Qazaqstan • 18 Mamyr, 2022

Kásiporyn qyzmetkerlerimen kezdesti

23 ret kórsetildi

Almaty oblysynyń Qapal-Arasan aýylyndaǵy Barlybek Syrttanuly atyndaǵy mektepte saıası qaıratker, qazaqtyń alǵashqy Konstıtýsııa jobasynyń avtory, zańger, pýblısıst, shyǵystanýshy Barlybek Syrttanulynyń músini saltanatty túrde ashyldy.

«Aq jol» partııasynyń demeýshiligimen boı kótergen músinniń ashylý saltanatyna Parlament Májilisiniń depýtaty, «Aq jol» Qazaqstannyń demokratııalyq partııasy» qoǵamdyq birlestiginiń tór­aǵasy Azat Perýashev qatysty. Sondaı-aq saltanatty is-sha­raǵa partııanyń Almaty ob­lysy jáne Almaty qalalyq fılıal­­darynyń basshylary, Aqsý aýdanynyń belgili qoǵam qaı­ratkerleri, ardager­leri men aýyl azamattary qa­­tysty. Jıyn barysynda Azat Pe­rýashev jergilikti halyq­­pen kezdesip, basqosý bary-
synda konstıtýsııalyq refor­manyń ózektiligin talqy­lady. Jıynda sóz alǵan aýyl aqsa­qal­dary elimizdiń Negizgi Zańyna engiziletin ózgeristerdiń mańyz­dylyǵyn aıtyp, konstı­týsııalyq reformany tolyq qoldaıtyndaryn jetkizdi.

Keıinnen A.Perýashev bastaǵan «Aq jol» partııasynyń músheleri «Qaınar» JShS-niń Taldyqorǵandaǵy qorǵasyn batareıalary zaýytynda boldy. Zaýyt elektrotehnıka salasynda da, Jetisý óńirinde de eń tabys­ty kásiporyndardyń biri bolyp sanalady. Zaýyttyń ınjenerlik-tehnıkalyq qyzmetkerlermen áńgimelesken aqjoldyqtar olardyń konstıtýsııalyq reformaǵa degen kózqarasymen tanysyp, ujymnyń ótken jyldary partııanyń aldyna qoıǵan keıbir máselelerine toqtaldy. Áriptester ekonomıkalyq jáne saıası jaǵdaıǵa qatysty oı-pikirlerimen bólisti. Sondaı-aq, jıynda zaýytta uzaq jyl boıy qajyrly eńbek etken jumysshylarǵa «Eńbegim elime» atty tósbelgi tabystaldy.

Jınalǵan qaýym Taldy­qorǵan­daǵy qańtar oqıǵasyna da ótkir baǵa berdi. Eldegi saıası jań­ǵyrý aıasynda kásiporyn qyzmetkerleri memlekettik júıege túbegeıli ózgerister engizý qajettiligine esh kúmán­dan­baıdy. Olar Konstıtýsııany reformalaý osyndaı ózgeristerge baǵyttalǵan sheshýshi qadam retinde qabyldaıdy.

Sońǵy jańalyqtar

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar