Medısına • 09 Mamyr, 2022

«Ańsaǵan sábı» aıasynda 800-den astam EKU rásimi ótkizildi

26 ret kórsetildi

2022 jyldyń I toqsanynda MÁMS jú­ıesi sheńberinde ekstrakorporaldyq uryq­tan­dyrýdyń 835 rásimi oryndaldy. Áleý­mettik medısınalyq saqtandyrý qorynda EKU-ny medısınalyq saqtandyrý boıynsha kim jáne qalaı óte alatyndyǵy týraly aıtyldy.

Infografıkany jasaǵan Amangeldi Qııas, «EQ»

Áleýmettik medısınalyq saqtandyrý qorynda atap ótilgendeı, ekstrakorporal­dyq uryqtandyrý prosedýrasy joǵary tehnologııalyq medısınalyq qyzmetterge jatady jáne qymbat bolyp sanalady. Buǵan deıin bul tegin medısınalyq kómektiń kepildik berilgen kólemi sheńberinde júrgizilgen bolatyn. Alaıda qarjylandyrý kólemi az boldy, jylyna shamamen 900-1000 kvota bólindi. Al 2021 jyldan bastap Prezıdent Qasym-Jomart Toqaevtyń tapsyrmasy boıynsha Qazaqstanda «Ańsaǵan sábı» baǵdarlamasy júzege asyrylýda. Bul kvota sanyn 7 esege – jylyna 7 myńǵa deıin arttyrýǵa múmkindik berdi. Prosedýra MÁMS qyzmetter tizbesine kiredi, sondyqtan saqtandyrylǵan pasıentter ony tegin óte alady.

2022 jyly Áleýmettik medısınalyq saqtandyrý qory aldyn ala eseptelgen somasy 6,68 mlrd teńgege 7 myń EKU sıklyn qarjylandyrýdy kózdedi.

I toqsannyń qorytyndysy boıynsha, 824,6 mln teńgege ekstrakorporaldyq uryq­tan­dyrýdyń 835 rásimi oryndaldy. Bul al­dyńǵy jyldarǵa qaraǵanda áldeqaıda kóp: 2020 jyldyń I toqsanynda barlyǵy 59 EKU, 2021 jyldyń I toqsanynda 526 sıkl shyǵaryldy.

Qorda atap ótkendeı, EKU qyzmetterin jetkizýshiler – elimizdiń 9 óńirinen 19 medı­sınalyq uıym, onyń ishinde 18-i – jeke­men­shik uıym. Pasıent ekstrakorporaldyq uryqtandyrý úshin klınıkany óz betinshe tańdaýǵa quqyly. EKU qyzmetterin kórsetetin jetkizýshilerdiń tizimimen Qordyń resmı fms.kz saıtynda «Pasıent úshin» bóliminde, ári qaraı «Emhanany tańdaý» batyrmasyn basý arqyly tanysýǵa bolady.

Kim EKU-ǵa senim arta alady?

Prosedýranyń negizgi kórsetkishi – tera­pevtik túzetý múmkin emes bedeýlik. Sonymen qatar erli-zaıyptylar da, resmı nekede tur­maıtyn erli-zaıyptylar da EKU-ǵa ótinish bere alady. Biraq bul jaǵdaıda ózara erikti jazbasha kelisim qajet.

EKU rásiminen Qazaqstan azamattary óte alady jáne Densaýlyq saqtaý mınıstrligi belgilegen medısınalyq parametrlerge sáı­kes kelýi qajet:

- reprodýktıvti jas (18-den 42 jasqa deıin);

- qalypty somatıkalyq kúı;

- qalypty endokrındik kúı;

- qanaǵattanarlyq ovarıaldyq rezerv.

Qandaı jaǵdaıda EKU-dan bas tartýy múmkin?

Naýqasqa ekstrakorporaldyq uryqtan­dyrýdan bas tartý birneshe jaǵdaıda bolýy múmkin:

- júktiliktiń bastalýy nátıjeliliginiń tó­mendeý faktorlary bolǵan kezde (ımplan­tasııaǵa jáne júktiliktiń damýyna kedergi keltiretin ishki jynys músheleriniń damý anomalııasy, gıdro (saqtosalpıngster), jatyr qýysynyń sınehııasy, endometrıoz, analyq bezderdiń kıstalary, obtýrasııalyq emes azoospermııa);

- jatyrdyń týa bitken nemese júre paıda bolǵan aýytqýlary kezinde;

- somatıkalyq jáne psıhıkalyq buzy­lýlar kezinde;

- analyq bez isikterinde;

- jedel qabyný aýrýlarynda;

- kez kelgen lokalızasııa onkologııasy kezinde.

