Aımaqtar • 23 Mamyr, 2022

Kúre joldaǵy kópirdi sý shaıyp ketti

45 ret kórsetildi

Jetisýda jaýyn-shashyn jıilep tur. Sonyń saldarynan saı-salaǵa sý tolyp, tasqyn kóbeıdi. Biraz kún buryn Tekeli qalasynda tolassyz jaýǵan jańbyrdan keıin laı kóship, birneshe úıdi basyp qalǵan bolatyn. О́kinishtisi, osy oqıǵa kezinde 5 jastaǵy baldyrǵan qyz úıindiniń astynda qalyp, qaza bolǵan edi. Al kúni keshe shelektep tókken jaýynnan keıin Taldyqorǵan-Úsharal tas jolynyń biraz bóligin sý shaıyp ketti.

Oqıǵa Sarqan aýdanyna jetpeı, Aqsý aýdanyndaǵy Jan­súgirov aýylynan keıingi Eńbek aýylynyń mańynda bolǵan. Bul jaıynda Aqsý aýdany áki­miniń baspasóz qyzmeti «22 mamyr kúni saǵat 16.45 shamasyn­da ákimdiktiń kezekshisine resmı habarlama kelip tústi. Onda Al­maty-О́skemen respýblıkalyq mańyzy bar jolynyń 395-sha­qyrymyndaǵy Eńbek aýylynyń tusynda qalyń jaýyn-shashyn sýy kópirdi shaıyp ketkeni aı­tyl­ǵan. Qubyr tárizdi kópirdiń dıametri – 3,5 m, tereńdigi 3 metr bolǵan. Tasqynnan keıin kúre jol ekige jarylyp, júriske qaýip tóndirgen eken. Adam shy­ǵyny joq jáne kólikterge de zaqym kelmegen. Oqıǵa ornyna kúzet beketi qoıylyp, polısııa qyzmeti jolǵa shyqqan kólikterdi Mataı-Lepsi aýyldary arqyly ótetin aınalma jolǵa baǵyttap jatyr», dep habarlady. Qazir tótenshe jaǵdaı bolǵan jol bóliginde qalypqa keltirý jumysy qyzý jalǵasýda. Osy kúre joldyń qurylysyn júrgizip jatqan CITIC Construction kompa­nııasynyń ar­naıy brıgadasy kólik ótýge arnal­ǵan ýaqytsha ótkeldi salyp, aıaqtap qalǵan. Al búlingen ne­gizgi jol men sý shaıyp ketken kópirge qatysty qurylysqa tapsyrys berýshi «QazAvtoJol» ulttyq kompanııasy qyzmettik tekserýdi bastapty.

– «QazAvtoJol» ulttyq kom­panııasy Almaty-О́skemen baǵy­tyndaǵy qubyrly ótkeldi shaıyp ketý oqıǵasynyń mán-jaıyn egjeı-tegjeıli anyqtaý úshin qyzmettik tekserýdi bas­tady. Belgili bolǵandaı, keń arnaǵa eń tómengi dıametri bar sýótkizgish qubyr jobalanǵan. Budan ary tıisti talapty buzý anyqtalǵan jaǵdaıda kináli aza­mattar zańnamaǵa sáıkes ja­ýapkershilikke tartylady. Atal­ǵan ýchaskeniń qurylysy men jo­balaýǵa kelisimshart 2017 jyly jasalǵan. Dıametri 1,5 metr bola­tyn qubyr qurylysynyń teh­nıkalyq sheshimin Almaty qala­syndaǵy «Kazdorproekt» JShS ázirlegen, al joba «QazAvtoJol» kompanııasynyń Qurylys jónindegi dıreksııasy fılıaly, «GK Injınırıng» JShS tehnıkalyq qadaǵalaý qyzmeti jáne CITIC Construction usynǵan merdigerler  tarapy­nan kelisilgen. Sondaı-aq osyn­daı jaǵdaıdyń aldyn alý maq­satynda respýblıkalyq ma­ńy­zy bar joldardyń bar­lyq ýchaskelerindegi qalǵan qu­byr­lar men mal ótkelderine tek­seris júrgizilýde, – deıdi «QazAvtoJol» ulttyq kompanııa­sy resmı ókili taratqan aqparat.

r

Al biz joldaǵy jaǵdaıdy bilý úshin Aqsý aýdany ákim­digine habarlasqan bolatynbyz. «Keshe respýblıkalyq ma­ńyzy bar Almaty-О́skemen tas jo­lynyń 393-395 shaqyrymyn qatty jaýǵan jaýyn sýy shaıyp ketti. Apat bolǵan jerde 4 júk kóligi turyp qaldy. Kólik júr­gizýshilerimen baılanys ornatyp, olar azyq-túlik, basqa da qajetti zattarmen qamtamasyz etildi. Oqıǵa ornynda tıisti mamandar jumys istep jatyr. Apattyń saldaryn joıýǵa tehnıkalar men jumysshylar jumyldyrylǵan. Jóndeý-qalpyna keltirý jumys­taryna 16 arnaıy tehnıka men 20-ǵa jýyq adam tartyldy. Aýmaq­taǵy jol qozǵalysy toq­taǵan. Kólikter Mataı-Lepsi aýyl­­dary arqyly ótetin aınalma jolmen júrip jatyr», deıdi aýdan ákimi Esim Bazarhanov.

Jeksenbide jaýǵan jańbyr oblystyń Kerbulaq aýdany tur­ǵyndaryn da biraz ábigerge saldy. Tópep jaýǵan jaýyn sýy Qoǵaly aýylyndaǵy Panfılov, Jandosov jáne Tobaıaqov kó­shelerin kólge aınaldyryp, tur­ǵyn úılerge sý kirý qaýpi tóngen. Sondaı-aq osy aýdandaǵy Baı­ǵazy ózeni jańbyrdan keıin tasyp, kóterilgen sý aýyldaǵy bir­neshe úıdiń baý-baqshasyn basyp qalǵan. Aýyldarǵa aýdandyq tótenshe jaǵdaı jónindegi bó­liminiń qyzmetkerleri kelip, tas­qyndy baqylaýǵa alǵan kó­rinedi. Adamdarǵa qater tóngen joq. Ázirge qıraǵan úı men bas­qa da zaqymdanǵan zattar anyq­talmady.

 

Almaty oblysy

Sońǵy jańalyqtar

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Uqsas jańalyqtar