Túrkistanǵa kelýshiler kóbeıdi

Oblystyq týrızm basqar­masy­nyń basshysy G.Aqber­dıe­­vanyń aıtýynsha, 4 aıdyń qo­ry­tyndysy boıynsha «Áziret Sultanǵa» 180 myńǵa jýyq adam kelgen. Osy arqyly óńirdegi sanatorılerge kelýshiler de kó­beıdi. Merekelik is-sharalardy uıymdastyrý jáne qyzmet kórsetý sapasyn jaqsartý esebinen «Ke­rýen saraıǵa» keletin týrıs­ter men qonaqtar aǵyny artty. Me­reke kúnderi qonaqúılerdiń nómirlik qory tolyqtaı satyldy, naýryz jáne sáýir aılarynda qonaqúılerdiń ortasha júktemesi 41%-ǵa jetti, respýblıka boıynsha ortasha jyldyq júkteme – 20%. Týrıstik sala kásipkerlerimen baılanys nyǵaıyp, týrıstik nysandardy áleýmettik jelilerde nasıhattaý kúsheıgen. Almaty oblysynyń «Lımon» týrıstik operatory bir-eki kúndik shyǵý týryn uıymdastyrady, aptasyna eki ret 50 adamnan keledi. «Vızıt Túrkistan» týroperatory naýryz jáne sáýir aılarynda qala boıyn­sha 300-den astam ekskýrsııa ótkizgen. Jalpy, oblysta týrızm salasyndaǵy kórsetkishter aıtarlyqtaı ósti. Shekteýler men karantındik sharalarǵa qara­mas­tan, byltyr týrızm salasynda kór­setilgen qyzmetter kólemi 3.85 mlrd teńge boldy jáne 2019 jylmen salystyrǵanda 209%-ǵa ósken. Byltyr óńirdiń týrızm salasyna 102 mlrd teńge ınvestısııa tartylǵan. Bul kórsetkish boıynsha oblys el kóleminde aldyńǵy qatarda.

Basqarma basshysy Túrkistan oblysyn damytýdyń keshendi josparyna sáıkes óńirde ishki jáne syrtqy týrızmdi damytý, ke­lýshiler men týrıster sanyn art­tyrý, salaǵa ınvestısııa tartý jáne ózge de mindetter júktel­genin aıtady. Oryndalýǵa tıis mindetter men tapsyrmalar jáne josparlar da az emes. Oblys ákimi О́mirzaq Shókeevtiń tapsyrmasyna sáıkes Túrkistanda mereke kún­deri «Kerýen saraıda» ataýly is-sharalar uıymdastyrylyp, elimiz ben sheteldiń tanymal ánshileri óner kórsetip keledi. Jyl sońyna deıin ánshiler men juldyzdy top­tardyń qatysýymen 17 is-sha­ra uıymdastyrylmaq. Úkimet bekitken «Halyqtyń tabysyn 2025 jylǵa deıin arttyrý jónindegi keshendi josparǵa» sáıkes «Kazakh Tourism» Ulttyq kompanııasy» AQ tarapynan 25 is-sharany ótkizý josparlanýda. Qazirgi ýaqytta týrızm basqarmasy «Kazakh Tourism» Ulttyq kompanııasy» AQ-y jáne «Kerýen saraımen» is-sharalar tizbesin pysyqtaýda. Is-sharalar tamyz aıynda bastalady degen jospar bar. Bıyl basqarma tarapynan óńirdiń týrızm salasyn ilgeriletýge baǵyttalǵan Karavan Statue Street Art músin­der festıvali, Taiqazan gas­tro­festıvali, «Batyr Batls» fes­tıvali sekildi jobalardy júzege asyrý josparlanýda.

Túrkistanda qurylysy júrip jatqan «Túrkistan» týrıstik-re­krea­sııalyq ortalyǵynyń ja­ǵajaı týrızmin damytýǵa serpin bereri anyq. Atalǵan ortalyqta demalýǵa, shomylýǵa, sý sporty túrlerimen aınalysýǵa múmkindik jasalady. Jalpy aýdany 85 gektar jerde ornalasatyn erekshe keshenniń qurylysy úsh kezeńge jalǵasady. Jasandy kóldiń sy­ıym­dylyǵy – 2,5 mln tekshe metrge jýyq. Nysannyń jer ju­mystary tolyq aıaqtalǵan. Kók­temgi sýdy qabyldaıtyn, sý jiberetin kanaldar da daıyn. Jaǵajaıda emdik qasıetke ıe shaǵyl qum tóselip, aǵash otyr­ǵyzylyp, balalar demalys aýma­ǵy, elıtalyq kottedjder men qonaq­úıler, akvapark salynady. Al qurylysy júrip jatqan eskek esý bazasyna synaqtan ót­kizý úshin sý jiberile bastady. Osy arqyly mamandar kanaldy tolyq saraptap, kem-ketikteri bolsa, tolyqtyrady. Betkeıleriniń betondaý jumystary da aıaqtalyp keledi. Arnaıy qubyrlary men aryqtary ornatyldy. Sý keletin kanaldar daıyn. Qazir 250 myń tekshe metr sý jınalǵan, nysan sý qabyldaýǵa daıyn.

Sondaı-aq qala qonaqtary men týrısterdiń demalýyna jaıly da, qolaıly jaǵdaı jasaý maqsatynda oblys ortalyǵynda kógaldandyrý jumystary qurylyspen qatar júr­gizilýde. Qaladaǵy saıabaqtar men gúlzarlar aýmaǵy 500 gektarǵa jetedi. Aǵash pen butalar sany 1 mln-nan asady. Kógal aýma­ǵy – 3 mln sharshy metr. 70 myń shar­shy metr jerge gúl egilgen. Túrkistan qalasynyń ákimi Nur­bol Turashbekovtiń baıandaýyn­sha, bıyl qala aýmaǵynda 250 myń aǵash kósheti men 128 gektar kógal egiletin bolady. Túrkis­tan­­dy kórkeıtip, abattandyrý aıa­synda qala sektorlarǵa bólin­gen. Ár sektorǵa aýdan, qala ákim­dikteri men basqarma basshy­lary tikeleı jaýapty. Iаǵnı Túr­kis­tan oblysynyń barlyq aýdan, qala­lary birigip, kıeli qala aýma­ǵyn kórkeıtýde. Kóktemde 100 myń­nan astam túp kóshet otyr­ǵy­zylyp, 130 myń sharshy metr aýmaq kógaldandyryldy.

Túrkistan oblysy