Aımaqtar • 01 Shilde, 2022

Bıyl Shymkentte 51 úı paıdalanýǵa beriledi

26 ret kórsetildi

2021 jyly Shymkentte 1 mln sharshy metrden astam turǵyn-jaı el ıgiligine berildi. Al bıyl bul mejeni 4,7 paıyzǵa arttyryp, paıdalanýǵa beriletin baspana kólemin 1 mln 60 myń sharshy metrge jetkizý kózdelip otyr. Bul týraly qala ákimi Murat Áıtenov elordada Ortalyq kommýnıkasııalar qyzmetinde ótken baspasóz brıfınginde málimdedi, dep habarlaıdy Egemen.kz.

«Bıýdjet esebinen kópqabatty 51 úı paıdalanýǵa tapsyrylady degen jospar bar. Bul – jalpy 2 972 páter degen sóz. Onyń ishinde 31 kredıttik, 20 arendalyq úı bar», dedi qala ákimi.

Megapolıs basshysynyń aıtýynsha, baspana kezeginde turǵan, tabysy az azamattarǵa quny 1 mıllıon teńgelik turǵyn úı sertıfıkatyn berý qarastyrylǵan. Bul maqsatta 500 mln teńge bólindi.

«Buǵan qosa kópqabatty 18 úı jóndelýde. Al turǵyn úı qoryn basqarýdyń jańa mehanızmderi – páter ıeleriniń birlestigi men jaı seriktestikke ótý kórsetkishi qalada 100 paıyzdy quraıdy», dedi ákim.

Uqsas jańalyqtar