Aımaqtar • 21 Maýsym, 2022

Jol jaǵdaıy jiti nazarda

18 ret kórsetildi

Mańǵystaý qazirgi tańda jol jaǵdaıymen qýana alady. Mańǵystaý oblysy boıynsha jolaýshylar kóligi jáne avtomobıl joldary basqarmasynyń málimetterine súıensek, jergilikti mańyzdaǵy avtomobıl joldarynyń jaqsy jáne qanaǵattanarlyq úlesi 95 paıyzdy quraıdy eken.

Kollajdy jasaǵan Qonysbaı ShEJIMBAI, «EQ»

Mańǵystaý oblysyndaǵy jal­py qoldanystaǵy avtomobıl jol­darynyń uzyndyǵy 2 957 sha­qyrymdy qurasa, respýblıkalyq mańyzy bar avtojoldarynyń jalpy uzyndyǵy – 1 013 sha­qy­rym. Mańǵystaý ústinen res­pýblıkalyq mańyzǵa ıe uzyndyǵy 576 shaqyrymǵa sozylǵan «Dos­sor – Qulsary – Beıneý – Saı-О́tes – Shetpe – Jetibaı – Aq­taý» avtojoly, uzyndyǵy 229 sha­qyrym «Jetibaı – Jańaózen – Kendirli – Túrikmenstan shekarasy» avtojoly, 59 shaqyrym «Aqtaý – Quryq» avtojoly, 64 shaqyrym «Quryq – Jetibaı» avtojoly, 85 shaqyrym «Beıneý – Aqjigit – О́zbekstan shekarasy» avtojoly ótedi. Oblystaǵy respýblıkalyq mańyzdaǵy avtomobıl joldaryn kútip ustaý jumystarymen «Qazaqavtojol» JShS oblystyq fılıaly aınalysady. Seriktestiktiń ózindegi 3, sondaı-aq Beıneý aýdanyndaǵy 5, Shetpedegi 58, Aqtaý qalasyndaǵy 59 «Jol paıdalaný» bólimderiniń qatań qadaǵalaýy negizinde jol sapasy talapqa saı. Mańǵystaý oblystyq «Qazaqavtojol» JShS fılıalynda 58 tehnıka, 100-ge tarta adam jumys isteıdi.

2021 jyly «Keshendi-maq­satty baǵdarlama» aıasynda res­pýblıkalyq mańyzy bar avto­mobıl joldarynda jol qa­ýipsizdigin qamtamasyz etý úshin 5 477 sharshy metrdi quraıtyn shuńqyrlardy jóndeý, 300 dana jol belgileri, 18 dana panno,

1 019 dana sıgnal baǵanalar, 2 500 metr qorshaýlardy ornatý jáne jóndeý, avtojoldardyń barlyq jelisinde jol tańbasyn syzý, 37 dana avtopavılondardy jóndeý boıynsha jumystar atqarylǵan. Sondaı-aq respýblıkalyq mańyzy bar avtomobıl joldarynda jol qaýipsizdigin qamtamasyz etý úshin 8 609 metr jaryqtardy biteý, 40 dana jol belgilerin aýystyrý, 318 metr qorshaýlardy ornatý jáne jóndeý, 300 dana katafottar ornatý boıynsha jumys júrgizildi jáne áli de jalǵasýda.

Al 2021 jyldyń qorytyndysy boıynsha jergilikti mańyzdaǵy avto­mobıl joldarynyń jaq­sy jáne qanaǵattanarlyq jaǵdaı­da­ǵy úlesi 95 paıyzdy qurap otyr.

Jyl basynan beri 201,3 sha­qy­rymdy qamtıtyn oblystyq jáne aýdandyq mańyzdaǵy jol­dardaǵy 12 jobanyń jumy­syna respýblıkalyq jáne jergilikti bıýdjetten 6 120,5 mln teńge qol­daý kórsetildi. Onyń ishinde Aq­taý qalasy aýmaǵynda oblystyq ma­ńyzdaǵy «MAEK» sý jınaý kanalynan «Quryq» paromdy ke­shenine deıingi 27 shaqyrym avtomobıl jolyn rekonstrýksııalaý, «Honda» ortalyǵynan О́mir­zaq aýylyna deıingi 4,5 shaqy­rymdyq jol, Aqtaý qalasynyń О́mirzaq eldi mekeninen «Jyly jaǵajaıǵa» deıingi 4,6 shaqy­rym avtomobıl jolynyń qury­lysy boıynsha jumys júr­gizilýde. Mańǵystaý aýdanynda uzyndyǵy 29 shaqyrymǵa so­zylǵan «Jyńǵyldy – Shaıyr – Sherqala», «Shetpe – Qyzan» jolyndaǵy 36 shaqyrymdyq Tas­muryn – Mastek ýchaskesi, «Shetpe – Qyzan» 25 shaqyrymǵa sozylǵan Mastek – Qyzan ýchaskesi jobalary iske asýda.

Munaıly aýdany boıynsha Atameken aýylyndaǵy aýdandyq mańyzy bar 3 shaqyrym avtomobıl jolyn rekonstrýksııalaý, Basqudyq aýylynan Mańǵystaý aýylyna deıingi 10 shaqyrym avtomobıl joly, 4,3 shaqyrym Munaıly aýdany Basqudyq

aýy­lyn­daǵy avtokólik jolynyń qu­ry­­lysy jobalary iske asyrylýda.

