsha quzyretine jatady. Sizderdiń qaraýlaryńyzǵa Amanat partııasynyń saıası keńes quramyna Eldar Tynyshbaıuly Jumaǵazıevti, Maqsat Málikuly Tolyqbaıdy, Dáýlet Tóleýtaıuly Muqaevty engizý máselesi usynylady, – dedi partııanyń atqarýshy hatshysy Ashat Oralov. Sezd delegattary bul usynysty da biraýyzdan qoldap daýys berdi.

Sońǵy jańalyqtar

Shıraz bulbuly

Ádebıet • Búgin, 22:05

Ata jurtta

Ádebıet • Búgin, 22:03

Oqý men oqymaý hám talǵam

Ádebıet • Búgin, 22:01

Mal basy ósse, olja kóbeıedi

Aımaqtar • Búgin, 21:57

Abaı oblysynyń aty ozdy

Aımaqtar • Búgin, 21:54

Saq dáýiriniń eskertkishi

Tanym • Búgin, 21:53

Portretin kúrishten jasaǵan

О́ner • Búgin, 21:51

Bes óńirde daýyldy eskertý jarııalandy

Aýa raıy • Búgin, 21:30

Erlan Qııasov jańa qyzmetke taǵaıyndaldy

Taǵaıyndaý • Búgin, 20:10

Tamyz aıyndaǵy UBT aıaqtaldy

Bilim • Búgin, 19:53

Baqyt Sultanov qyzmetinen bosatyldy

Qazaqstan • Búgin, 18:00

Dollar arzandady

Ekonomıka • Búgin, 16:42

Uqsas jańalyqtar