Aımaqtar • 16 Mamyr, 2022

Saılaýshylarmen kezdesti

34 ret kórsetildi

Senat depýtattary Konstıtýsııaǵa ózgerister men tolyqtyrýlar engizý boıynsha ótetin jalpyhalyqtyq referendýmdy talqylaýǵa qatysý úshin el ishine keldi. Halyq qalaýlylarynyń bir toby Almaty oblysyna at basyn buryp, aýyl, aýdanda turatyn jurtshylyqpen kezdesý ótkizdi.

Jetisý óńirinde Senattyń áleý­mettik-mádenı damý jáne ǵy­­lym komıtetiniń kóshpeli oty­­ry­sy ótti. Onda komıtet tór­­­aǵa­sy Beıbit Isabaev oblys tur­­­ǵyn­dary aldynda sóz sóılep, óz­­gerister men tolyqtyrýlar Kon­­­­­stı­týsııa baptarynyń úshten bir bóligine qatysty ekenin basa aıtty.

– Memleket basshysynyń Jań­­ǵyrtý kún tártibi – ekinshi res­pýblıkanyń qalyptasýy men damýyna der kezinde jasalǵan qadam. Negizgi Zańnyń novellalary onyń basym bóligine áser etedi. Túzetýlerge sáıkes Parlamenttiń róli kúsheıtiletinin, sondaı-aq basqarýdyń jańa júıesine naq­ty kóshý bekitiletinin atap ótý ma­ńyzdy. Kóptegen saıası sátte qa­zaqstandyqtar tikeleı qatysa alady, referendýmǵa daýys berý – sonyń dáleli, – dedi senator.

Aımaqqa jasaǵan sapary ­aıasynda depýtattar ınklıýzıvti bilim berý týraly zań jobasy­nyń oryndalý jáne júzege asy­rylý barysyna toqtaldy. Má­se­lege mańyz bergen senator Lázzat Qaltaeva Jańa Qazaqstan – elimizdiń barlyq turǵyny úshin teń múmkindikterge ıe ın­klıý­zıv­ti qoǵam ekenin atap ótti.

– Aldaǵy referendýmda bar­lyq qazaqstandyq óz­de­­ri­niń qa­tysýymen jańa Qazaq­stan­nyń bizdiń ómirimiz ben qoǵa­my­myzdyń aqıqatyna aınalýy úshin óz tańdaýyn jasaýǵa múmkindik alady, – deıdi depýtat Lázzat Qaltaeva.

Sondaı-aq Parlament Sena­tynyń depýtaty Jan­bolat Jórgenbaev Qarasaı aýdan­dyq aýrýhanasynyń qyzmet­ker­lerimen kezdesti. Ol júzdesý ba­rysynda Konstıtýsııaǵa engi­ziletin ári elimizdiń qazirgi kezdegi saıası júıesin ózgertýdi kózdeı­tin ózgerister men tolyqty­rý­lar týraly aıtty. Senator ­qo­­ǵamdyq-saıası saladaǵy ózge­ris­ter ekonomıkanyń damýy­na, halyqtyń turmysynyń jaqsa­rýyna da áser etetinin atap óte kele, aldaǵy referendýmnyń mańyzyna toqtalyp, búkil­ha­lyq­tyq referendýmǵa halyqtyń joǵary deńgeıde qatysatynyna senim bildirdi.

Al senator Sultan Dúısem­bınov Taldyqorǵan qalasynyń máslıhat depýtattarymen jáne mekeme basshylarymen kezdesti. Depýtat konstıtýsııalyq refor­manyń negizgi baǵyttaryna toq­talyp, azamattardyń kókeıkesti saýaldaryna jaýap berdi.

– Memleket basshysy ja­qynda ótken Qazaqstan halqy Assambleıasynyń kezekti ses­sııa­synda Negizgi Zańymyz – Kon­­stı­týsııaǵa engizilgen ózge­rister ­men tolyqtyrýlar jal­pyhalyq­tyq referendýmda qabyldana­ty­nyn aıtty. Al bul – elimiz­diń bola­shaǵyna alań­daýshy­lyq­tan jasalǵan qa­dam. Álemdik geosaıası jaǵdaı ýshy­ǵyp turǵan qazirgi kezeńde ult­tyq tutastyq, memlekettik bir­lik, ásirese hal­qymyzdyń qol­daýy aýadaı qajet. Sondyqtan Memleket basshysy osyndaı mańyzdy sheshimdi referen­dým arqyly qabyldaýdy usyn­dy, – dedi senator Sultan Dúısem­bınov.

 

Almaty oblysy

Sońǵy jańalyqtar

Suıytylǵan gaz baǵasy óspeıdi

Qoǵam • 01 Shilde, 2022

Uqsas jańalyqtar