– «MAEK» sý alǵyshynan Quryq teńiz portyna deıingi 31 shaqyrym avtomobıl jolyn rekonstrýksııalaý, Aqtaý – Qa­lam­qas jáne Taýshyq – Shetpe avto­joldaryndaǵy jasandy qury­lystardy rekonstrýksııa­laý, 3 kezeń jobalarynyń jumystaryn bastaý josparlanýda. Sondaı-aq «Aýyl – el besigi» baǵdarlamasy aıasynda 2021 jyldan ótpeli 10 joba boıynsha 8 aýyldyń jalpy uzyndyǵy 45,3 shaqyrym aýylishilik joldaryna qurylys jumystary júrgizilýde. Atap aıt­qanda, Beıneý aýdany, Aqji­git aýyly, №2 aımaq mekenjaıy boıynsha avtomobıl jolyn salý, Qaraqııa aýdany Qu­ryq aýylyndaǵy kentishilik avto­mobıl joldaryn salý, Jyń­ǵyldy aýylyndaǵy avtomobıl jolynyń qurylysy, Baıan­dy aýylyndaǵy №3 orta mek­tepke kireberis avtomobıl jolynyń qurylysy, Munaıly aýdany Basqudyq aýylyndaǵy avtomobıl jolynyń qurylysy, Munaıly aýdanynyń Adaı avtobazasynan Baıandy aýylyna deıingi avtojoldyń syrtqy elektr jaryǵyn salý, Túpqaraǵan aýda­nynyń S.Shapaǵatov aýylyn­da (joǵarǵy bóligi) aýyl­ishi­lik avtomobıl jolyn salý, Túp­qaraǵan aýdanynyń S.Shapa­ǵa­tov aýylynyń tómengi bóli­gin­de aýylishilik avtomobıl jolyn salý, deıdi jolǵa qatysty at­qa­rylatyn jumystar týraly Mań­ǵystaý oblysy boıynsha jolaý­shylar kóligi jáne avtomobıl joldary basqarmasynyń basshysy Adaıbek Qalıev.

Basqarma basshysynyń aıtýyn­sha, atalǵan jumystarǵa res­pýblıkalyq jáne jergilikti bıýdjetten 985,4 mln teńge bó­lingen. Budan basqa birqatar joldy jóndeý úshin memlekettik satyp alý jumystaryn uıymdastyrý jáne qorytyndysyn shyǵarý bo­ıyn­sha jáne «Mono jáne shaǵyn qalalarda ınjenerlik jáne kólik ınfraqurylymyn damytý» baǵ­darlamasymen Jańaózen jáne Fort-Shevchenko qalalarynda júzege asyrylyp jatqan jalpy uzyn­dyǵy 24 shaqyrym bolatyn 4 jo­baǵa bıýdjetten 653,9 mln teń­ge bólinip, jumystar júrgizilýde.

– Respýblıkalyq bıýdjettiń naqtylaýynda qosymsha Jańaózen qalasynyń «Munaıly» jáne «Aqbulaq» shaǵyn aýdandarynyń qalaishilik avtomobıl joldaryn salý, Jańaózen qalasynyń «Astana» shaǵyn aýdanyndaǵy qalaishilik avtomobıl joldaryn salý jáne «Jańaózen qalasynyń «Aqsý» shaǵyn aýdanyndaǵy avtomobıl joldarynyń qurylysy – túzetý» jobalaryna 468 mln teńge qoldaý kórsetildi. Qazirgi tańda memlekettik satyp alý jumys­tary bastaldy. Sonymen qatar «О́ńir­lerdi 2025 jylǵa deıin damytý-oblys ortalyqtary» baǵ­darlamasy aıasynda osy jyly Aqtaý qalasynyń 19a jáne 33 sh/a arasyndaǵy uzyndyǵy 0,835 shaqyrym qoldanystaǵy №25 avtojoldy keńeıtý jáne Aqtaý qalasyndaǵy №15 jolǵa T tárizdi jalǵasqan №7 joldy keńeıtý jobalaryna respýblıkalyq bıýdjetten 217,7 mln teńge qoldaý kór­­setildi. Atalǵan jobalarǵa mem­­lekettik satyp alý konkýrstaryn bastaý jumystary júrýde, deı­di basqarma basshysy.

Teńiz qaqpasy sanalatyn Mań­­ǵystaýda jol jaǵdaıy jaman emes. Buǵan deıingi bitken jumystar men endi atqarylatyn jumystar bul jaǵdaıdy odan ári nyǵaıta túsedi dep oılaımyz.

 

Mańǵystaý oblysy

Sońǵy jańalyqtar

Aqyly joldaǵy ahýal qandaı?

Aımaqtar • Keshe

Buǵybulaý

Qazaqstan • Keshe

Júze bilý – ómir

Qoǵam • Keshe

О́lketanýshy

Qazaqstan • Keshe

Kebenek

Tarıh • Keshe

Sáýkele

О́ner • Keshe

Uqsas jańalyqtar