Aımaqtar • 17 Mamyr, 2022

Kenshiler qalasyndaǵy kezdesý

29 ret kórsetildi

Parlament depýtattary Konstıtýsııaǵa ózgerister men tolyqtyrýlar engizý boıynsha ótetin jalpyhalyqtyq referendýmdy talqylaý úshin el ishinde júrgeni belgili. Jaqynda halyq qalaýlylarynyń bir toby Almaty oblysyndaǵy Tekeli qalasyna at basyn buryp, turǵyndarmen kezdesti.

Tekeli turǵyndarymen kez­desý­ge birinshi bolyp «Aq jol» par­tııasynyń tóraǵasy, Máji­lis depýtaty Azat Perýashev keldi. Qyzyqty kezdesý shaǵyn shahar­daǵy taý-ken baıytý kombınatynda ótti. Bul kásiporyn buǵan deıin jabylyp qalǵan qorǵasyn-myrysh zaýytynyń murageri sanatynda. Qaıtadan ashylǵan óndiris qazir jeti júzden astam adamdy jumyspen qamtyp otyr. Kásiporyn ujymy depýtatpen bolǵan kezdesýde Memleket basshysy Q.Toqaevtyń «Myqty pre­­zı­dent – Yqpaldy parlament – Esep beretin úkimet» for­mý­la­syndaǵy Parlament pen Úkimet arasyndaǵy qarym-qatynasyna qoldaý bildirip, júktelgen baǵ­dar­lamalardy oryndamaǵany úshin laýazymdy tulǵalardyń jaýap­kershiligin arttyrýdy kóz­deı­tin pármenderine rıza bol­dy. Al Konstıtýsııaǵa en­gizi­le­tin birqatar ózgeris, onyń ishinde, «Jer men jer qoı­naýy halyqtiki» dep jazylatyn jańa normaǵa sáıkes otandyq ónim óńdeýshilerdi qol­daý máse­­le­lerine erekshe qy­zy­ǵý­shy­lyq tany­tty. Sondaı-aq Tekeli tur­ǵyn­dary kenshiler men meta­l­­lýr­g­terdiń zeınet jasyn qaı­tarý­dy talap etken «Aq jol» partııasy­nyń bastamasyna erekshe alǵysyn bildirdi.

Jıynǵa kelgen kásipkerler tarapynan birqatar másele de kóterildi. Ásirese, temir jol tu­ıyq­taryn ýysynda ustap kelgen monopolısterdiń kesirinen týyndaǵan daý-damaıdyń zardaby áli joıylmapty. Osy máseleniń oń sheshilýine yqpal etken «Aq jol» partııasynyń kúshimen tasymal tarıfter­iniń quny 95 paıyzǵa deıin tómen­degen kórinedi. Búgin­de par­tııa osy temir jol tuıyq­tary­­nyń mem­leketke ǵana emes, jeke kásiporyndar sanatyndaǵy zań­dy ıelerine de qaıtarylýyna qatysty Úkimetke saýal joldap otyr. Bastamany kenshiler de, shaǵyn jáne orta bıznes ókil­deri de qoldady. Sondaı-aq qala­ny aýyz sýmen qamtamasyz etý, par­tııadan tys kandıdattarǵa más­lı­hattardyń kezekti saılaýy­na qatysý, jańa qoǵamdyq bir­­les­tikter qurý jáne ákimder­di saı­laýǵa tolyǵymen kóshý másele­leri boıynsha birqatar ótinish aıtyldy.

