Aımaqtar • 14 Maýsym, 2022

700 shaqyrymdy júgirip ótedi

91 ret kórsetildi

Akademık Ebineı Bóketov atyndaǵy Qaraǵandy ýnıversı­tetiniń oqytýshylary «Ulytaýǵa taǵzym» atty ýltramarafon uıymdastyrdy. Bul is-shara Arqadaǵy joǵary bilimniń qarashańyraǵy sanalatyn oqý ornynyń jarty ǵasyrlyq mereıtoıyna arnalǵan.

Ult uıasyna baǵyt alǵan ýltramarafondy Bóketov ýnı­versıtetindegi dene máde­nıeti jáne sporttyq daıyndyq teo­rııasy men ádistemesi kafedrasynyń aǵa oqytýshysy Baqdáýlet Tileýbek bastap, 42 sha­qyrymnan turatyn qashyq­tyqty júgirip ótti.

Sporttyq is-sharany uıym­das­tyrýshy Marat Turymov aıtqandaı, ushqan qustyń qanaty talatyn qashyqtyqqa júgirýshiler bes topqa bólingen eken.

– Jelaıaqtardyń biri 50 shaqyrym júgirse, ózgeleri 42 jáne 30 shaqyrymdy baǵyn­dyrýǵa tıis, – deıdi ol.

Al Turymovtyń ózi 21 sha­qyrymdy quraıtyn qashyq­tyqqa júgirýge táýekel etipti.

Jalpy, ýltramarafonshylar eki kún ishinde Qaraǵandy – Ulytaý baǵyty boıynsha 700 shaqyrymnyń basyn qaıyrýdy josparlap otyr.

Atalǵan is-sharany uıym­das­tyrýshylar jelaıaq­tar­dyń bul joryǵyn jańadan qurylǵan Ulytaý oblysyna kór­setilgen qurmettiń bir parasy ekenin de aıtady.

 

Qaraǵandy oblysy

Uqsas jańalyqtar