Jas adam úshin baspana máselesi eń ózekti problemanyń biri, tipti ómiriniń máni dep te aıtýǵa bolady. Osy oraıda Qaraǵandy oblysynyń basshylyǵy atalǵan máseleni ońynan sheshýdiń tıimdi jolyn usynyp otyr.
Mysaly, osy maqsatqa dep oblystyq bıýdjetten 1 mlrd teńge qarastyrylǵan. Bul ıgi isten shet qalmaǵan «Otbasy bank» te ortaǵa 500 mln teńge qarjy salyp otyr. Iаǵnı jeńildikti qaryz 20 mıllıon teńgege deıingi somaǵa
5%-ben beriledi. Bastapqy jarna 19 jylǵa deıingi merzimmen qaryz somasynyń 10%-yn quraıdy. Al turǵyn úıdi bastapqy jáne qaıtalama naryqta satyp alýǵa bolady.
Eske sala ketetin bir jaıt, bul qoljetimdi ıpotekalyq jańa baǵdarlama jas muǵalimderge, dárigerlerge, medbıkelerge, sportshylarǵa, jattyqtyrýshy-oqytýshylarǵa, mádenıet qyzmetkerlerine, jýrnalısterge, joǵary oqý ornynyń oqytýshylaryna, ǵylymı qyzmetkerlerge jáne áleýmettik sala ókilderine arnalǵan.
Baǵdarlamanyń ózindik sharttary da bar. Mysaly, ıpoteka keminde bir jyl resmı jumys istegen 35 jastan aspaǵan qaraǵandylyqtarǵa beriledi. Bul jerde tabys ta eskeriledi. Otbasynyń árbir múshesine ol alty eń tómengi kún kórý deńgeıi (1 ETKKD – 37 389 teńge) mólsherinen aspaýy, sondaı-aq baǵdarlamaǵa qatysýshy men otbasy músheleriniń keıingi bes jyl ishinde menshiginde jyljymaıtyn múlik bolmaýǵa tıis.
Oblystyq jastar saıasaty basqarmasynyń basshysy Birjan Álimjanov ıpoteka baǵdarlamasyna qatysýshylardy quramyna memlekettik organdar, depýtattyq korpýs jáne qoǵam ókilderi kirgen komıssııanyń irikteıtinin aıtady.
– Baǵdarlamanyń mehanızmi óte qarapaıym. Birinshi kezekte áleýetti qatysýshylar qalalyq ákimdiktiń front-keńsesine júginip, tıisti qujattar tizbesin tapsyrýy kerek. Odan keıin komıssııa baldyq júıe negizinde bankte biliktilikten ótýge joldama beriletin qatysýshylardyń tizimin jasaıdy. Munda ótinish berýshiniń nesıe tarıhy, tólem qabilettiligi deńgeıi jan-jaqty zertteledi. Bank tarapynan oń sheshim qabyldanǵan jaǵdaıda qaryz alýshy resimdeý prosesine kóshedi. Irikteý kezindegi negizgi ólshemsharttar – eńbek ótili, balalar sany jáne áleýmettik osal sanattarǵa kirý, – dep egjeı-tegjeıli túsinik berdi B.Álimjanov.
Baspanaly bolsam dep júrgen úısiz jastar ótinimdi 24 maýsymǵa deıin tapsyra alady.
Qaraǵandy oblysy
Janqosh Turarov álem chempıony atandy
Sport • Búgin, 22:14
«Qajymuqannyń inisi». Túıe kótergen palýan
Qoǵam • Búgin, 21:38
Tazy asyraýshy Prezıdentke Naýryz esimdi kúshikti syıǵa berdi
Prezıdent • Búgin, 21:13
Ramazan aıynda qaı avtobýstar tegin qatynaıdy?
Qoǵam • Búgin, 21:03
Tarazdyq polıseıler joǵalyp ketken 6 jasar balany tapty
Oqıǵa • Búgin, 20:24
Astana qalasy boıynsha Qazynashylyq departamentine jańa basshy taǵaıyndaldy
Taǵaıyndaý • Búgin, 20:05
Uqsas jańalyqtar