EKU-dan ótý úshin pasıenttiń baǵyty

EKU-ǵa joldama alý úshin bekitilgen jeri boıynsha emhanaǵa júginý qajet.

Pasıentti tirkeý orny boıynsha densaýlyq saqtaý uıymdary bedeýlikten zardap shege­tin adamdardy dıspanserlik naýqastardyń (budan ári – DNET) elektrondy tirkelimine engizedi. 12 aı ishinde bedeýliktiń sebepterin zerttep-qaraǵannan jáne anyqtaǵannan keıin beıindi mamannyń qorytyndysy negizinde pasıenttiń tirkelgen jerindegi densaýlyq saqtaý uıymdary MÁMS júıesinde qosalqy reprodýktıvtik ádister men tehnologııalar (QRT) júrgizý týraly máseleni sheshý úshin pasıenttiń qujattaryn oblystardyń, respýblıkalyq mańyzy bar qalalardyń jáne astananyń densaýlyq saqtaýdy memlekettik basqarýdyń jergilikti organdarynyń joǵary tehnologııalyq medısınalyq qyzmetter jó­nin­degi komıssııasyna (JTMQ komıs­sııasy) jiberedi.

MÁMS júıesinde oryndalǵan QRT emsharalary týraly derekterdi QRT bedeýlikti emdeýde qoldanýǵa kómek kórsetetin medı­sınalyq uıymdar medısınalyq aqparattyq júıege engizedi.

QRT paıdalana otyryp, medısınalyq kómek alý úshin medısınalyq uıymdy tań­daýdy pasıent júzege asyrady. Oń sheshim qabyldanǵan jaǵdaıda JTMQ komıssııasy emdeýge jatqyzýǵa joldamany pasıenttiń qujattar paketin qosa bere otyryp, emdeýge jatqyzý bıýrosy portalynda tirkeıdi.

Aıta ketý kerek, jylyna bir ret MÁMS boıynsha EKU prosedýrasynan tegin ótýge bolady. MÁMS júıesinde EKU júrgizý aldynda erli-zaıyptylardy tekserý kólemi kózdelgen tizbege sáıkes júzege asyrylady.

Eger sizde medısınalyq kó­mek kórsetý sapasyna qatysty suraqtary­ńyz bolsa, siz olardy óz emhanańyzdaǵy Pa­sıent­terdi qol­daý qyzmetine qoıa alasyz. Eger jaǵdaıdy sol jerde sheshý múmkin bol­masa, onda ózińizge yńǵaıly baılanys arna­sy arqyly Áleýmettik medısınalyq saq­tan­dyrý qoryna júginýge bolady: resmı fms.kz saıty, 1406 baılanys ortalyǵy, Qoldau 24/7 mobıldi qosymshasy jáne Telegram-daǵy SaqtandyryBot. Dál osy qural­dar saqtandyrylý mártebesin tekserýge múmkindik beredi. Sondaı-aq medı­sınalyq saqtandyrý júıesindegi óz már­te­beńizdi tekserip, júrgizilgen tólemder týraly elektrondy úkimettiń egov.kz saıtyndaǵy «Densaýlyq saqtaý» bóliminde «Medısınalyq qyzmetter týraly jáne MÁMS-ke aýdarylǵan somalar týraly aq­parat» memlekettik qyzmeti arqyly bile alasyz.

 

Sońǵy jańalyqtar

Indet qaıta órshidi

Álem • Keshe

О́ńirde damý úrdisi bar

Aımaqtar • Keshe

Tańdaıdyń tarlany

Tarıh • Keshe

Joǵalǵan soldat

Tarıh • Keshe

Dombyrany dáriptedi

Rýhanııat • Keshe

Almatyda 36 gradýs ystyq bolady

Aýa raıy • Keshe

Búgin - Ulttyq dombyra kúni

Qazaqstan • Keshe

Uqsas jańalyqtar