Sport • 23 Mamyr, 2022

Jan Joandy jeńdi

25 ret kórsetildi

Asa aýyr salmaqta kúsh synasyp júrgen 33 jastaǵy qazaqstandyq kásipqoı boksshy Jan Kosobýskıı óziniń kezekti jekpe-jeginde aıqyn jeńiske qol jetkizdi.

Germanııanyń Gambýrg qalasynda jerle­simiz Joan Dıýopamen judyryqtasty. 41 jastaǵy Fransııa ókiliniń kásipqoılar arasynda óner kórsetip júrgenine 18 jyldan asty. Sol aralyqta 45 kezdesý ótkizip, 39 ret basymdyq tanytty. 26 qarsylasyn esinen tandyrdy. Osydan jeti jyl buryn Dıýopa amerıkalyq Deonteı Ýaıldermen álem chempıony ataǵy úshin talasyp, 11 raýndta tehnıkalyq nokaýtpen utyldy. Odan bólek ol Aleksandr Povetkın, Djarell Mıller, Tonı Ioka, Manýel Charr jáne taǵy basqa ataqtary alysqa jaıylǵan alyptarmen aıqasqan. Biraq shaý tartyp qalǵan Joan bizdiń Janǵa laıyqty qarsylyq kórsete almady. 10 raýndqa eseptelgen básekeniń besinshi raýndy aıaqtalǵannan keıin fransýz jekpe-jekti jalǵastyrýdan bas tartty. Tehnıkalyq nokaýt!

Osy jeńisiniń arqasynda Jan Kosobýskıı WBC International nusqasy boıynsha chempıon­dyq belbeýdi ıelendi. Kásipqoı rıngte 18 kezdesý ótkizgen ol barlyǵynda jeńiske jetip, 17 qarsylasyn nokaýtqa jiberdi.

Sońǵy jańalyqtar

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Uqsas jańalyqtar