Aımaqtar • 17 Mamyr, 2022

Laı kóshkini baldyrǵan qyzdyń ómirin qıyp ketti

28 ret kórsetildi

Apattyń aıtyp kelmeıtini anyq. Kúni keshe Tekeli qalasynda laı kóshkini bolyp, tabıǵı jaǵdaıdyń sońy aýyr qazamen aıaqtaldy.

Jeksenbi kúni tús meze­tinde bol­ǵan laı kóshkini qalanyń Qonaev kó­shesindegi 5 úıdi birden basyp qalǵan. Bir úı tolyǵymen batpaq úıin­disiniń astynda qalyp, jermen jeksen boldy. О́kinishke qaraı, dál osy úıdegi 5 jasar baldyrǵan qyz qulaǵan úıdiń astynda qalyp, sheıit ketti.

Tótenshe oqıǵa týraly habar jetisi­men Tekelige Al­maty oblysy ákiminiń birinshi orynbasary Lázzat Turlashov bastaǵan top jedel jetti. Onyń je­tek­shiligimen oblystyq jedel shtab quryldy. Shtab ju­mysyna oblystyq tótenshe jaǵdaı departamentiniń bas­shylyǵy, oblys ákiminiń oryn­basary Batyrjan Baı­ju­manov jáne oblystyq po­lı­sııa departamentiniń qyz­metker­leri jumyldyryldy. Mamandar adamdardy qaýipsiz jerge kóshirip, iz-túzsiz jo­ǵalǵan balany izdeýge baryn saldy. Iz kesýge ıisshil ıt te qosyldy. Alaıda 6 saǵat boıy júrgen izdeý jumysynan soń 2016 jyly týǵan qyzdyń denesi tabyldy. Shetinegen baldyrǵandy kósh­kinnen qu­laǵan úı basyp qalǵan eken.

ak

– О́tken jeksenbi kúni tús kezinde Tekelide laı kóshkini boldy. 5 úı batpaq úıindisiniń astynda qalyp, sonyń ishin­de bir úı tolyǵymen qıraǵan. Osy úıdegi 5 jasar baldyrǵan iz-túz­siz joǵalyp, oqıǵa ornynda ýchaske­lerge bólinip, arnaıy mamandar men qut­qarýshylar jumys istedi. Izdeý ju­my­syna kınologııalyq qyzmetti ju­myl­dyrǵannan keıin úıindi arasynan qyzdyń denesi tabyldy. Qazir laı kóshkininen zardap shekken otbasylar ýa­qytsha mekenge ornalasty­ryldy jáne basqa da qajetti kómek kórsetilýde. Oqıǵanyń naqty sebepteri anyqtalyp jatyr. Sonyń nátıjesi bo­ıynsha tıisti sharalar qabyl­danatyn bolady, – dedi bizge oblys ákiminiń birinshi orynbasary, tótenshe jaǵdaı jó­nin­degi arnaıy shtab jetek­shisi Lázzat Turlashov.

 

Almaty oblysy

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Álemde altyn arzandady

Álem • Keshe

Uqsas jańalyqtar