Aımaqtar • 23 Mamyr, 2022

О́nerpaz órender tánti etti

21 ret kórsetildi

Memleket basshysy Qasym-Jomart Toqaev bıylǵy jyldy «Balalar jyly» dep jarııala­ǵan bolatyn. Prezıdenttiń tapsyrmasyna sáıkes elimizdiń ár óńirinde ıgilikti is-sharalar uıym­dastyrylyp, óskeleń urpaqqa tıisti qoldaý kórsetilýde.

«Balalar jyly» aıasynda Baızaq aýdanynyń ortalyǵy Sarykemer aýylyn­daǵy Kenen Ázirbaev atyndaǵy balalar saz mektebinde «Otbasy kúnine» oraı merekelik kesh ótti. Atalǵan óner mekemesiniń ujymy men shákirtteri kesh kórigin qyzdyryp, óner kórsetti.

Konserttiń ashylý saltanatynda áýeli saz mektebiniń muǵalimderi men túlekterinen quralǵan ansambl Seıdolla Báıterekovtiń «Kishkentaı» kúıin oryndady. Al dástúrli án syny­bynyń ustazy Gúlnaz Álimqulova oqýshysy Elızat Anýarbekpen birge kópshilikke qazaqtyń dástúrli ánderi­niń qorynan popýrrı tartý etti. Budan keıin pıanıster «Alǵashqy kóktem» shyǵarmasyn kópshilik nazaryna usyn­dy. Kesh barysynda bes birdeı aspapty sheber meńgergen balǵyndar da sahnada óner kórsetip, kópshilikti tánti etti. Konsert sońynda Aldııar Ábdi­jalıl «Maqtanyshym – Otanym» ánin naqyshyna keltire shyrqap, kórer­men­niń yqylasyna bólendi.

Kenen Ázirbaev atyndaǵy atalǵan balalar saz mektebi 1973 jyly ashyl­ǵan. Jarty ǵasyrǵa jýyq tarıhy bar óner shańyraǵy sodan beri talaı belesti baǵyndyryp keledi. Osy ýaqyt aralyǵynda bilim oshaǵynan túlep ushqan saz óneriniń sheberleri búgingi tańda kópshilikti talantymen tánti etip keledi. Bilikti mamandardyń tárbıesin kórgen balalar respýblıkalyq jáne oblystyq túrli baıqaýda top jaryp júr.

 

Jambyl oblysy

Sońǵy jańalyqtar

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Uqsas jańalyqtar