Qoǵam • 17 Mamyr, 2022

Salǵyrttyq tanytpaýǵa shaqyrady

30 ret kórsetildi

Prezıdent janyndaǵy ortalyq kommýnıkasııalar qyzmetinde «Sýǵa shomylý maýsymy. Azamattardyń qaýipsizdigi» taqyrybynda baspasóz máslıhaty ótti.

Jıynǵa Tótenshe jaǵdaılar mı­nıstrligi Azamattyq qorǵa­nys jáne áskerı bólimder ko­mı­te­tiniń tóraǵasy Baýyrjan Syzdyqov qatysty.

Qazir elimizdiń sý aıdyndarynda qaýipsizdikti qamtamasyz etý maqsatynda TJM mem­le­kettik organdarmen jáne ákim­dik­termen birlesip, aldaǵy shomylý maýsymynda sý aıdyndarynda tótenshe jaǵdaılardyń týyndaý qaýpin azaıtý boıynsha aldyn ala jumys bastalyp, keshendi uıymdastyrýshylyq jáne praktıkalyq is-sharalar ótki­zilýde.

«Búgingi tańda elimizde sho­my­lýǵa ruqsat etilgen 490 oryn anyq­taldy, onyń ishinde 187 kommýnaldyq jáne 287 jeke jaǵajaı. 16 oryn boıynsha naq­ty ıelerin bekitý jumystary júrgizilýde. Qazaqstanda azamattar shomylý jáne demalý úshin paıdalanatyn 50 myń­nan astam sý aıdyny bar. TJM qutqarý bólimsheleri táýlik boıy 490-nan astam qut­­qarýshy qyzmet atqaratyn aza­­mattar paıdalanatyn sý aı­­dyndarynyń 125 ýchaskesin baqylaıdy. Aǵymdaǵy jyly mınıstrliktiń 45 mobıldi qut­qarý beketi qoıylady. Bu­­dan basqa, ákimdiktermen jáne sý mańyndaǵy demalys oryn­darynyń ıelerimen bir­le­sip mınıs­trliktiń jedel-qut­­qarý ja­saqtarynda daıar­lyq­­­tan ót­ken­ qoǵamdyq qutqa­rýshylar ese­­­binen 316 obek­tilik qutqarý beketteri jab­dyq­ta­lady. Al­dyn alý jumys­tary aıasynda elimizdiń sý aıdyndarynda 7 adam, onyń ishinde 2 bala qutqaryldy. Búginde, ókinishke qaraı, sýdaǵy qaýipsizdik ereje­le­rin saqtamaý saldarynan adam­dar­dyń qaza bolý faktileri tir­kel­di, 25 adam, onyń ishinde 3 bala sýǵa batyp ketti», dedi ol.

Kommýnaldyq jáne jeke jaǵa­jaılarda zardap shekkenderge alǵashqy medısınalyq kómek kórsetý úshin 104 medısınalyq pýnkt jumys isteýge daıyn­da­lýda. Kommýnaldyq jaǵa­jaı­larda qaýipsiz balalar jaǵa­jaılaryn daıyndaý aıaq­ta­lýda, onda qutqarýshylar bala­larǵa júzý daǵdylaryn úıre­te­di. Res­pýb­lıkada barlyǵy 265 sta­sıo­narlyq basseın, 146 qań­qa­ly-modýldik basseın bar.

«Jyl basynan beri atalǵan basseınderde 26 myńnan astam bala júzýge úıretilgen. «2gis» kartografııalyq platformasynda elimizdiń barlyq óńirinde sý aıdyndarynda shomylýǵa ty­ıym salynǵan (4 994) jáne ruqsat etilgen (490) oryndar týra­ly derekter ornalastyrylǵan. Son­daı-aq sýda adamdardyń qaza bolýyna jol bermeýdiń ma­­ńyzdy tásili – sýda tyıym sa­lynǵan demalys oryndaryn­da TJM jáne IIM, JAO ókilderimen jáne volonterlermen birlesken reıdter jáne patrýldeý júrgizý. Qazirdiń ózinde 17 myńnan astam patrýlder men reıdter júrgizildi. Olarǵa 37 myńǵa jýyq adam tartyldy, onyń nátıjeleri boıynsha 118 quqyq buzýshy ákimshilik jaýapkershilikke tartyldy», dedi B.Syzdyqov.

Sýdaǵy tótenshe jaǵ­daı­lar­dyń sanyn azaıtý jónindegi is-sharalar keshenin júrgizý el basshylyǵynyń, Úkimettiń, TJM-niń jáne basqa da múddeli mem­lekettik organdardyń tu­raq­ty baqylaýynda. TJM aza­mattarǵa sýdaǵy qara­paıym qaýipsiz júris-turys qaǵı­da­la­ryn saqtaýǵa shaqyrady.

Sońǵy jańalyqtar

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar