Kásipqoı boks • 26 Mamyr, 2022

Golovkın-Alvares: Trılogııa qyrkúıekte ótedi

9 ret kórsetildi

Orta salmaqtaǵy IBF jáne IBO nusqalary boıynsha álem chempıony Gennadıı Golovkın (42-1-1, 37 KO) men sýper orta salmaqta álemniń absolıýtti chempıony meksıkalyq Saýl «Kanelo» Alvares (57-2-2, 39 KO) qyrkúıek aıynda úshinshi jekpe-jekterin ótkizetin boldy. Bul týraly alyptar aıqasyn tikeleı efırde kórsetetin DAZN strımıng platformasy men boksshylardyń ózderi áleýmettik jelidegi paraqshalarynda resmı túrde málimdedi.

Qazirgi ýaqytta jekpe-jek­tiń naqty qaı elde jáne qaı qalada ótetini belgisiz, degen­men birinshi jáne ekinshi jekpe-jekter AQSh-tyń Las-Vegas qalasyndaǵy T-Mobile arenasynda uıymdastyrylǵan bolatyn. Boks mamandarynyń boljamynsha, úshinshi aıqas ta dál osy Nevada shtatynda ótkizilýi múmkin. Ázirge barsha álem jankúıeri kóz tikken boks keshi AQSh pen Kanadada DAZN PPV júıesi arqyly aqyly túrde kórsetiletini bel­­gili boldy. Sonymen qatar álem­niń basqa memleketteri DAZN platformasy arqyly tamashalaı alady.

«Men jyldyń ekinshi jartysynda da jankúıerlerime ózimniń eń úzdik jekpe-je­gimdi kórsetetinime óte qýanysh­tymyn. Bul aıqasta aldyńǵy eki jekpe-jektegideı eshqandaı erekshelik bolmaıdy», dedi Kanelo áleýmettik jelidegi paraqshasynda. Al otandasymyz jankúıerlerin 17 qyrkúıektegi aıqasqa shaqyrdy. «Men bar­shańyzdy 17 qyrkúıektegi jekpe-jekte kútemin», dedi Go­lov­kın.

Eske sala keteıik, 2017 jyl­­­dyń qyrkúıeginde ótken al­ǵashqy básekede Alvares pen Golovkınniń kúshteri teń tússe, 2018 jyldyń ma­my­­­ryn­daǵy qarymta jekpe-jekte meksıkalyq boks­shy tóre­shi­lerdiń sheshimimen je­ńiske jetken bolatyn.

2022 jyldyń jartyjyl­dyǵynda eki boksshy da bir-bir jekpe-jek ótkizdi: Otan­dasymyz Gennadıı Golov­kın sáýir aıynda Japonııada Rıo­ta Mýratany jeńse, «Ka­nelo» mamyr aıynda Dmıtrıı Bıvoldan upaı sany boıynsha jeńilip qalǵan-dy. Degenmen meksıkalyq boksshy sýper orta sanattaǵy absolıýtti chempıon ataǵyn saqtap qaldy (76,2 kg-ǵa deıin), sebebi bul jekpe-jekte ol bir salmaq joǵary kó­terilgen bolatyn.

Aıta keteıik, Alvares pen Golovkınniń úshinshi jekpe-jegi sýper orta salmaqta, ıaǵnı 76,2 kıloǵa deıingi salmaq dáre­je­sinde ótedi. Buǵan deıin­gi eki kezdesýde boksshylar orta sal­maqta (72,6 kg) ju­dyryq­tasqan bolatyn.

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Uqsas jańalyqtar