Ekologııa • 18 Mamyr, 2022

Ań patshasy kóbeıdi

32 ret kórsetildi

Kenshiler astanasyndaǵy haıýanattar baǵynda ań patshasy arystannyń eki kúshigi dúnıege keldi. Abdandardyń ekeýi de erkek eken. Búgingi kúnde týǵanyna bir aı bolǵan olardyń árqaısysynyń salmaǵy jeti kıloǵa jetken.

Haıýanattar baǵynyń dırektory Gúlnár Adambekova egiz kúshikterdiń ákesi buryn sırkte óner kórsetken «Roman» dep atalatyn arystan kórinedi. Al enesi buryn Almatydan ákelingen «Maııa» atty qanshyr eken.

Kúshikterdiń ekeýi de erkek bolǵan soń, onyń bireýi urǵashysyna aıyrbastalýy múmkin. Qazirgi ýaqytta elimizdegi basqa da haıýanattar baqtarymen osy másele boıynsha kelissózder júrgizilip jatqan kórinedi.

Gúlnár Adambekova bıyl haıýanattar baǵynda tóldiń kúrt kóbeıgenin aıtady. Mysaly, qystan beri munda 30-ǵa jýyq ań tóli dúnıege kelipti. Olardyń arasynda bóltirikter, laqtar, bota da bar eken.

Odan bólek, bıyl segiz jyldan beri kóbeımegen aıýlardyń juby ómirge úsh birdeı qonjyqty ákelipti.

Mamandar mundaı jaǵymdy jańalyqty haıýanattar baǵyndaǵy oń ózgeristerdiń jemisi ekenin aıtady. Mysaly, munda volerler keńeıtilgen, ańdarǵa beriletin tamaq ta jaqsara túsken. Sosyn, ańdardyń juptaryn tańdaý jumystary da durys jolǵa qoıylǵan kórinedi.

 

QARAǴANDY

Sońǵy jańalyqtar

Dollar arzandady

Qarjy • Keshe

Uqsas jańalyqtar