Maǵjan Tegisov esimdi bozbala Qaraǵandydaǵy Nazarbaev zııatkerlik mektebin bıyl bitirdi. О́ziniń bolashaqtaǵy ómirin IT salasymen baılanystyrýdy uıǵarǵan óren qazirdiń ózinde AQSh-tyń birneshe oqý ornynan shaqyrtý aldy.
Ǵarysh álemi, robot tehnıkasy jáne startap-jobalarmen aınalysqandy unatatyn Maǵjan túrli respýblıkalyq jáne halyqaralyq baıqaýlarda júlde alyp júrgen daryndy jas. Buǵan qosa ol Nazarbaev zııatkerlik mektepteriniń 500-den astam oqýshysyn biriktiretin NIS Valley klýbynyń negizin qalaýshy.
Maǵjan Tegisov atalǵan klýbtyń kásipkerlikke, startap-jobalarǵa qyzyǵýshylyq tanytqan oqýshylardyń basyn biriktiretin alańqaıǵa aınalǵanyn aıtady.
– Olar sarapshylardan keńes alyp, tájirıbe jınaqtap, kóshbasshylyq qasıetterdi damyta alady. Oqý jyldaryndaǵy barlyq jetistigimniń arqasynda men AQSh-tyń birneshe ýnıversıtetinen shaqyrtý aldym. Biraq Amerıkadaǵy eń úzdiktiń biri – Colby College oqý ornyn tańdadym. Olardyń maǵan prezıdenttik stıpendııa taǵaıyndaǵany da tańdaýyma birshama yqpal etti, – deıdi M.Tegisov.
Maǵjannyń bolashaqtaǵy armany zor: Qazaqstanda Google, Apple, Amazon sııaqty IT-kompanııa qurǵysy keledi.
Budan bólek, jas jigittiń qazirgi ýaqytta aınalysyp júrgen bıznesi de bar. Barys Wear brendimen kıim jelisin iske qosqan ol, sondaı-aq logotıpteri bar iri kompanııalarǵa trıkotaj buıymdaryn da jetkizip turady.
QARAǴANDY
Úmit • Keshe
О́nerkásiptiń qozǵaýshy kúshi – ǵylym
Ǵylym • Keshe
Bıznes • Keshe
Pikir • Keshe
Pikir • Keshe
Ustaz • Keshe
Uqsas jańalyqtar
