Qoǵam • 29 Maýsym, 2022

Baladan qashqan bezbúırek

760 ret kórsetildi

Atyraý oblysynda 8 780 balaǵa turaqty alıment tóleıtin 5 007 boryshker bar. Alaıda baýyr eti – balasyna kómek berýden bezetin bezbúırekter de kezdesedi. Qazir 185 adam 290 mln teńgeniń alımentin tóleýden jaltaryp júr.

Osyǵan baılanysty ob­lys­tyq prokýratýranyń uıyt­­qy bolýymen alımentke qa­tys­ty bereshekti azaıtý úshin vedom­stvoaralyq jumys toby quryldy. Jumys tobynyń bas­ty maqsaty – balalardyń qu­qyqtaryn qorǵaý. Ásirese alı­ment tólemeı júrgen borysh­ker­lerdi anyqtap, olardy ju­mys­qa ornalastyrýǵa yqpal etý. Osy maqsatta ýákiletti or­gan­darmen birge 10 jármeńke uıym­dastyrylyp, nátıjesinde, 42 bo­ryshker jumysqa ornalas­tyryldy.

«Birlesip júrgizilgen reıd kezinde boryshkerlerdiń 17 kó­ligi anyqtaldy. Boryshkerler 19 bala úshin 27,2 mln teńge alımentti tolyq tóledi. Proký­ror­lyq yqpal etý sharalarymen tólenbegen alıment boıynsha 62,5 mln teńgeniń bereshegi óndirildi. Osylaısha, 65 balanyń quqyǵy qorǵaldy» dep habarlady oblystyq prokýratýranyń baspasóz qyzmeti.

Prokýratýra qyzmet­ker­le­ri-
niń yqpalymen 69 borysh­ker Ákimshilik quqyq buzýshy­­lyq týraly kodekstiń 669-babymen ákimshilik jaýapkershilik­ke tar­­­tyldy. Boryshkerdiń bireýi Qylmystyq kodekstiń 139-babyna sáıkes (Balalaryn kútip-baǵýǵa arnalǵan qarajatty tó­leý jónindegi mindetterdi oryn­­damaý) 1 jyl 6 aıǵa bas bostan­dyǵynan shekteý jazasyna sottaldy. Sot úkimi zańdy kúshine endi. Sondaı-aq bes boryshker­ge qatysty sotqa deıingi tergeý júr­­gizilip jatyr.

– Qazir 42 boryshkerdiń kó­lik basqarý quqyǵy ýaqytsha shek­teldi. Al 102 boryshkerdiń shet­elge shyǵý quqyǵyna ýaqytsha tyıym salyndy. Balalary úshin alımentin tólemeı júrgen 185 jaýap­syz áke anyqtalyp otyr. Olardyń bereshegi 290 mln teń­geni quraıdy. Osyǵan oraı Ádi­let departamenti men jeke sot oryn­daýshylarynyń óńir­lik palatasyna osy baǵyt­taǵy jumysty jandandyrý úshin naqty mindetter qoıylyp, sot aktilerin tıimdi oryndaýǵa baı­lanysty negizgi maqsat aıqyn­daldy, – dep málim etti prokýra­týranyń baspasóz qyz­metinen.

Atyraý qalalyq prokýratý­rasynyń bólim prokýrory Áıge­rim Sábıtqyzynyń málimetinshe, munaıly shaharda turatyn 153 er adamnyń alıment boıynsha tólenbegen qaryzy 195 mln teń­geni qurap otyr. Sondaı borysh­kerdiń bireýiniń alty jyldan beri tólemegen alımenti 3,5 mln teńgege jetken.

– Joǵarǵy sottyń tıisti nor­ma­tıvtik qaýlysyna engizilgen ózgeristerge sáıkes, endi alıment tólemeı júrgen adamdar Qyl­mystyq kodekstiń 139-babymen 2 jylǵa deıin bas bostandyǵynan aıyrylady. Jaqynda Atyraý qala­synda alıment tóleýden jal­taryp júrgen, 3,5 mln teńge qary­zy bar er adamnyń isi sotqa jol­dandy, – deıdi Áıgerim Sábıtqyzy.

Onyń aıtýynsha, bul borysh­kerdiń turaqty jumysy bar. Bi­raq alty jyl boıy alımentke bere­shegin tólemeýine ne sebep? Endi bul istiń aq-qarasy sotta anyq­talady. Mundaı jaǵdaı Aty­raý qalasynda alǵash ret tir­ke­lip otyr. Sebebi buǵan deıin alı­mentke bereshegin tóleýden bas tar­typ, jasyrynyp júrgen adam­dar ákimshilik jazamen ǵana qutylatyn edi.

 

Atyraý oblysy

Sońǵy jańalyqtar

Búgin 3 qalada aýa sapasy nasharlaıdy

Aýa raıy • Búgin, 09:38

Uqsas jańalyqtar