Aımaqtar • 30 Maýsym, 2022

Aqtaýda qoǵamdyq kólikter 100 paıyzǵa jańardy

19 ret kórsetildi

Bul týraly Ortalyq kommýnıkasııalar qyzmetinde ótken baspasóz konferensııasynda Mańǵystaý oblysynyń ákimi Nurlan Noǵaev málimdedi, dep habarlaıdy Egemen.kz.

Oblys ortalyǵyndaǵy avtobýstardyń bir bóligi sońǵy ret 2011 jyly jańartylǵan bolatyn. 2020 jylǵa deıin qaladaǵy avtobýs marshrýttarynyń qyzmetterin eski úlgidegi kólikter atqaryp keldi.

2020 jyly Mańǵystaý oblysy jáne Aqtaý qalasy ákimdikteriniń qoldaýymen «Kaspıı» ÁKK AQ-na «Qazaqstan Damý Banki» AQ-nyń lızıngtik baǵdarlamasy arqyly 18 dana jańa avtobýs alynyp, №3, №7 marshrýttaryna qyzmet kórsetýge berildi.

Sonymen qatar 2021 jyldyń aqpan aıynda qalanyń №5, №4 marshrýttaryn jańartý maqsatynda, tasymaldaýshy mekeme óz tarapynan 20 avtobýs ákelip, qoldanysqa berdi. Osylaısha qalamyzdaǵy qoǵamdyq kólikterdiń 70 paıyzy jańartyldy.

Aldaǵy ýaqytqa jospar boıynsha qalǵan №2, №4 marshrýttardyń avtobýstaryn jańartý máselesi kún tártibinde tur. Atalǵan máseleni sheshý boıynsha Mańǵystaý oblysy jáne Aqtaý qalasy ákimdikteriniń qoldaýymen «Kaspıı» ÁKK AQ-y arqyly 16 dana jańa avtobýs satyp alý boıynsha ekonomıkalyq negizdeme daıyndalyp, alǵashqy 20 paıyz jarnasy memleket bıýdjetten tólenip, 12 danasy qalaǵa jetkizildi.

Bul qoǵamdyq kólikter tabıǵaty kontınentaldy Mańǵystaý jerine beıimdelgen. Kólikterdiń ereksheligi jazdy kúnderi muzdatqyshtaryn paıdalanýǵa bolady, sondaı-aq jelisiz vaı-faı, onlaın tólem jasaýǵa valıdatorlar ornatylǵan. Múgedekterge arnalǵan pandýstarymen, eń bastysy jolaýshylar qaýipsizdigi úshin 4 beınekameramen jabdyqtalǵan. 3 beınekamera avtobýstyń ishinde, 1-eýi syrtynda ornalasqan. Avtobýstardaǵy beınekameralar oblystyq polısııa departamentiniń Jedel basqarý ortalyǵyna tikeleı qosylady. 

Atalǵan avtobýstar aǵymdaǵy jyldyń 1-shildesinen bastap, qoldanysqa beriledi. Bul óz kezeginde qalamyzdaǵy qoǵamdyq kólikterdi 100 paıyzǵa jańartty.

Sońǵy jańalyqtar

«Bir juldyz bolyp qalam men»

Rýhanııat • Keshe

Kenııanyń kóz jasy

Ádebıet • Keshe

Zaýyt súzgileri aýystyryldy

Qazaqstan • Keshe

Arystanmen arbasý

О́ner • Keshe

Dollar qymbattady

Ekonomıka • Keshe

Uqsas jańalyqtar