«Máslıhat saılaýyna qaty­sý máselesine qatysty Konstı­tý­sııaǵa engizilgen ózgerister­de ob­lystyq máslıhattarǵa saılaýdyń aralas, al qalalyq jáne aýdandyq máslıhattarǵa majorıtarlyq saılaý júıesi qarastyrylǵanyn tur­ǵyndarǵa aıttym. Sondyqtan mun­daı saılaýǵa partııa tiziminen bó­lek, jeke kandıdattar da qaty­sýǵa múmkindik alady. Jańa qo­ǵam­dyq birlestikterdi qurý máse­lesine keletin bolsaq, Ádilet mı­nıstr­ligi olardy tipti eki aza­­mat­tyń da tirkeý múmkindigi týra­ly norma daıyndap jatyr, sony­men qatar jańa saıası partııalardy tirkeýge qoıylatyn talaptar da aı­tar­lyqtaı jeńil­detildi. Ákim­der­di saılaýǵa qatys­ty reforma Pre­zıdent Q.Toqaevtyń alǵashqy ma­ńyzdy jańa­shyl­dyqtarynyń biri bol­ǵanyn, ótken jyldyń shil­de aıynan beri júzdegen aýyl jáne aýdandyq mańyzy bar qala ákimderi saı­lan­ǵanyn, onyń ishinde «Aq joldan» da úmit­ker­ler ótkenin atap óttim», deıdi «Aq jol» partııasynyń tór­aǵa­­sy, Májilis depýtaty Azat Perýashev.

Sonymen qatar Tekeli qalasy­na Qazaqstan halyq partııasynyń músheleri Erlan Smaılov, Ǵazız Qulahmetov jáne Aıjan Sqaqova keldi. Turǵyndarmen kezdesken depýtattar aldaǵy kúnderi ótetin referendýmnyń mazmunyn, oǵan engiziletin ózgerister týraly baıan­­dady. Atap aıtqanda, Tekelini jylý­men qamtamasyz etip otyr­ǵan JEO-1 seriktestiginiń ujy­mynda 5 maýsymda ótetin jalpy­halyqtyq referendýmǵa qatysty túsindirý jumystaryn júrgizdi. Referendým halyqqa qoǵamdyq-saıası ómirge belsendi aralasýǵa múmkindik beretinin jáne ár adam­nyń osy naýqanǵa qatysýy ma­ńyzdy ekenin aıtty.

«Referendýmnyń mańyzdy­ly­ǵyn eńbek adamy eki bastan uǵy­nady. Saparymnan baıqaǵanym, óz betimen qońyr tirlik keship, qaladan qashyq ornalasqan eldi mekender­diń halqy ózara tatý, kópshil. Basty talaby – beıbit zaman men halyqtyń birligi», deıdi, Májilis depýtaty, Qazaqstan halyq partııasynyń múshesi Ǵazız Qulahmetov.

 

Almaty oblysy

Sońǵy jańalyqtar

6 shildege arnalǵan aýa raıy boljamy

Aýa raıy • Búgin, 09:43

Shabyt shaqyratyn shahar

Elorda • Búgin, 08:23

Aqjaınaq astana

Elorda • Búgin, 08:22

Ozyq óndiris ornynda boldy

Aımaqtar • Búgin, 08:20

Ult saýlyǵyn ulyqtaǵan megapolıs

Elorda • Búgin, 08:18

Baǵdaryń qalaı, bas qala?

Elorda • Búgin, 08:17

«Astana Operamen» dos bolaıyq

Teatr • Búgin, 08:15

Dımash pen Djekson

О́ner • Búgin, 08:10

Utqanymyz shamaly bolyp tur

Qoǵam • Búgin, 08:05

Irikteýdiń ekinshi kezeńine ótti

Sport • Búgin, 08:02

Egizder festıvali

Qoǵam • Búgin, 08:00

Elordanyń damý dańǵyly

Elorda • Keshe

«Nur-Sultan kitaphanasy»

Elorda • Keshe

Qattalǵan tarıh qazynasy

Elorda • Keshe

Ahańnyń adaldyǵy

Ahmet Baıtursynuly • Keshe

Qaraly kezeń kartınasy

Qazaqstan • Keshe

Parıjge syımaǵan Pol

О́ner • Keshe

Qarttar úıindegi vals

Qoǵam • Keshe

Uqsas jańalyqtar