Nura aýdanynda uıymdastyrylǵan «Tazy jarysy» saıysynda Qaraǵandy jáne Aqmola oblystarynan kelip qatysqan 50-den astam tazy baq synady. Jelden júırik qumaı tazylar jas shamasyna qaraı bir jáne bir jarym shaqyrym qashyqtyqqa júgirdi.
Kúshik tazylardyń jarysynda Aqmola oblysynan qosylǵan «Jular» atty tazy top jardy. Nura aýdanyndaǵy Kertindi aýylynyń «Úsh aq» atty tazysy máre syzyǵyn ekinshi bolyp qısa, osy aýdandaǵy Egindi aýylynyń «Alaý» degen kúshik tazysy qola júldeni qanaǵat etti.
Al eresek tazylardyń jarysynda Qaraǵandydan kelgen «Syldyr» atty tazyǵa teń keler júırik bolmady. Ekinshi bolyp Aqmola oblysynyń «Basar» degen ataqty tazysy júldege ilikse, Osakarov aýdanynyń namysyn qorǵaǵan «Aqqum» atty tazy qola júldeni mise tutty.
Týrnırdiń bas tóreshisi Tólegen Ábdikeshev jarys jolyna bes tazydan shyǵyp, ár toptaǵy jeńimpazdardyń fınalǵa ótip, sonan keıin baryp ózara kim júırikti anyqtaǵanyn aıtady.
Taza qandy qazaqy tazylardyń jarysynda top jaryp, júldeger atanǵan qumaılardyń ıelerin Nura aýdandyq dene shynyqtyrý jáne sport bólimi kýbok-medaldarymen jáne demeýshiler tarapynan berilgen aqshalaı syılyqtarmen marapattady.
Qaraǵandy oblysy,
Nura aýdany
Jetisý oblysynda jylý qazandyǵy jarylyp, jumysshy kóz jumdy
Aımaqtar • Búgin, 14:00
Aımaqtar • Búgin, 13:30
Elimizde 12 ońaltý ortalyǵy salynady
Úkimet • Búgin, 13:02
Bıbisara Asaýbaeva Úndistanda tórtinshi ret jeńiske jetti
Shahmat • Búgin, 12:14
Koronavırýsqa shaldyqqan 2 adamnyń jaǵdaıy aýyr
Koronavırýs • Búgin, 11:54
Shveısarııada eki poıyzdyń vagondary relsten shyǵyp ketken
Álem • Búgin, 11:40
Uqsas jańalyqtar
