Tehnologııa • 30 Maýsym, 2022

Sıfrlandyrýda oń ózgerister bar

18 ret kórsetildi

Sıfrlyq damý, ınnovasııalar jáne aeroǵarysh ónerkásibi mınıstrliginde ótken Qoǵamdyq keńestiń otyrysynda mekeme ókilderi atqarylǵan jumystar jaıly baıandady.

Mınıstr Baǵdat Mýsın Qoǵamdyq keńestiń memlekettik organdar qyzmetindegi aıryqsha rólin atap ótti.

«Qoǵamdyq keńester arqyly ózekti máse­leler kóterilip, qoǵamdyq pikirler aıqyndalady. Azamattyq qoǵam men memleket birigip jumys istese, bizdiń jobalarymyz da nátıjeli jáne tıimdirek bolary sózsiz. Sizderdiń eseli eńbekterińiz ben kótergen bastamalaryńyzǵa alǵys aıtamyn», dedi B.Mýsın qoǵam belsendilerine.

SDIAО́M apparat basshysy Arman Kenjeǵalıev mınıstrliktiń bıýdjettik baǵdarlamasy birneshe strategııalyq baǵyt boıynsha sonyń ishinde IT-salany damytý, memlekettik qyzmet kórsetý prosesin jetildirý, aqparattyq qaýipsizdik deńgeıin kóterý, aeroǵarysh salasy men taǵy basqa da baǵyttarda júzege asqanyn atap ótti.

«Strategııalyq baǵyttar boıynsha jal­py somasy 118 mlrd teńgege 10 bıýd­jettik baǵdarlama iske asyryldy. Byltyr SDIAО́M 18 maqsatty ındıkatorǵa qol jet­­kizdi jáne kóbiniń kórsetkishi jos­par­lanǵan mejeden asty», dedi A.Kenjeǵalıev.

Mınıstrlik pen mekemege qarasty uıymdar adamǵa baǵdarlanǵan servısterdi damytýǵa da kúsh salyp jatyr. Qazirgi tańda 18 sıfrly qujat qoljetimdi jáne bultty ESQ engizildi. Sondaı-aq negizgi áleýmettik mańyzy bar 23 memlekettik qyzmet proaktıvti nusqada usynylady. Mysaly, bala týý boıynsha memlekettik qyzmetterdi SMS arqyly alýǵa bolady, búginde 81 myń adamǵa osyndaı qyzmet kórsetilgen.

«Biz «vıdeoHQKO» jobasyn iske qostyq. Úıden shyqpaı-aq qyzmet alýǵa múmkindik beretin bul qyzmetti 17 650 azamat paıdalanǵan. Iаǵnı aldaǵy ýaqytta adamdar HQKO-ǵa barmaı-aq, qashyqtan konsýltasııa alyp, tipti memlekettik qyz­metterge de qol jetkize alady», dedi SDIAО́M Strategııalyq josparlaý depar­tamentiniń dırektory Meıirbek Muqatov.

Sońǵy jyldary baılanys sapasyna úlken kóńil bólinýde. 2021 jyly 628 eldi mekende ınternet sapasy jasqartylǵan, 2022 jyly 140 aýylda osy baǵyt boıynsha tıisti jumystar júrgizilip jatyr. Bul rette azamattar tarapynan baılanys sapasyna resmı shaǵym túsetin bolsa, jospardan tys tekseris júrgiziledi. Zań buzýshylyqtar rastalǵan jaǵdaıda, operatorlarǵa aıyp­pul salynyp, baılanys sapasyn jóndeý týraly nusqama beriledi. 2021 jyly 562 tekserý jasalyp, jalpy somasy 132 mln-nan astam teńgege aıyppul salyndy.

Nur-Sultan, Almaty jáne Shymkent qalalaryndaǵy 5G tehnologııasynyń synaǵy sátti ótti.

IT-bilimge beıimdelgen adamı kapıtaldy damytý júıesi – mınıstrlik qyzmetindegi mańyzdy baǵyttardyń birine aınaldy. «IT-fakýltetterdi IT-kompanııalardyń qam­qorlyǵyna berý, «Vırtýaldy muǵalim» jobasyn engizý jumystary júrgizilip jatyr, 300 myń maman oqytyldy. IT-mamandyq boıynsha bilim alýǵa 100 vaýcher bólindi, ár vaýcherdiń quny 600 myń teńge. 2025 jylǵa qaraı 20 myń vaýcher berý josparlanǵan», dedi M.Muqatov.

Geodezııa jáne kartografııa salasynda da qomaqty jumys atqaryldy. Qazirgi ýa­qytta Qazaqstan terrıtorııasy 100 paıyzǵa sıfrlanǵan – 272 mln ga jer resýrsy, sonyń ishinde 22 mln ga egistik; 127,7 mln ga jaıylymdyq jer (68%); 18,6 mln ga ormandy alqap.

Jerdiń sıfrly nusqasyn jasaý barysynda 1,1 mln ga jaıylymdyq pen 19,6 mln ga egindik ıgerýsiz jatqandyǵy, sondaı-aq 2 641 aǵash kesý polıgony, 6,5 mln ga órtengen jer, 7,3 myń zańsyz qoqys orny, keń taralǵan paıdaly qazbalardy zańsyz óndirý boıynsha 21 oqıǵa, jerdi zańsyz ıelený boıynsha 391 myń oqıǵa anyqtalǵan.

Sońǵy jańalyqtar

Búgin 3 qalada aýa sapasy nasharlaıdy

Aýa raıy • Búgin, 09:38

Uqsas jańalyqtar