Fransııadan da jeńildi

Chempıonattyń alǵashqy týrynda Danııadan iri eseppen (1:9) jeńilgennen keıin de ulttyq qu­ramanyń bas bapkeri Iýrıı Mı­haılıs Sved­berg – (Samat) Da­nııar, Shev­chenko – Shestakov – Akol­zın bestigine senim bil­dirip, alǵashqy mı­nýttan bas­tap mu­zaıdynǵa shy­ǵardy. Tek ekinshi bestiktegi shabýylshy Mıhaıl Rahmanovtyń ornyna tórtinshi bes­tiktiń oıynshysy Kırıll Pa­nıý­kovty shyǵarsa, qorǵaýshy Ádil Beketaev Egor Sha­lapovty aýys­tyrdy.

Dese de, kezdesýdiń bas­tapqy mınýttarynda qazaq­standyq hok­keıshiler belsendi oınap, birneshe qaýipti shabýyl uıym­dastyrdy. Nátıje de kóp kúttirgen joq. Oıyn­­­nyń altynshy mınýtynda Nıkıta Mıhaılıstiń oń qap­­tal­dan bergen shaıbasy qar­­sylas komandanyń úsh oıyn­shysynyń arasynan ótip, qorǵaýshy Valerıı Orehovtiń konkıine tıip, qaqpadan tabyldy. Alaıda Fransııa qu­ramasynyń bapkerleri bizdiń oıyn­shy shaıbany konkımen soqty dep tóreshilerge shaǵym tú­sirdi. Beı­neqaıtalaýdan keıin tóre­shi­ler shaıba oıyn ere­jesine saı soǵylǵanyna kóz jetkizip, Ore­hovtiń golyn esepke aldy.

Alǵashqy kezeń 1:0 esebimen Qazaqstan quramasynyń paı­­dasyna aıaqtalǵanymen, An­dreı Shýtov qy­raǵylyq ta­nytpaǵanda, birinshi 20 mınýt teń eseppen aıaqtalýy múm­­kin edi. Áıtkenmen, fran­sııa­­lyqtar birinshi kezeńde sala almaǵan shaıbasyn ekinshi kezeńde artyǵymen soqty. 32-mınýtta Alek­sandr Tekser mer­gendik tanytyp, tarazy basyn teńestirse, ekinshi ke­zeńniń aıaqtalýyna 25 sekýnd qalǵanda san basymdyǵyna ıe bolǵan «úsh jolaqty» eldiń hok­keıshileri qaqpamyzǵa ekin­shi shaıbasyn to­ǵytty. Gol­­dyń avtory – Florıan Shakıashvılı. Sheshýshi, sońǵy ke­zeńde Qazaqstan quramasy esepti teńestirýge qansha ty­rys­­­qanymen, olarynan esh nátıje shyǵara almady. Qory­tyndy esep – 1:2.

Osylaısha, alǵashqy týrda Slovakııadan (2:4) jeńilip, Qazaq­standy bir shaıba aıyr­masymen utqan Fransııa al­ǵashqy úsh upaıyna qol jet­kizip, «A» tobynyń týrnır kestesinde altynshy orynǵa kóterildi. Al qatarynan eki oıynda jeńilip, birde-bir upaı ala almaǵan jerlesterimiz sońǵy, segizinshi orynda tur. Je­tinshi oryndaǵy Ita­lııa qu­­ramasynyń enshisinde de upaı joq. Alaıda olar shaıba aıyrmashylyǵymen ǵana bizdiń aldymyzdy orap tur. Qazaqstan men Italııa arasyndaǵy toptyq ke­zeńniń sońǵy týryndaǵy oıyn eki quramanyń qaısysy elıtaly dıvızıonda qalatynyn, qaısysy birinshi dıvızonǵa tómendeıtinin anyqtap berýi yq­tımal. Munda da eger Ita­lııa men Qazaqstan qalǵan oıyndarynda upaı ala almasa.

«Búgin biz birinshi match­qa qara­ǵanda tártipti oıyn ót­kizdik. Birinshi ke­zeń biz úshin jaqsy bas­ta­lyp edi. Der kezinde qor­ǵa­nystan shabýylǵa shyǵyp, muzaıdynnyń bos ke­ńis­tik­terin tıimdi paıdalanyp jat­tyq. Hokkeıshiler de qar­­sylastyń oıynshylary­nan ashylyp, bir-bi­rin tú­si­nisip táýir oıyn kór­setti. О́ki­nishke qaraı, ekin­shi ke­zeńde basymdyqty qar­sy­­las­tarǵa berip qoıdyq. Úshin­­shi kezeńde kezdesýdiń baǵytyn ózgertýge tyrystyq. Kóp qy­sym jasadyq. Biraq ná­­tıje bol­­ǵan joq», dedi Iýrıı Mı­haılıs match­tan keıin.

Toptyq kezeńniń ekinshi týr oıyndarynan keıin «A» tobyn­da Shveısarııa men Kanada hok­keıshileri 6 upaımen týrnır kes­tesinde kósh bastady. Shveısarııa quramasy ekinshi týrda Danııany 6:0 esebimen jeńse, Kanada Italııany 6:1 esebimen utty. Alǵashqy týrda Kanadadan jeńilgen Germanııa bul týrda Slovakııadan 2:1 ese­bimen basym túsip, alǵashqy úsh upaıyna qol jetkizdi. Ekin­shi týrdan keıin úsh upaı oljalaǵan Danııa, Slovakııa, Germanııa jáne Fransııa qura­malary 3-6 oryndarǵa jaı­ǵasqan.

«B» tobynda da eki týrdan keıin jarys qojaıyny Fınlıandııa, son­daı-aq Che­hııany 3:5 esebimen utqan Shve­­sııa hokkeıshileri alty upaımen birinshi jáne ekinshi oryndardy bólisip tur. AQSh quramasy Aýstrııany overtaımda (3:2) jeńip, úshinshi ornyn saqtap qaldy. Býllıt serııasynda Ulybrıtanııadan aılasyn asyrǵan Norvegııa chem­pıo­nattaǵy birinshi jeńi­sine qol jet­kizdi. Eki upaı ol­jalaǵan nor­ve­gııalyqtar týrnır kestesinde al­tynshy orynǵa kóterildi. Birde-bir upaıy joq Latvııa ázirge sońǵy orynda tur.

Qazaqstan quramasy búgin toptyq kezeńdegi úshinshi týrda pleı-off kezeńine ótýge birden-bir úmitker Shveısarııa hokkeıshilerimen she­berlik baıqasady. Eki qurama eń keıinge ret 2016 jyly Reseıde ótken álem chempıonatynda kezdesip, jer­lesterimiz býllıt serııasynda 3:2 esebimen basym túsken bolatyn. Negizgi ýaqyttaǵy eki goldy da Roman Savchenko salǵan edi.